നെ​ടു​മ്പാ​ശേ​രി: ഗു​ണ്ടാ​സം​ഘ​ങ്ങ​ള്‍​ക്കി​ട​യി​ലെ കു​ടി​പ്പ​ക​യെ​ത്തു​ട​ര്‍​ന്ന് കു​റു​മ​ശേ​രി​യി​ല്‍ ഗു​ണ്ടാ​നേ​താ​വി​നെ ന​ടു​റോ​ഡി​ല്‍ വെ​ട്ടി​ക്കൊ​ന്നു. തു​രു​ത്തി​ശേ​രി വി​ഷ്ണു വി​ഹാ​റി​ല്‍ വി​നു വി​ക്ര​മ​ന്‍(33) ആ​ണ് കൊ​ല്ല​പ്പെ​ട്ട​ത്. സം​ഭ​വ​ത്തി​ല്‍ ര​ണ്ടു​പേ​രെ ചെ​ങ്ങ​മ​നാ​ട് പോ​ലീ​സ് കസ്റ്റഡിയിലെടുത്തു.

കു​റു​മ​ശേ​രി സ്വ​ദേ​ശി​ക​ളാ​യ തി​മ്മ​യ​ന്‍ എ​ന്ന് വി​ളി​ക്കു​ന്ന നി​ധി​ന്‍ (28), ദീ​പ​ക് (38) എ​ന്നി​വ​രാ​ണ് പി​ടി​യി​ലാ​യ​ത്. ഇ​ന്ന​ലെ പു​ല​ര്‍​ച്ചെ ര​ണ്ടോ​ടെ കു​റു​മ​ശേ​രി പ്രി​യ​പ്പ​ടി​ക്ക് സ​മീ​പ​മാ​യി​രു​ന്നു സം​ഭ​വം. കൊ​ല്ല​പ്പെ​ട്ട വി​നു​വും പ്ര​തി​ക​ളും മു​മ്പ് ഒ​രേ ഗു​ണ്ടാ​സം​ഘ​ത്തി​ല്‍​പ്പെ​ട്ട​വ​രാ​യി​രു​ന്നു.

ഗൂ​ഢാ​ലോ​ച​ന, മ​റ്റ് ആ​ളു​ക​ളു​ടെ പ​ങ്ക് തു​ട​ങ്ങി​യ കാ​ര്യ​ങ്ങ​ളി​ല്‍ പോ​ലീ​സ് വി​ശ​ദ​മാ​യ അ​ന്വേ​ഷ​ണം ആ​രം​ഭി​ച്ചു. 2019ല്‍ ​അ​ത്താ​ണി​യി​ലെ ഗു​ണ്ടാ​നേ​താ​വ് ബി​നോ​യി​യെ കൊ​ല​പ്പെ​ടു​ത്തി​യ കേ​സി​ലെ മു​ഖ്യ​പ്ര​തി​യാ​ണ് കൊ​ല്ല​പ്പെ​ട്ട വി​നു.

കു​റു​മ​ശേ​രി​യി​ലെ തി​രു​ക്കൊ​ച്ചി ബാ​റി​ല്‍ ചൊ​വ്വാ​ഴ്ച രാ​ത്രി വി​നു വി​ക്ര​മ​നും ദീ​പ​ക്കും മ​റ്റൊ​രു സു​ഹൃ​ത്താ​യ കി​ഴ​ക്കേ കു​റു​മ​ശേ​രി സ്വ​ദേ​ശി സിം​ബാ​വേ എ​ന്ന് വി​ളി​ക്കു​ന്ന സ​തീ​ഷും ഒ​രു​മി​ച്ചി​രു​ന്ന് മ​ദ്യ​പി​ക്കു​ക​യും ത​ര്‍​ക്ക​ത്തി​ല്‍ ഏ​ര്‍​പ്പെ​ടു​ക​യു​മു​ണ്ടാ​യി.

