കൊച്ചി: ക്രിസ്തുവിന്‍റെ പീഡാനുഭവ, ഉത്ഥാന സ്മൃതികളിൽ വിശുദ്ധ വാരാചരണത്തിന് ദേവാലയങ്ങൾ ഒരുങ്ങി. നാളെ ഓശാന ഞായർ തിരുക്കർമങ്ങളോടെ വിശ്വാസികൾ വിശുദ്ധവാരത്തിലേക്കു പ്രവേശിക്കും.
മൗണ്ട് സെന്‍റ് തോമസിൽ
സീറോ മലബാർ സഭയുടെ ആസ്ഥാന കാര്യാലയമായ കാക്കനാട് മൗണ്ട് സെന്‍റ് തോമസിലെ ചാപ്പലിൽ മേജർ ആർച്ച്ബിഷപ് കർദിനാൾ മാർ ജോർജ് ആലഞ്ചേരിയുടെ കാർമികത്വത്തിലാണ് വിശുദ്ധ വാര ശുശ്രൂഷകൾ നടക്കുന്നത്. നാളെ രാവിലെ ഏഴിനു കുരുത്തോല വെഞ്ചരിപ്പ്, പ്രദക്ഷിണം, ദിവ്യബലി.
പെസഹാ വ്യാഴം രാവിലെ ഏഴിന് കാലുകഴുകൽ ശുശ്രൂഷ, ദിവ്യബലി. ദുഃഖവെള്ളി രാവിലെ ഏഴിന് പീഡാനുഭവ വായന, വിശുദ്ധ കുർബാന സ്വീകരണം, കുരിശിന്‍റെ വഴി. ദുഃഖശനി രാവിലെ ഏഴിന് തിരുക്കർമങ്ങൾ ആരംഭിക്കും. ഉയിർപ്പുതിരുനാളിന്‍റെ ശുശ്രൂഷകൾ രാത്രി 11.30ന് ആരംഭിക്കും.
സെന്‍റ് ഫ്രാന്‍സിസ് അസീസി കത്തീഡ്രലില്‍
എറണാകുളം സെന്‍റ് ഫ്രാന്‍സിസ് അസീസി കത്തീഡ്രലില്‍ വിശുദ്ധവാര തിരുക്കര്‍മങ്ങള്‍ക്ക് വരാപ്പുഴ ആര്‍ച്ച്ബിഷപ് ഡോ. ജോസഫ് കളത്തിപ്പറമ്പില്‍ മുഖ്യകാര്‍മികത്വം വഹിക്കും. ഓശാന ഞായര്‍ തിരുക്കര്‍മങ്ങള്‍ രാവിലെ ഏഴിന് ആരംഭിക്കും. കുരുത്തോല ആശീര്‍വാദം, പ്രദക്ഷിണം, വൈകുന്നേരം അഞ്ചിന് ദിവ്യബലി, കുരിശിന്‍റെ വഴി. പെസഹാ വ്യാഴം രാവിലെ 7.30ന് തൈലപരികര്‍മ പൂജ, വൈകുന്നേരം അഞ്ചിന് തിരുവത്താഴ പൂജ, പാദക്ഷാളനം, ദിവ്യകാരുണ്യ പ്രദക്ഷിണം, ആരാധന. ദുഃഖവെള്ളിയുടെ തിരുക്കര്‍മങ്ങള്‍ രാവിലെ 7.30ന് പരിഹാര പ്രദക്ഷിണത്തോടെ ആരംഭിക്കും, വൈകുന്നേരം 4.30ന് പീഡാസഹന വായന, കുരിശാരാധന, ദിവ്യകാരുണ്യ സ്വീകരണം, നഗരികാണിക്കല്‍. ശനി രാത്രി 10ന് ഉയിര്‍പ്പിന്‍റെ തിരുക്കര്‍മങ്ങള്‍ ആരംഭിക്കും.