കോട്ടപ്പടി സെന്റ് സെബാസ്റ്റ്യൻസ് പള്ളിയിൽ
കോതമംഗലം: കോട്ടപ്പടി സെന്റ് സെബാസ്റ്റ്യൻസ് കത്തോലിക്ക പള്ളിയിൽ വിശുദ്ധ സെബസ്ത്യാനോസിന്റെ പ്രധാന തിരുനാൾ നാലിനും അഞ്ചിനും ആഘോഷിക്കുമെന്ന് വികാരി ഫാ. റോബിൻ പടിഞ്ഞാറെക്കുറ്റ് അറിയിച്ചു. ഇന്ന് വൈകുന്നേരം അഞ്ചിന് കുർബാന, നൊവേന, സന്ദേശം - ഫാ. ബിബിൻ വാലംപാറയ്ക്കൽ. നാളെ കുർബാന, നൊവേന, വചനസന്ദേശം - ഫാ. ജോബിൻ കൊച്ചുപുത്തൻപുരയ്ക്കൽ, തിരുസ്വരൂപ പ്രയാണം പ്ലാമുടി, കല്ലുമല, ചീനിക്കുഴി, ഉപ്പുകണ്ടം, സിൻസിയർ കവല ഭാഗങ്ങളിലേക്ക്. രണ്ടിന് കുർബാന, നൊവേന, വചനസന്ദേശം - ഫാ. ജെസ്റ്റിൻ ചേറ്റൂർ, തിരുസ്വരൂപ പ്രയാണം മഠത്തുംപടി, സുന്ദരിമുക്ക്, കൊള്ളിപ്പറന്പ്, വടാശേരി, നാഗഞ്ചേരി, തോളേലി ഭാഗങ്ങളിലേക്ക്. മൂന്നിന് ഉച്ചകഴിഞ്ഞ് മൂന്നിന് കുന്പസാരം, അഞ്ചിന് കുർബാന, നൊവേന - ഫാ. ബിനോയി ഉപ്പുമാക്കൽ, ദിവ്യകാരുണ്യ സായാഹ്നം, ദിവ്യകാരുണ്യ പ്രദക്ഷിണം. നാലിന് വൈകുന്നേരം 4.30ന് ആഘോഷമായ പാട്ടുകുർബാന - ഫാ. ജിബിൻ ഇടശേരി, പ്രസംഗം - ഫാ. ബിനീഷ് മാങ്കുടിയിൽ, പ്രദക്ഷിണം വടാശേരി, ചേറങ്ങനാൽ കപ്പേളകളിലേക്ക്, രാത്രി 8.30ന് ചെണ്ട - വയലിൻ ഫ്യുഷൻ പ്രോഗ്രാം. അഞ്ചിന് രാവിലെ 7.15ന് കുർബാന, 10ന് ആഘോഷമായ തിരുനാൾ കുർബാന - ഫാ. ബിൽജു മഠത്തിൽ, പ്രസംഗം - ഫാ. ടോണി കുഴിപ്പിള്ളിൽ, പ്രദക്ഷിണം - ചേറങ്ങനാൽ കപ്പേളയിലേക്ക്, സമാപന ആശീർവാദവും നേർച്ചസദ്യ വെഞ്ചരിപ്പും - ഫാ. ജേക്കബ് തലാപ്പിള്ളിൽ, രാത്രി 7.30 ന് സാമൂഹ്യ സംഗീത നാടകം.
വാഴക്കുളം സെന്റ് ജോർജ് പള്ളിയിൽ
വാഴക്കുളം: സെന്റ് ജോർജ് ഫൊറോന പള്ളിയിൽ വിശുദ്ധ സെബസ്ത്യാനോസിന്റെ തിരുനാൾ നാളെ ആരംഭിക്കുമെന്ന് വികാരി ഫാ. ജോസഫ് കുഴികണ്ണിയിൽ, സഹവികാരിമാരായ ഫാ. ജോസ് മോനിപ്പിള്ളിൽ, ഫാ. ആന്റണി വിളയപ്പിള്ളിൽ, ഫാ. സ്കറിയ കുന്നത്ത്, ഫാ. മാത്യു എടാട്ട് എന്നിവർ അറിയിച്ചു. രാവിലെ 5.30ന് ആരാധന, ആറിന് കുർബാന, കൊടിയേറ്റ്, തിരുസുരൂപ പ്രതിഷ്ഠ. 7.30നും 9.30നും കുർബാന. വൈകുന്നേരം 4.15ന് തിരുനാൾ കുർബാന, പ്രസംഗം - റവ.ഡോ. തോമസ് വടക്കേൽ, ആറിന് ലദീഞ്ഞ്, കുരിശടിയിലേക്ക് പ്രദക്ഷിണം, എട്ടിന് സമാപനാശീർവാദം. രണ്ടിന് രാവിലെ 5.30ന് ആരാധന, ആറിനും ഏഴിനും 9.30നും കുർബാന, വൈകുന്നേരം 4.15ന് ആഘോഷമായ തിരുനാൾ കുർബാന ഫാ. ജീവൻ കദളിക്കാട്ടിൽ, പ്രസംഗം - ഫാ. സ്റ്റനിസ്ലാവോസ് കുന്നേൽ, ആറിന് പ്രസുദേന്തി വാഴ്ച, 6.15ന് ലദീഞ്ഞ്, ടൗണ് പ്രദക്ഷിണം, എട്ടിന് സമാപനാശീർവാദം.