തൃപ്പൂണിത്തുറ: പൂത്തോട്ട ബസ് സ്റ്റാൻഡ്, കളിസ്ഥലം, നീന്തല്ക്കുളം, പാര്ക്ക് ഉള്പ്പെടെയുള്ള പദ്ധതികള് ഉൾപ്പെടുത്തി പഞ്ചായത്തിന്റെ സമഗ്ര വികസനം ലക്ഷ്യമാക്കി ഉദയംപേരൂര് പഞ്ചായത്ത് ബജറ്റ്. 36,15,28,674 രൂപ വരവും 35,63,86, 270 രൂപ ചിലവും 51,42,404 രൂപ നീക്കിയിരിപ്പുമുള്ള ബജറ്റ് പഞ്ചായത്ത് പ്രസിഡന്റ് സജിത മുരളിയുടെ അധ്യക്ഷതയിൽ ചേർന്ന യോഗത്തിൽ വൈസ് പ്രസിഡന്റ് എസ്.എ. ഗോപി അവതരിപ്പിച്ചു.
കാര്ഷിക മേഖലയ്ക്ക് 23,50,000 രൂപ, ഭവന നിര്മാണത്തിന് ധനസഹായം നല്കുന്നതിന് 5,40,00,000 രൂപ, വൃദ്ധക്ഷേമത്തിന് 6,00,000 രൂപ, ഭിന്നശേഷിക്കാരുടെ ഉന്നമനം ഉറപ്പ് വരുത്തുന്നതിനും ക്ഷേമപ്രവര്ത്തനങ്ങള്ക്കുമായി 23, 00,000 രൂപയും ബജറ്റിൽവകയിരുത്തിയിട്ടുണ്ട്.
ദാരിദ്ര ലഘൂകരണത്തിനായി 3,69,19,270 രൂപ, വനിതാക്ഷേമത്തിനായി 10,00,000 രൂപ, പട്ടികജാതി ക്ഷേമത്തിനായി 40,32,000 രൂപ, പട്ടികവര്ഗ ക്ഷേമത്തിനായി 3,38,000 രൂപ, പോഷകാഹാര വിതരണത്തിനായി 20,76,000 രൂപ, അങ്കണവാടി ജീവനക്കാര്ക്ക് അധിക വേതനം നല്കുന്നതിനായി 30,76,000 രൂപ. ഭൂമി, കാന, റോഡുകള്, കെട്ടിടനിര്മാണം, മാലിന്യസംസ്കരണം, വൈദ്യുതി, ജലസേചന അനുബന്ധ നിര്മിതികൾ തുടങ്ങിയവയ്ക്കായി 2,82,88,400 രൂപ എന്നിങ്ങനെയാണ് വകയിരുത്തിയിട്ടുണ്ട്.