തൃ​പ്പൂ​ണി​ത്തു​റ: ഹോ​ൺ മു​ഴ​ക്കി​യെ​ന്ന കാ​ര​ണം പ​റ​ഞ്ഞ് കെ​എ​സ്ആ​ർ​ടി​സി ബ​സ് ഡ്രൈ​വ​റെ കാ​റി​ലെ​ത്തി​യ​വ​ർ ക്രൂ​ര​മാ​യി മ​ർ​ദി​ച്ച സം​ഭ​വ​ത്തി​ൽ ഒ​രാ​ളെ ഹി​ൽ​പാ​ല​സ് പോ​ലീ​സ് അ​റ​സ്റ്റ് ചെ​യ്തു. പി​റ​വം മു​ള​ക്കു​ളം അ​ഖി​ൽ(34) ആ​ണ് പി​ടി​യി​ലാ​യ​ത്.

എ​റ​ണാ​കു​ളം ഡി​പ്പോ​യി​ലെ ഡ്രൈ​വ​ർ പി.​ഐ. സു​ബൈ​റി​നെ​യാ​ണ്(47) സം​ഘം മ​ർ​ദി​ച്ച​ത്. ക​ണ്ണ​ൻ​കു​ള​ങ്ങ​ര ജം​ഗ്ഷ​നി​ൽ ഇ​ന്ന​ലെ രാ​വി​ലെ 7.40ഓ​ടെ​യാ​യി​രു​ന്നു സം​ഭ​വം. ത​ല​യ്ക്കും കൈ​ക്കും പ​രി​ക്കേ​റ്റ സു​ബൈ​റി​ന് ഉ​ട​ൻ തൃ​പ്പൂ​ണി​ത്തു​റ താ​ലൂ​ക്ക് ആ​ശു​പ​ത്രി​യി​ൽ പ്രാ​ഥ​മി​ക ശു​ശ്രൂ​ഷ ന​ല്കി.

തു​ട​ർ​ന്ന് വി​ദ​ഗ്ധ ചി​കി​ത്സ​യ്ക്കാ​യി ക​ള​മ​ശേ​രി മെ​ഡി​ക്ക​ൽ കോ​ള​ജി​ൽ പ്ര​വേ​ശി​പ്പി​ച്ചു. അ​ടി​യേ​റ്റ​തി​നെ തു​ട​ർ​ന്ന് സു​ബൈ​റി​ന്‍റെ ചെ​വി​ക്കു​ള്ളി​ൽ ര​ക്തം ക​ട്ട​പി​ടി​ച്ചി​ട്ടു​ണ്ട്.

എ​റ​ണാ​കു​ള​ത്തു നി​ന്നു ക​ട്ട​പ്പ​ന​യ്ക്ക് പോ​കു​ക​യാ​യി​രു​ന്നു കെ​എ​സ്ആ​ർ​ടി​സി ബ​സ്. ക​ണ്ണ​ൻ​കു​ള​ങ്ങ​ര ജം​ഗ്ഷ​നി​ലെ ബ​സ് സ്റ്റോ​പ്പി​ന​ടു​ത്ത് കാ​ർ നി​ർ​ത്തി​യ​പ്പോ​ൾ പി​ന്നാ​ലെ​ത്തി​യ കെ​എ​സ്ആ​ർ​ടി​സി ബ​സ് ഡ്രൈ​വ​ർ ഹോ​ണ​ടി​ച്ച​താ​ണ് പ്ര​കോ​പ​ന​ത്തി​ന് കാ​ര​ണ​മെ​ന്നു പ​റ​യു​ന്നു. ബ​സ് ത​ട​ഞ്ഞു​നി​ർ​ത്തി കാ​ർ യാ​ത്രി​ക​ർ അ​സ​ഭ്യം പ​റ​യു​ക​യും ഡ്രൈ​വ​ർ സൈ​ഡി​ലെ ഡോ​ർ തു​റ​ന്ന് ഡ്രൈ​വ​റെ മ​ർ​ദി​ക്കു​ക​യു​മാ​യി​രു​ന്നു. അ​ക്ര​മ​ത്തി​നു ശേ​ഷം ഇ​വ​ർ ര​ക്ഷ​പ്പെ​ടു​ക​യാ​യി​രു​ന്നു.