കോലഞ്ചേരി: കെപിഎസ്ടിഎ കോലഞ്ചേരി ഉപജില്ലാ കമ്മിറ്റിയുടെ ആഭിമുഖ്യത്തിൽ യാത്രയയപ്പ് സമ്മേളനവും കുടുംബ സംഗമവും സംഘടിപ്പിച്ചു. കോലഞ്ചേരി ഗവ.എൽപി സ്കൂളിൽ നടത്തിയ സമ്മേളനം എഐസിസി അംഗം ജയ്സൺ ജോസഫ് ഉദ്ഘാടനം ചെയ്തു. ഉപജില്ല പ്രസിഡന്‍റ് എം.യു. ജോയി അധ്യക്ഷത വഹിച്ചു.
യുഡിഎഫ് നിയോജക മണ്ഡലം ചെയർമാൻ സി.പി. ജോയി, രഞ്ജിത്ത് മാത്യു, അജിമോൻ പൗലോസ്, സുജിത് പോൾ, ജയിംസ് പാറേക്കാട്ടിൽ, ബേബി അറയ്ക്കൽ, കെ.വി.എൽദോ, ബിനു കുര്യാക്കോസ്, ബിജു വർഗീസ് തുടങ്ങിയവർ പ്രസംഗിച്ചു.
അധ്യാപന രംഗത്തെ സേവനത്തിനു ശേഷം സർവീസിൽനിന്നു വിരമിക്കുന്ന കുര്യാക്കോസ് ടി. ഐസക്, പി.കെ. ദേവരാജൻ, കെ.വൈ. ജോഷി, സാബു വർഗീസ്, പി.വി. ജേക്കബ്, ബാബു വർഗീസ്, അന്നു കുര്യാക്കോസ്, ബിനി പോൾ, മേരി ജോൺ, എം.കെ. ഏലിയാമ്മ, അനിത തോമസ്, കെ.പി. ലിസി, ബീന പോൾ എന്നീ അധ്യാപകർക്ക് യാത്രയയപ്പ് ഒരുക്കി.
ജില്ലാ ജോയിന്‍റ് സെക്രട്ടറി ജോബിൻ പോൾ വർഗീസ്, വിദ്യാഭ്യാസ ജില്ല ഭാരവാഹികളായ ഷിബു ജോർജ്, ഹവ്വാബി, ഉപജില്ലാ ഭാരവാഹികളായ ബേസിൽ തമ്പി, ബേസിൽ ജോയി, ദിനു മാത്യു എന്നിവർ സമ്മേളനത്തിന് നേതൃത്വം നൽകി.