ചെ​ല്ലാ​ന​ത്ത് ടെ​ട്രാ​പോ​ഡ് നി​ര്‍​മാ​ണം 71 ശ​ത​മാ​നം പൂ​ര്‍​ത്തി​യാ​യി
Saturday, December 3, 2022 12:49 AM IST
കൊ​ച്ചി: ചെ​ല്ലാ​ന​ത്ത് ടെ​ട്രാ​പോ​ഡ് നി​ര്‍​മാ​ണം 71 ശ​ത​മാ​നം പൂ​ര്‍​ത്തി​യാ​യി. 344.2 കോ​ടി രൂ​പ​യാ​ണ് ജ​ല​സേ​ച​ന വ​കു​പ്പ് ആ​ദ്യ​ഘ​ട്ട​ത്തി​നാ​യി അ​നു​വ​ദി​ച്ച​ത്. ഹാ​ര്‍​ബ​ര്‍ മു​ത​ല്‍ പു​ത്ത​ന്‍​തോ​ട് വ​രെ​യു​ള്ള പ്ര​ദേ​ശ​ങ്ങ​ളി​ല്‍ നി​ല​വി​ല്‍ ക​ട​ല്‍ ക്ഷോ​ഭ​ഭീ​ഷ​ണി​യി​ല്‍ നി​ന്ന് സം​ര​ക്ഷ​ണ​മൊ​രു​ക്കാ​ന്‍ ക​ട​ല്‍ ഭി​ത്തി നി​ര്‍​മാ​ണ​ത്തോ​ടെ സാ​ധി​ച്ചു. ചെ​ന്നൈ ആ​സ്ഥാ​ന​മാ​യ നാ​ഷ​ണ​ല്‍ സെ​ന്‍റ​ര്‍ ഫോ​ര്‍ കോ​സ്റ്റ​ല്‍ റി​സ​ര്‍​ച്ച് ന​ട​ത്തി​യ പ​ഠ​ന​ത്തി​ന്‍റെ​യും ത​യാ​റാ​ക്കി​യ രൂ​പ​രേ​ഖ​യു​ടെ​യും അ​ടി​സ്ഥാ​ന​ത്തി​ലാ​ണ് ടെ​ട്രാ​പോ​ഡ് നി​ര്‍​മാ​ണം. ക​ട​ല്‍ ക്ഷോ​ഭം കൂ​ടു​ത​ല്‍ ബാ​ധി​ക്കു​ന്ന പ്ര​ദേ​ശ​ങ്ങ​ള്‍​ക്ക് മു​ന്‍​ഗ​ണ​ന ന​ല്‍​കി​യാ​ണ് ടെ​ട്രാ​പോ​ഡു​ക​ള്‍ സ്ഥാ​പി​ക്കു​ന്ന​ത്.

ഇ​തു​വ​രെ നി​ര്‍​മി​ച്ച 98,000 ടെ​ട്രാ​പോ​ഡു​ക​ളി​ല്‍ 95,000 എ​ണ്ണം സ്ഥാ​പി​ച്ചു. ജ​ല​സേ​ച​ന വ​കു​പ്പി​നു കീ​ഴി​ലു​ള്ള കേ​ര​ള ഇ​റി​ഗേ​ഷ​ന്‍ ഇ​ന്‍​ഫ്രാ​സ്ട്ര​ക്ച​ര്‍ ഡെ​വ​ല​പ്​മെ​ന്‍റ് കോ​ര്‍​പറേ​ഷ​ന് വേ​ണ്ടി പ്രോ​ജ​ക്ട് മാ​നേ​ജ്‌​മെ​ന്‍റ് യൂ​ണി​റ്റാ​ണ് ചെ​ല്ലാ​ന​ത്ത് ടെ​ട്രാ​പോ​ഡ് പ്ര​വ​ര്‍​ത്ത​ന​ങ്ങ​ള്‍ ഏ​കോ​പി​പ്പി​ക്കു​ന്ന​ത്. ക​ട​ല്‍ തീ​ര സം​ര​ക്ഷ​ണ പ​ദ്ധ​തി​ക​ള്‍ ഏ​റ്റെ​ടു​ക്കു​ക​യാ​ണ് യൂ​ണി​റ്റി​ന്‍റെ ല​ക്ഷ്യം. കി​ഫ്ബി​യു​ടെ ധ​ന​സ​ഹാ​യ​ത്തോ​ടെ ഊ​രാ​ളു​ങ്ക​ല്‍ ലേ​ബ​ര്‍ കോ​ണ്‍​ട്രാ​ക്ട് സ​ര്‍​വീ​സ് സൊ​സൈ​റ്റി​യാ​ണ് ടെ​ട്രാ​പോ​ഡു​ക​ള്‍ നി​ര്‍​മി​ക്കു​ന്ന​ത്.

