മൂവാറ്റുപുഴ: സംഘപരിവാറിന്റെ ഫാസിസ്റ്റ് നയങ്ങൾക്കെതിരെ നിരന്തരം പാർലമെന്റിൽ ശബ്ദമുയർത്തിയ ജനപ്രതിനിധിയാണ് ഡീൻ കുര്യാക്കോസെന്ന് മുസ്ലിം ലീഗ് ജില്ല ജനറൽ സെക്രട്ടറി വി.ഇ. അബ്ദുൾ ഗഫൂർ. മൂന്നു പ്രാവശ്യം പാർലമെന്റിൽനിന്നു പുറത്താക്കിയാണ് ബിജെപി സർക്കാർ ഇതിന് അദ്ദേഹത്തോട് പ്രതികാരം ചെയ്തത്.
ആവോലിയിൽ നടന്ന ഇടുക്കി ലോക്സഭാ മണ്ഡലം യുഡിഎഫ് സ്ഥാനാർഥി ഡീൻ കുര്യാക്കോസിന്റെ തെരഞ്ഞെടുപ്പ് പൊതുപര്യടനം ഉദ്ഘാടനം ചെയ്യുകയായിരുന്നു അദ്ദേഹം. പി.എം. അമീർ അലി അധ്യക്ഷത വഹിച്ചു.
രാവിലെ പുളിക്കായത്ത് കടവിലെ ഉദ്ഘാടന സമ്മേളനത്തിന് ശേഷം നടുക്കര ഗ്രോട്ടോ, ആവോലി, ആനിക്കാട് ചിറപ്പടി, സ്വപ്നഭൂമി, കോട്ടപ്പുറം കവല, അടൂപറന്പ്, ഉല്ലാപ്പിള്ളി, പള്ളിക്കവല, മഞ്ചേരിപ്പടി, മണ്ണത്തൂർ കവല, ഈസ്റ്റ് മാറാടി, പാറതട്ടാൽ പള്ളിത്താഴം, കായനാട്, വാളകം കവല, പാലനാട്ടിൽ കവല, സിറ്റിസി കവല, മേക്കടന്പ്, കാടതി പള്ളിത്താഴം എന്നിവിടങ്ങളിലാണ് ഡീൻ കുര്യാക്കോസ് പ്രചാരണത്തിന് എത്തിയത്.
പൂക്കളും പഴങ്ങളും നൽകി സ്ത്രീകളും കുട്ടികളും മുതിർന്നവരും ഡീനിനെ സ്വീകരിച്ചു. ഉച്ചയ്ക്ക് ശേഷം പെരുമറ്റം, തച്ചേത്ത് പടി, പള്ളിപ്പടി, ചിറപ്പടി, പൊന്നിരിക്കപ്പറന്പ്, മുളവൂർ, തട്ടുപ്പറന്പ്, ഇലാഹിയ കോളജ്, പായിപ്ര സ്കൂൾ പടി, തൃക്കളത്തൂർ കാവുംപടി, മുടവൂർ തവള കവല, എള്ളുമല ജംഗ്ഷൻ, പായിപ്ര കവല, പുളിഞ്ചുവട്, കുര്യൻമല, തോട്ടുങ്ങൽ പീടിക, ആശ്രമം സ്വകാര്യ ബസ് സ്റ്റാൻഡ്, കീച്ചേരിപ്പടി എന്നിവിടങ്ങളിലെ പര്യടനത്തിന് ശേഷം ചാലിക്കടവ് പാലത്തിന് സമീപം സമാപിച്ചു.
മാത്യു കുഴൽനാടൻ എംഎൽഎ, കെ.എം. സലിം, കെ.എം. പരീത്, ഉല്ലാസ് തോമസ്, സാബു ജോണ്, ജോസ് പെരുന്പിള്ളിക്കുന്നേൽ, പി.എ. ബഷീർ, ടോമി പാലമല, റെജി ജോർജ്, രാജു കണിമറ്റം, ഫ്രാൻസിസ് എലഞ്ഞേടത്ത്, ജോർജ് തെക്കുംപുറം, മുഹമ്മദ് ആവോലി, ഷിബു പരീക്കൻ, തോംസണ് പീച്ചപ്പിള്ളി, ജോസ് കുര്യാക്കോസ്, സുഭാഷ് കടക്കോട്, ഷെൽമി ജോണ്സ്, ഹനീഫ രണ്ടാർ എന്നിവർ പ്രസംഗിച്ചു.