കാക്കനാട് : തൃക്കാക്കര നഗരസഭയിൽ സംഘടിപ്പിച്ച ജീവിത ശൈലി രോഗ നിർണയ ക്യാമ്പ് വൈസ്ചെയർമാൻ എ.എ. ഇബ്രാഹിംകുട്ടി ഉദ്ഘാടനം ചെയ്തു.
സ്ഥിരംസമിതി ചെയർമാൻമാരായ സ്മിത സണ്ണി, സുനീറ ഫിറോസ്, നൗഷാദ് പല്ലച്ചി, കൗൺസിലർമാരായ ചന്ദ്രബാബു, പി.സി. മനൂപ്, ജിജോ ചങ്ങംതറ, റസിയ നിഷാദ്, സിൽമാ ശിഹാബ്, അൻസിയ ഹക്കിം, സജീന അക്ബർ, ഷാന അബ്ദു, സി.സി വിജു, ഖാദർ കുഞ്ഞു, അജുന ഹാഷിം, ഉണ്ണി കാക്കനാട് തുടങ്ങിയവർ നേതൃത്വം നൽകി. കാക്കനാട് എഫ്എച്ച്സി, തൃക്കാക്കര പ്രാഥമിക ആരോഗ്യ കേന്ദ്രം, യുപിഎച്ച്സി തൃക്കാക്കര എന്നിവ സംയുക്തമായാണ് ക്യാമ്പ് നടത്തിയത്.
ചാക്കിൽ മൃതദേഹമെന്ന്
കിംവദന്തി
ആലുവ: പെരിയാറിൽ ചാക്കിൽ കെട്ടിയ നിലയിൽ മൃതദേഹം ഒഴുകുന്നെന്ന് കിംവദന്തി. ഒഴുകി നടന്ന ചാക്കു കെട്ട് കരയ്ക്കു കയറ്റിയപ്പോൾ ദിവസങ്ങൾ പഴക്കമുള്ള മാലിന്യശേഖരം.
ഇന്നലെ ശിവരാത്രി മണപ്പുറത്താണ് സംഭവം നടന്നത്. പലപ്പോഴും മൃതദേഹങ്ങൾ വന്നടിയുന്നതിനാൽ 'ചാക്ക് കഥ' അതിവേഗം പ്രചരിക്കുകയായിരുന്നു. ദിവസങ്ങൾ പഴക്കമുള്ള മാലിന്യങ്ങൾ ആരോ പാലത്തിന് മുകളിൽ നിന്ന് പുഴയിൽ തളളിയതാണെന്നാണ് കരുതുന്നത്.