ജി​ജു കോ​ത​മം​ഗ​ലം

കോ​ത​മം​ഗ​ലം: ക​നേ​ഡി​യ​ന്‍ പോ​ലീ​സി​ല്‍ ഇ​രു​പ​ത്ത​ഞ്ചു​കാ​ര​നാ​യ കു​റു​പ്പം​പ​ടി സ്വ​ദേ​ശി​യും. കു​റു​പ്പം​പ​ടി തു​രു​ത്തി പു​ളി​ക്ക​ല്‍ പി.​പി. അ​വ​റാ​ച്ച​ന്‍റെ മ​ക​ന്‍ ഡോ​ണ്‍ ആ​ണ് ക​നേ​ഡി​യ​ന്‍ പോ​ലീ​സ് സേ​ന​യി​ല്‍ അം​ഗ​മാ​യ​ത്.

2017ല്‍ ​പ്ല​സ് ടു ​ക​ഴി​ഞ്ഞ് ഇ​ല​ക്ട്രി​ക്ക​ല്‍ എ​ന്‍​ജി​നി​യ​റിം​ഗ് ഡി​പ്ലോ​മ പ​ഠി​ക്കാ​നാ​ണ് ഡോ​ൺ കാ​ന​ഡ​യി​ലേ​ക്ക് പോ​യ​ത്. സേ​ന​യി​ൽ പ്ര​വേ​ശി​ക്കു​ക എ​ന്ന നി​ശ്ച​യ​ദാ​ര്‍​ഢ്യ​ത്തി​ന്‍റെ​യും നി​ര​ന്ത​ര​മാ​യ ക​ഠി​ന​പ്ര​യ​ത്‌​ന​ത്തി​ന്‍റെ​യും ഫ​ല​മാ​യി ക​ഴി​ഞ്ഞ 27ന് ​കാ​ന​ഡ​യി​ലെ ഒ​ന്‍റാ​റി​യോ, ന്യൂ ​മാ​ര്‍​ക്ക​റ്റി​ല്‍ ന​ട​ന്ന ച​ട​ങ്ങി​ല്‍ പോ​ലീ​സ് ഓ​ഫീ​സ​റാ​യി ഡോ​ണ്‍ സ​ത്യ​പ്ര​തി​ജ്ഞ ചെ​യ്തു.

പി​ആ​ര്‍ ല​ഭി​ച്ച​തി​നു​ശേ​ഷം ഒ​ന്ന​ര വ​ര്‍​ഷം സെ​ക്യൂ​രി​റ്റി മേ​ഖ​ല​യി​ല്‍ സേ​വ​ന​മ​നു​ഷ്ഠി​ച്ച ഡോ​ണ്‍ വോ​ള​ന്‍റി​യ​റിം​ഗ് ജോ​ലി​യും ചെ​യ്തി​രു​ന്നു. ആ​പ്ലി​ക്കേ​ഷ​ന്‍ പ്രൊ​ഫൈ​ല്‍ ശ​ക്തി​പ്പെ​ടു​ത്തു​ന്ന​തി​ന് വേ​ണ്ടി​യാ​യി​രു​ന്നു ഇ​ത്. പ​തി​നൊ​ന്ന് മാ​സം നീ​ണ്ടു​നി​ന്ന ആ​പ്ലി​ക്കേ​ഷ​ന്‍ പ്രോ​സ​സിം​ഗ് ആ​യി​രു​ന്നു ഡോ​ണി​ന്‍റേ​ത്.

എ​ഴു​ത്തു പ​രീ​ക്ഷ, ഫി​സി​ക്ക​ല്‍ ടെ​സ്റ്റ്, ഇ​ന്‍റ​ര്‍​വ്യൂ, സൈ​ക്കോ​ള​ജി​ക്ക​ല്‍ അ​സ​സ്മെ​ന്‍റ്, ബാ​ക്ക്ഗ്രൗ​ണ്ട് ഇ​ന്‍​വെ​സ്റ്റി​ഗേ​ഷ​ന്‍, ഡ്രൈ​വിം​ഗ് അ​സ​സ്മെ​ന്‍റ്, മെ​ഡി​ക്ക​ല്‍ എ​ക്‌​സാം തു​ട​ങ്ങി ഒ​മ്പ​തോ​ളം ഘ​ട്ട​ങ്ങ​ളി​ലാ​യി​രു​ന്നു റി​ക്രൂ​ട്ടിം​ഗ് പ്രോ​സ​സ്.

ക​ണ്ടീ​ഷ​ണ​ല്‍ ഓ​ഫ​ര്‍ ലെ​റ്റ​ര്‍ കൈ​പ്പ​റ്റി​യെ​ങ്കി​ലും വീ​ണ്ടും ആ​റ് മാ​സം പ​രി​ശീ​ല​നം വി​ജ​യ​ക​ര​മാ​യി പൂ​ര്‍​ത്തി​യാ​ക്കി​യ​തി​നു ശേ​ഷ​മാ​ണ് ഡോ​ണി​നു നി​യ​മ​നം ല​ഭി​ച്ച​ത്. കാ​ന​ഡ​യി​ല്‍ വി​വി​ധ പ്രൊ​വി​ന്‍​സു​ക​ളി​ല്‍ വേ​റെ​യും മ​ല​യാ​ളി ഓ​ഫീ​സ​ർ​മാ​ർ ഉ​ണ്ടെ​ന്ന് ഡോ​ണ്‍ പ​റ​ഞ്ഞു.

ഡോ​ണി​ന്‍റെ പി​താ​വ് പി.​പി. അ​വ​റാ​ച്ച​ന്‍ എ​റ​ണാ​കു​ളം ജി​ല്ല​യി​ലെ മു​ട​ക്കു​ഴ പ​ഞ്ചാ​യ​ത്ത് പ്ര​സി​ഡ​ന്‍റ് ആ​ണ്. മാ​താ​വ് ഷീ​ജ കേ​ര​ള ബാ​ങ്ക് കോ​ത​മം​ഗ​ലം ശാ​ഖ​യി​ല്‍ അ​സി​സ്റ്റ​ന്‍റ് മാ​നേ​ജ​റാ​യി സേ​വ​ന​മ​നു​ഷ്ഠി​ക്കു​ന്നു. ഏ​ക സ​ഹോ​ദ​ര​ന്‍ റോ​ണ്‍ പ്ല​സ് ടു ​പൂ​ര്‍​ത്തി​യാ​ക്കി​യ​തി​നു ശേ​ഷം മെ​ഡി​ക്ക​ല്‍ എ​ന്‍​ട്ര​ന്‍​സി​നു​ള്ള ത​യാ​റെ​ടു​പ്പി​ലാ​ണ്.