നെ​ടു​മ്പാ​ശേ​രി : ദു​ബാ​യി​ലേ​ക്കു​ള്ള വി​മാ​നം റ​ദ്ദാ​ക്കി​യ​തി​നെ തു​ട​ർ​ന്ന് യാ​ത്ര​ക്കാ​ർ വ​ല​ഞ്ഞു. യാ​ത്ര​ക്കാ​ർ ഒ​ൻ​പ​തു മ​ണി​ക്കൂ​റി​ലേ​റെ വി​മാ​ന​ത്താ​വ​ള​ത്തി​ൽ കാ​ത്തി​രു​ന്ന ശേ​ഷ​മാ​ണ് വി​മാ​നം റ​ദ്ദാ​ക്കി​യ​ത്.

ശ​നി​യാ​ഴ്ച രാ​ത്രി 11.30 ന് ​പു​റ​പ്പെ​ടേ​ണ്ടി​യി​രു​ന്ന സ്പൈ​സ്‌ ജെ​റ്റ് വി​മാ​ന​മാ​ണ് ഇ​ന്ന​ലെ രാ​വി​ലെ 7.30 ഓ​ടെ റ​ദ്ദാ​ക്കി​യ​താ​യി അ​റി​യി​ച്ച​ത്. ഇ​തോ​ടെ വി​മാ​ന​ത്താ​വ​ള​ത്തി​ൽ പ്ര​തി​ഷേ​ധ​വു​മാ​യി യാ​ത്ര​ക്കാ​ർ രം​ഗ​ത്തെ​ത്തി. പോ​ലീ​സ് എ​ത്തി​യാ​ണ് ഇ​വ​രെ അ​നു​ന​യി​പ്പി​ച്ച​ത്.

രാ​ജ്യാ​ന്ത​ര യാ​ത്ര​ക്കാ​ർ വി​മാ​നം പു​റ​പ്പെ​ടു​ന്ന​തി​ന് മൂ​ന്ന് മ​ണി​ക്കൂ​ർ മു​ന്പേ റി​പ്പോ​ർ​ട്ട് ചെ​യ്യ​ണ​മെ​ന്ന​തി​നാ​ൽ 8.30 ഓ​ടെ വി​മാ​ന​ത്താ​വ​ള​ത്തി​ൽ എ​ത്തി​യ​വ​രാ​ണ് പ​ല​രും. വി​മാ​നം വൈ​കു​ന്ന​തു​മാ​യി ബ​ന്ധ​പ്പെ​ട്ട് അ​ധി​കൃ​ത​ർ കൃ​ത്യ​മാ​യി വി​വ​ര​ങ്ങ​ൾ ന​ൽ​കി​യി​ല്ലെ​ന്നും ആ​ക്ഷേ​പ​മു​ണ്ട്.

നൂ​റി​ല​ധി​കം പേ​രാ​ണ് ഈ ​വി​മാ​ന​ത്തി​ൽ പു​റ​പ്പെ​ടാ​ൻ എ​ത്തി​യി​രു​ന്ന​ത്. ജോ​ലി​യി​ൽ പ്ര​വേ​ശി​ക്കാ​നു​ള്ള​വ​രും പ​രീ​ക്ഷ​യ്ക്കാ​യി പോ​കു​ന്ന വി​ദ്യാ​ർ​ഥി​ക​ളും യാ​ത്ര മു​ട​ങ്ങി​യ​വ​രു​ടെ കൂ​ട്ട​ത്തി​ലു​ണ്ടാ​യി​രു​ന്നു.

സാ​ങ്കേ​തി​ക പ്ര​ശ്ന​മാ​ണു വി​മാ​നം റ​ദ്ദാ​ക്കാ​ൻ കാ​ര​ണ​മെ​ന്നാ​ണ് സ്പൈ​സ് ജെ​റ്റ് അ​ധി​കൃ​ത​രു​ടെ വി​ശ​ദീ​ക​ര​ണം. മ​റ്റൊ​രു വി​മാ​ന​ത്തി​ൽ‌ യാ​ത്ര​യ്ക്കു​ള്ള സൗ​ക​ര്യ​മൊ​രു​ക്കാ​ൻ യാ​ത്ര​ക്കാ​ർ ആ​വ​ശ്യ​പ്പെ​ട്ടെ​ങ്കി​ലും അ​ത്ത​ര​ത്തി​ലൊ​രു സം​വി​ധാ​ന​മി​ല്ലെ​ന്നാ​യി​രു​ന്നു അ​ധി​കൃ​ത​രു​ടെ മ​റു​പ​ടി. ടി​ക്ക​റ്റ് റ​ദ്ദാ​ക്കി​യാ​ൽ പ​ണം തി​രി​കെ ല​ഭി​ക്കാ​ൻ ഏ​ഴു ദി​വ​സ​മെ​ടു​ക്കും.