പി​ന്നീ​ട് രാ​ത്രി 11 ഓ​ടെ കു​റു​മ​ശേ​രി​യി​ലെ ഓ​ട്ടോ ഡ്രൈ​വ​ര്‍ സി​ന്‍റോ​യു​ടെ ഓ​ട്ടോ​യി​ലാ​ണ് മൂ​വ​വ​രെ​യും കു​റു​മ​ശേ​രി​യി​ലെ​ത്തി​ച്ച​ത്. ബാ​റി​ലെ സി​സി​ടി​വി കാ​മ​റ​യി​ല്‍ നി​ന്നും മൂ​വ​രും ഓ​ട്ടോ​റി​ക്ഷ​യി​ല്‍ ക​യ​റി​പ്പോ​കു​ന്ന ദൃ​ശ്യം പോ​ലീ​സി​ന് ല​ഭി​ച്ചി​ട്ടു​ണ്ട്. തു​ട​ര്‍​ന്ന് പ്ര​തി​ക​ളി​ലൊ​രാ​ളാ​യ നി​ധി​ന്‍റെ വീ​ട്ടി​ലേ​ക്ക് വി​നു​വി​നെ കൂ​ട്ടി​ക്കൊ​ണ്ടു​പോ​യ ശേ​ഷം ഭ​ക്ഷ​ണം ക​ഴി​ക്കു​ന്ന​തി​നി​ടെ വീ​ണ്ടും ത​ര്‍​ക്ക​മു​ണ്ടാ​യി.

ഇ​തേ​ത്തു​ട​ര്‍​ന്നു​ള്ള വാ​ക്കു​ത​ര്‍​ക്ക​ത്തി​നി​ടെ പ്ര​തി​ക​ള്‍ വി​നു​വി​നെ വെ​ട്ടി​ക്കൊ​ല​പ്പെ​ടു​ത്തു​ക​യാ​യി​രു​ന്നു. കൊ​ല ന​ട​ക്കു​മ്പോ​ള്‍ മ​ദ്യ​ല​ഹ​രി​യി​ലാ​യി​രു​ന്ന സ​തീ​ഷ് ഓ​ട്ടോ​റി​ക്ഷ​യി​ല്‍ ഇ​രു​ന്ന് ഉ​റ​ങ്ങു​ക​യാ​യി​രു​ന്നു​വെ​ന്നാ​ണ് പോ​ലീ​സി​ന് ല​ഭി​ച്ചി​ട്ടു​ള്ള വി​വ​രം. സ​തീ​ഷും സി​ന്‍റോ​യും പോ​ലീ​സ് ക​സ്റ്റ​ഡി​യി​ലാ​ണ്.

ആ​ക്ര​മ​ണ​ത്തെ​ത്തു​ട​ര്‍​ന്ന് റോ​ഡി​ല്‍ ര​ക്തം വാ​ര്‍​ന്ന് അ​ബോ​ധാ​വ​സ്ഥ​യി​ല്‍ വി​നു​വി​നെ ക​ണ്ട ബൈ​ക്ക് യാ​ത്രി​ക​നാ​ണ് വി​വ​രം നാ​ട്ടു​കാ​രെ​യും പോ​ലീ​സി​നെ​യും അ​റി​യി​ച്ച​ത്. ഉ​ട​ന്‍ അ​ങ്ക​മാ​ലി അ​പ്പോ​ളോ ആ​ശു​പ​ത്രി​യി​ലെ​ത്തി​ച്ചെ​ങ്കി​ലും മ​ര​ണം സം​ഭ​വി​ച്ചു.

ക​ള​മ​ശേ​രി മെ​ഡി​ക്ക​ല്‍ കോ​ള​ജി​ല്‍ നി​ന്നും പോ​സ്റ്റ്മാ​ര്‍​ട്ട​ത്തി​നു​ശേ​ഷം വി​നു​വി​ന്‍റെ മൃ​ത​ദേ​ഹം ബ​ന്ധു​ക്ക​ള്‍​ക്ക് വി​ട്ടു​ന​ല്‍​കി. വി​ക്ര​മ​ന്‍റെ​യും പ​രേ​ത​യാ​യ സാ​റ​ക്കു​ട്ടി​യു​ടെ​യും മ​ക​നാ​ണ് കൊ​ല്ല​പ്പെ​ട്ട വി​നു. വി​ഷ്ണു ഏ​ക സ​ഹോ​ദ​ര​നാ​ണ്. പ്ര​തി​ക​ളാ​യ നി​ധി​നും ദീ​പ​ക്കും കൊ​ല്ല​പ്പെ​ട്ട വി​നു​വും കാ​പ്പ ചു​മ​ത്തി നാ​ടു​ക​ട​ത്ത​പ്പെ​ട്ട​വ​രാ​ണ്.

