പിറവം: കോട്ടയം പാർലമെന്‍റ് മണ്ഡലത്തിലെ എൽഡിഎഫ് സ്ഥാനാർഥി തോമസ് ചാഴികാടന്‍റെ പിറവം നിയോജക മണ്ഡലത്തിലെ രണ്ടാം ഘട്ട പര്യടനത്തിന് വിവിധ കേന്ദ്രങ്ങളിൽ ഊഷ്മള സ്വീകരണം നൽകി.
വോട്ടർമാർ ആവേശത്തോടെയാണ് സ്ഥാനാർഥിയെ സ്വീകരിച്ചത്. ഇലഞ്ഞി പഞ്ചായത്തിലെ പര്യടനം അന്ത്യാലിൽ സമാപിച്ചു. വിവിധ കേന്ദ്രങ്ങളിൽ അഭിവാദ്യമർപ്പിക്കാൻ കാർഷിക വിഭവങ്ങളുമായാണ് കർഷകർ എത്തിയത്.
ഇലഞ്ഞിയിൽ നിന്ന് നൂറിലേറെ ഇരുചക്രവാഹനങ്ങളുടെ അകമ്പടിയോടെ പിറവം നഗരസഭയിലെ ഇല്ലിക്ക മുക്കടയിലേക്കെത്തി. പാലച്ചുവട്, ആശുപത്രിപ്പടി, മുളക്കുളം പള്ളിപ്പടി, കളമ്പൂക്കാവ്, പുളിന്താനം, കോട്ടപ്പുറം, പാഴൂർ സ്കൂൾ, പിറവം ടൗൺ വഴി എന്നിവിടങ്ങളിൽ സ്വീകരണം നൽകി.
ഓണക്കൂർ പള്ളിപ്പടിയിൽ നിന്ന് പാമ്പാക്കുട പഞ്ചായത്തിലെ പര്യടനം ആരംഭിച്ചു. തൊടുവക്കുഴി, അഞ്ചൽപ്പെട്ടി, കൈനി, പാമ്പാക്കുട, നെയ്ത്തുശാലപ്പടി, പിറമാടം ഉൾപ്പെടെ 12 കേന്ദ്രങ്ങളിലെ സ്വീകരണത്തിനു ശേഷം തിരുമാറാടി പഞ്ചായത്തിലേക്ക് കടന്നു. നാവോളിമറ്റത്തു നിന്നാരംഭിച്ച് 13 സ്വീകരണ കേന്ദ്രങ്ങൾ പിന്നിട്ട് കാക്കൂർ അണ്ടിച്ചിറയിൽ പര്യടനം സമാപിച്ചു.
ഇടയാർ ഓലക്കാടു നിന്നാണ് കൂത്താട്ടുകുളം നഗരസഭയിലെ പര്യടനം ആരംഭിച്ചത്. ചെള്ളയ്ക്കപ്പടി, കാലിക്കറ്റ് കവല, മംഗലത്തുതാഴം, ചോരക്കുഴി തുടങ്ങി 13 സ്വീകരണ കേന്ദ്രങ്ങൾ പിന്നിട്ട് തളിക്കുന്നിൽ സമാപിച്ചു.
സ്വീകരണ കേന്ദ്രങ്ങളിൽ എൽഡിഎഫ് നേതാക്കളായ കെ.പി. സലിം, എ.ഡി. ഗോപി, പി.എസ്. മോഹനൻ, സി.എൻ. സദാമണി, സി.കെ. പ്രകാശ്, രാജു തെക്കൻ, സോജൻ ജോർജ്, എം.എൻ. കേശവൻ, ബേസിൽ സണ്ണി, അഖിൽ ദാസ്, എസ്. കൃഷ്ണദാസ്, മേരി ഹർഷ, സോമൻ വല്ലയിൽ, ഒ.എൻ. വിജയൻ, അനിൽ ചെറിയാൻ, വർഗീസ് മാണി,
ജിനു അഗസ്റ്റിൻ, സണ്ണി കുര്യാക്കോസ്, എം.ആർ. സുരേന്ദ്രനാഥ്, ഫെബീഷ് ജോർജ്, ബിനീഷ് തുളസീദാസ്, പി.യു. വർഗീസ്, സനൽ ചന്ദ്രൻ, നഗരസഭ അധ്യക്ഷന്മാരായ വിജയ ശിവൻ, ജൂലി സാബു, പഞ്ചായത്ത് പ്രസിഡന്‍റ് സന്ധ്യ മോൾ പ്രകാശ്, എ.എസ്. രാജൻ തുടങ്ങിയവർ വിവിധ കേന്ദ്രങ്ങളിൽ പ്രസംഗിച്ചു.