കോതമംഗലം: ബ്ലോക്ക് ക്ഷീര സംഗമവും ഡോ. വർഗീസ് കുര്യൻ അനുസ്മരണവും നടത്തി. കോഴിപ്പിള്ളി ക്ഷീരസംഘം പ്രസിഡന്റ് പ്രഫ. ടി.പി. മർക്കോസ് പതാക ഉയർത്തി. ഇഞ്ചൂർ മാർത്തോമ സെഹിയോൻ യാക്കോബായ പള്ളി ഓഡിറ്റോറിയത്തിൽ നടന്ന ക്ഷീരസംഗമം ഡീൻ കുര്യാക്കോസ് എംപി ഉദ്ഘാടനം ചെയ്തു. മുൻ എംഎൽഎ എം.എം. മോനായി ഡോ. വർഗീസ് കുര്യൻ അനുസ്മരണ പ്രഭാഷണം നടത്തി. ബ്ലോക്ക് പഞ്ചായത്ത് പ്രസിഡന്റ് പി.എ.എം ബഷീർ അധ്യക്ഷത വഹിച്ചു.
ജില്ലാ പഞ്ചായത്ത് മിൽക് ഇൻസെന്റീവ് ധന സഹായ വിതരണം, മികച്ച ക്ഷീര സംഘത്തെ ആദരിക്കൽ, സംഘങ്ങൾക്കുള്ള സ്പെഷൽ പെർഫോമൻസ് ബൂസ്റ്റർ ധന സഹായം, ബ്ലോക്കിലെ ഏറ്റവും കൂടുതൽ പാൽ അളക്കുന്ന കർഷകനുള്ള അവാർഡ്, ഫീഡ് കന്പോണന്റ് സബ്സിഡി വിതരണം, ക്ഷീര സംഘങ്ങളിലെ മികച്ച കർഷകരെ ആദരിക്കൽ എന്നിവയും നടന്നു.
പഞ്ചായത്ത് പ്രസിഡന്റുമാരായ പി.കെ. ചന്ദ്രശേഖരൻ നായർ, സൈജന്റ് ചാക്കോ, കാന്തി വെള്ളക്കയ്യൻ, സീമ സിബി, വൈസ് പ്രസിഡന്റ് ബിന്ദു ശശി, ബ്ലോക്ക് പഞ്ചായത്ത് സ്ഥിരംസമിതി അധ്യക്ഷരായ ജോമി തെക്കേക്കര, ജയിംസ് കോറന്പേൽ, ബ്ലോക്ക് പഞ്ചായത്തംഗങ്ങളായ ഡയാന നോബി, ആനിസ് ഫ്രാൻസിസ്, പി.എം. കണ്ണൻ, പഞ്ചായത്തംഗങ്ങൾ, ക്ഷീര വികസന വകുപ്പ് അസി. ഡയറക്ടർ പ്രിയ ജോസഫ്, ക്ഷീര വികസന ഓഫീസർ സുജിത്ത് പി. രാഘവൻ തുടങ്ങിയവർ പ്രസംഗിച്ചു.