തെ​റ്റി​പ്പി​രി​ഞ്ഞ അ​ത്താ​ണി 'ബോ​യ്‌​സ്'

2019ല്‍ ​വി​നു കൊ​ല​പ്പെ​ടു​ത്തി​യ ഗി​ല്ലാ​പ്പി എ​ന്നു വി​ളി​ക്കു​ന്ന ഗു​ണ്ടാ​നേ​താ​വ് ബി​നോ​യി​യു​ടെ അ​ത്താ​ണി ബോ​യ്‌​സ് എ​ന്ന​റി​യ​പ്പെ​ട്ടി​രു​ന്ന ഗു​ണ്ടാ​സം​ഘ​ത്തി​ലെ അം​ഗ​ങ്ങ​ളാ​യി​രു​ന്നു കൊ​ല്ല​പ്പെ​ട്ട വി​നു​വും പ്ര​തി​ക​ളാ​യ നി​ധി​നും ദീ​പ​ക്കും. വി​നു​വി​ന്‍റെ അ​ച്ഛ​നെ ദീ​പ​ക് മ​ര്‍​ദി​ച്ച​തോ​ടെ​യാ​ണ് വി​നു അ​ത്താ​ണി ബോ​യ്‌​സു​മാ​യി തെ​റ്റി​പ്പി​രി​ഞ്ഞ​ത്.

ബി​നോ​യ് പ​റ​ഞ്ഞ പ്ര​കാ​ര​മാ​ണ് ദീ​പ​ക് അ​ച്ഛ​നെ മ​ര്‍​ദി​ച്ച​തെ​ന്നാ​ണ് വി​നു വി​ശ്വ​സി​ച്ചി​രു​ന്ന​ത്. ഇ​തോ​ടെ ബി​നോ​യി​യോ​ട് വി​നു​വി​ന് പ​ക​യാ​യി. ഇ​തി​നു പി​ന്നാ​ലെ​യാ​ണ് 2019 ന​വം​ബ​ര്‍ 17ന് ​വി​നു ബി​നോ​യി​യെ വെ​ട്ടി​ക്കൊ​ല​പ്പെ​ടു​ത്തി​യ​ത്. കു​ഴ​ല്‍​പ്പ​ണം വീ​തം വ​യ്ക്കു​ന്ന​ത് സം​ബ​ന്ധി​ച്ച ത​ര്‍​ക്ക​മാ​ണ് അ​ന്ന് കൊ​ല​പാ​ത​ക​ത്തി​ലേ​ക്ക് ന​യി​ച്ച​ത്. ഇ​ത് ദീ​പ​ക്കി​നും നി​ധി​നും വി​നു​വി​നോ​ട് ശ​ത്രു​ത​യു​ണ്ടാ​ക്കു​ന്ന​തി​ന് കാ​ര​ണ​മാ​യി. ബി​നോ​യി​യു​ടെ ഉ​റ​ച്ച അ​നു​യാ​യി​ക​ളാ​യി​രു​ന്നു ദീ​പ​ക്കും നി​ധി​നും.

കൊ​ല​പാ​ത​കം കോം​പ്ര​മൈ​സി​നു​ശേ​ഷം

വി​നു​വി​ന്‍റെ അ​ച്ഛ​നെ ത​ല്ലി​യ സം​ഭ​വ​ത്തി​ല്‍ ദീ​പ​ക്കും വി​നു​വും കോ​ട​തി​യി​ല്‍ ഒ​ത്തു​തീ​ര്‍​പ്പാ​യി​രു​ന്നു. തു​ട​ര്‍​ന്ന് നി​ധി​നും ദീ​പ​ക്കും വി​നു​വി​നെ വ​ക​വ​രു​ത്തു​ന്ന​തി​നാ​യി വി​നു​വി​ന്‍റെ വി​ശ്വാ​സം പി​ടി​ച്ചു​പ​റ്റു​ന്ന​തി​നാ​യി ഒ​പ്പം കൂ​ടു​ക​യാ​യി​രു​ന്നു​വെ​ന്ന് പോ​ലീ​സ് പ​റ​ഞ്ഞു.

ഇ​തു​പ്ര​കാ​ര​മ​ണ് ഇ​വ​ര്‍ ബാ​റി​ല്‍ പോ​യ​തും വീ​ട്ടി​ല്‍ വി​ളി​ച്ചി​രു​ത്തി ഭ​ക്ഷ​ണം ന​ല്‍​കി​യ​തും. ബി​നോ​യി​യെ കൊ​ല​പ്പെ​ടു​ത്തി​യ സം​ഭ​വ​ത്തി​ല്‍ ഇ​രു​വ​ര്‍​ക്കും വി​നു​വി​നോ​ട് തീ​ര്‍​ത്താ​ല്‍​തീ​രാ​ത്ത പ​ക​യാ​യി​രു​ന്നു​വെ​ന്നും പോ​ലീ​സ് പ​റ​ഞ്ഞു.