ജൂ​ണി​ല്‍ കൊച്ചി ന​ഗ​രം എ​ല്‍​ഇ​ഡി വെ​ളി​ച്ച​ത്തി​ലേക്ക്
Wednesday, April 10, 2024 4:27 AM IST
കൊ​ച്ചി: ഊ​ര്‍​ജ സം​ര​ക്ഷ​ണ​ത്തി​ന്‍റെ ഭാ​ഗ​മാ​യി ന​ഗ​ര​വീ​ഥി​ക​ളി​ല്‍ എ​ല്‍​ഇ​ഡി ലൈ​റ്റു​ക​ള്‍ സ്ഥാ​പി​ക്കു​ന്ന പ​ദ്ധ​തി ജൂ​ണോ​ടെ പൂ​ര്‍​ത്തി​യാ​കും. 40 കോ​ടി മു​ട​ക്കി കൊ​ച്ചി​ന്‍ സ്മാ​ര്‍​ട്ട് മി​ഷ​ന്‍ ലി​മി​റ്റ​ഡി​ന്‍റെ നേ​തൃ​ത്വ​ത്തി​ല്‍ ന​ഗ​ര​ത്തി​ന്‍റെ വി​വി​ധ ഭാ​ഗ​ങ്ങ​ളി​ല്‍ ലൈ​റ്റു​ക​ള്‍ സ്ഥാ​പി​ക്കു​ന്ന ജോ​ലി​ക​ള്‍ പു​രോ​ഗ​മി​ക്കു​ക​യാ​ണ്. 2023 ന​വം​ബ​ര്‍ 15ന് ​ആ​രം​ഭി​ച്ച പ​ദ്ധ​തി കൊ​ച്ചി സ്മാ​ര്‍​ട് മി​ഷ​ന്‍ ലി​മി​റ്റ​ഡാ​ണ് ന​ട​പ്പാ​ക്കു​ന്ന​ത്.

വൈ​ദ്യു​തി മ​ന്ത്രാ​ല​യം നി​ര്‍​ദേ​ശി​ക്കു​ന്ന 150 ലു​മെ​ന്‍​സ് പെ​ര്‍ വാ​ട്ട് സ്‌​പെ​സി​ഫി​ക്കേ​ഷ​നോ​ടെ​യു​ള്ള 40,400 എ​ല്‍​ഇ​ഡി ലൈ​റ്റു​ക​ളാ​ണ് വി​വി​ധ ഭാ​ഗ​ങ്ങ​ളി​ലാ​യി സ്ഥാ​പി​ക്കു​ന്ന​ത്. പ​ദ്ധ​തി​യു​ടെ ഭാ​ഗ​മാ​യി 2,000 സ്മാ​ര്‍​ട്ട് എ​ന​ര്‍​ജി മീ​റ്റ​റു​ക​ളും സ്ഥാ​പി​ക്കും. ലൈ​റ്റു​ക​ള്‍ എ​ല്ലാം ത​ന്നെ ഐ​സി ഫോ​റു​മാ​യി ബ​ന്ധ​പ്പെ​ടു​ത്തി ഗ്രൂ​പ്പ് കൺട്രോള്‍ സം​വി​ധാ​ന​ത്തി​ലൂ​ടെ നി​യ​ന്ത്രി​ക്കാ​നും വൈ​ദ്യു​തി ഉ​പ​യോ​ഗം വി​ശ​ക​ല​നം ചെ​യ്യാ​നും വി​ള​ക്കു​ക​ള്‍​ക്കു കേ​ടു​പാ​ടു​ക​ള്‍ സം​ഭ​വി​ച്ചാ​ല്‍ അ​തു ഐ​സി ഫോ​റി​ലൂ​ടെ മ​ന​സി​ലാ​ക്കി ഉ​ട​ന​ടി പ​രി​ഹാ​രം ചെ​യ്യാ​ന്‍ ക​ഴി​യു​മെ​ന്ന​തും പ്ര​ത്യേ​ക​ത​യാ​ണ്.

അ​ഞ്ചു വ​ര്‍​ഷ​ത്തെ പ്ര​വ​ര്‍​ത്ത​ന, പ​രി​പാ​ല​നം ഉ​ള്‍​പ്പ​ടെ ഏ​ഴു​വ​ര്‍​ഷം വ​രെ​യാ​ണ് വാ​റ​ന്‍റി. കോ​ര്‍​പ​റേ​ഷ​ന്‍ പ​രി​ധി​യി​ലെ 2263 പ്രാ​ദേ​ശി​ക റോ​ഡു​ക​ളി​ലും 102 പ്ര​ധാ​ന റോ​ഡു​ക​ളി​ലും 223 ചെ​റി​യ റോ​ഡു​ക​ളി​ലും മൂ​ന്ന് സം​സ്ഥാ​ന​പാ​ത​യി​ലും മൂ​ന്ന് ദേ​ശീ​യ​പാ​ത​യി​ലും ലൈ​റ്റു​ക​ള്‍ സ്ഥാ​പി​ക്കും. ഓ​രോ റോ​ഡി​ന്‍റെ​യും സ്വ​ഭാ​വ​വും ഘ​ട​ന​യും അ​നു​സ​രി​ച്ച് 20 വാ​ട്ട്‌​സ്, 36 വാ​ട്ട്‌​സ്, 50 വാ​ട്ട്‌​സ്, 70 വാ​ട്ട്‌​സ്, 110 വാ​ട്ട്‌​സ്, 220 വാ​ട്ട്‌​സ് എ​ന്നി​ങ്ങ​നെ​യാ​ണ് വൈ​ദ്യു​തി വി​ള​ക്കു​ക​ള്‍ സ്ഥാ​പി​ക്കു​ന്ന​ത്.