ടെ​ട്രാ​പോ​ഡ് നി​ര്‍​മാ​ണ​ത്തി​നാ​യി എ​ര​മ​ല്ലൂ​രി​ല്‍ കോ​ണ്‍​ക്രീ​റ്റ് മി​ക്‌​സിം​ഗ് സം​വി​ധാ​ന​വും സ്ഥാ​പി​ച്ചി​ട്ടു​ണ്ട്. 2023 ഏ​പ്രി​ലി​ന് മു​ന്‍​പാ​യി 7.32 കി​ലോ​മീ​റ്റ​ര്‍ ക​ട​ല്‍​ഭി​ത്തി നി​ര്‍​മാ​ണം പൂ​ര്‍​ത്തി​യാ​ക്കാ​നാ​ണു ല​ക്ഷ്യം. വാ​ക് വേ ​നി​ര്‍​മാ​ണ​വും പു​രോ​ഗ​മി​ക്കു​ന്നു. ടെ​ട്രാ​പോ​ഡ് നി​ര്‍​മാ​ണം ആ​ദ്യ​ഘ​ട്ടം പു​രോ​ഗ​മി​ക്കു​ന്ന​തി​ന് ഒ​പ്പം ത​ന്നെ ര​ണ്ടാം​ഘ​ട്ട പ​ദ്ധ​തി​യും ആ​രം​ഭി​ക്കും. ര​ണ്ടാം ഘ​ട്ട​ത്തി​ലേ​ക്കു​ള്ള പ​ദ്ധ​തി​യു​ടെ എ​സ്റ്റി​മേ​റ്റ് ത​യാറാ​ക്ക​ല്‍ അ​ന്തി​മ ഘ​ട്ട​ത്തി​ലാ​ണ്. ര​ണ്ട് ഘ​ട്ട​ങ്ങ​ളും പൂ​ര്‍​ത്തി​യാ​കു​ന്ന​തോ​ടെ 10 കി​ലോ​മീ​റ്റ​റി​ല്‍ അ​ധി​കം ദൂ​രം ക​ട​ല്‍​ത്തീ​ര​ത്തി​ന് സം​ര​ക്ഷ​ണ​മാ​കും.

ക​ണ്ണ​മാ​ലി ഉ​ള്‍​പ്പെ​ടെ​യു​ള്ള സ്ഥ​ല​ങ്ങ​ളി​ല്‍ ര​ണ്ടാം​ഘ​ട്ട​ത്തി​ല്‍ ക​ട​ല്‍ ഭി​ത്തി നി​ര്‍​മി​ക്കും. ചെ​ല്ലാ​നം ഫി​ഷിം​ഗ് ഹാ​ര്‍​ബ​റി​ന​ടു​ത്തു​നി​ന്ന് ആ​രം​ഭി​ച്ച് വ​ട​ക്ക് പു​ത്ത​ന്‍​തോ​ട് ബീ​ച്ച് വ​രെ​യാ​ണ് ആ​ദ്യ​ഘ​ട്ട​ത്തി​ല്‍ ക​ട​ല്‍​ഭി​ത്തി നി​ര്‍​മി​ക്കു​ന്ന​ത്.

ഇ​തോ​ടൊ​പ്പം പ​ദ്ധ​തി​യു​ടെ ഭാ​ഗ​മാ​യി ചെ​ല്ലാ​നം ബ​സാ​റി​ല്‍ ആ​റു പു​ലി​മു​ട്ടു​ക​ളു​ടെ ശൃം​ഖ​ല​യും നി​ര്‍​മി​ക്കും.

ര​ണ്ട​ര മീ​റ്റ​റോ​ളം ഉ​യ​ര​ത്തി​ല്‍ ക​രി​ങ്ക​ല്ല് പാ​കി​യ​തി​ന് മു​ക​ളി​ലാ​യാ​ണ് ടെ​ട്രാ​പോ​ഡു​ക​ള്‍ സ്ഥാ​പി​ക്കു​ന്ന​ത്. സ​മു​ദ്ര നി​ര​പ്പി​ല്‍ നി​ന്നും 6.10 മീ​റ്റ​ര്‍ ഉ​യ​ര​ത്തി​ലാ​ണ് ക​ട​ല്‍ ഭി​ത്തി നി​ര്‍​മാ​ണം. ഇ​തി​നു മു​ക​ളി​ലാ​യി മൂ​ന്നു മീ​റ്റ​ര്‍ വീ​തി​യി​ലാ​ണ് ന​ട​പ്പാ​ത നി​ര്‍​മി​ക്കു​ന്ന​ത്.

Copyright @ 2022 , Rashtra Deepika Ltd.