പ​ദ്ധ​തി യാ​ഥാ​ര്‍​ഥ്യ​മാ​കു​ന്ന​തോ​ടെ വൈ​ദ്യു​തി ബി​ല്ലി​ല്‍ 11.5 കോ​ടി​യു​ടെ ലാ​ഭം നേ​ടാ​നാ​കു​മെ​ന്നാ​ണ് കോ​ര്‍​പ​റേ​ഷ​ന്‍റെ പ്ര​തീ​ക്ഷ. കൂ​ടാ​തെ പ​രി​പാ​ല​ന ഇ​ന​ത്തി​ല്‍ വ​രു​ന്ന ചെ​ല​വി​ല്‍ ര​ണ്ട​ര​ക്കോ​ടി​യോ​ളം രൂ​പ ലാ​ഭി​ക്കാ​ന്‍ സാ​ധി​ക്കും.

നി​ല​വി​ല്‍ കൊ​ച്ചി​ന്‍ ഷി​പ്‌​യാ​ര്‍​ഡി​ന് മു​ന്നി​ല്‍ എം​ജി റോ​ഡി​ലും വെ​ണ്ടു​രു​ത്തി​പ്പാ​ല​ത്തി​ലും സ​ഹോ​ദ​ര​ന്‍ അ​യ്യ​പ്പ​ന്‍ റോ​ഡി​ല്‍ സൗ​ത്ത് റെ​യി​ല്‍​വേ മേ​ല്‍​പ്പാ​ല​ത്തി​ലു​മാ​ണ് പ​രീ​ക്ഷ​ണാ​ടി​സ്ഥാ​ന​ത്തി​ല്‍ ലൈ​റ്റു​ക​ള്‍ സ്ഥാ​പി​ച്ചി​ട്ടു​ള്ള​ത്.

മ​റ്റൊ​രു പ​ദ്ധ​തി​യു​ടെ ഭാ​ഗ​മാ​യി ന​ഗ​ര​ത്തി​ല്‍ 3000 ലൈ​റ്റു​ക​ള്‍ നേ​രെ​ത്തെ സ്ഥാ​പി​ച്ചി​ട്ടു​ണ്ട്. കോ​ര്‍​പ​റേ​ഷ​ന്‍ പ​രി​ധി​യി​ലെ എ​ട്ട് വാ​ര്‍​ഡു​ക​ളി​ലെ ആ​ക്‌​സ​സ് റോ​ഡു​ക​ളി​ല്‍ ന​ട​പ്പി​ലാ​ക്കി​യ എ​ല്‍​ഇ​ഡി പ​ദ്ധ​തി പ്ര​കാ​രം വൈ​ദ്യു​തി ബി​ല്ലി​ല്‍ വ​ലി​യ കു​റ​വ് വ​ന്നി​രു​ന്നു.

ഇ​തി​ല്‍ നി​ന്നു​ള്ള അ​നു​ഭ​വ​വും കൂ​ടി ക​ണ​ക്കി​ലെ​ടു​ത്താ​ണ് ബൃ​ഹ​ത്താ​യ പ​ദ്ധ​തി ന​ട​പ്പാ​ക്കി​യി​ട്ടു​ള്ള​ത്. അ​തേ​സ​മ​യം ഇ​ല​ക്ട്രി​ക് പോ​സ്റ്റു​ക​ള്‍ വ​ഴി വ​ലി​ച്ചി​ട്ടു​ള്ള അ​ന​ധി​കൃ​ത കേ​ബി​ളു​ക​ള്‍ ഈ ​പ​ദ്ധ​തി​യു​ടെ പൂ​ര്‍​ത്തീ​ക​ര​ണ​ത്തി​ന് ഒ​രു ത​ട​സ​മാ​കു​ന്നു​ണ്ട്. പ​ല​വ​ട്ടം അ​ന​ധി​കൃ​ത കേ​ബി​ളു​ക​ള്‍ നീ​ക്കം ചെ​യ്യ​ണ​മെ​ന്ന് ന​ഗ​ര​സ​ഭ ആ​വ​ശ്യ​പ്പെ​ട്ടി​ട്ടും ഉ​ത്ത​ര​വാ​ദ​പ്പെ​ട്ട​വ​ര്‍ വേ​ണ്ട​ത്ര അ​നു​കൂ​ല നി​ല​പാ​ട് കൈ​ക്കൊ​ണ്ടി​ട്ടി​ല്ലെ​ന്ന ആ​ക്ഷേ​പ​വും ഉ​ണ്ട്.

Copyright @ 2022 , Rashtra Deepika Ltd.