സി​ദ്ധ​യോ​ഗ സെ​ന്‍റ​റി​ലേ​ക്ക് ബി​യ​ർ കു​പ്പി​ക​ൾ എ​റി​ഞ്ഞു
Friday, September 30, 2022 12:05 AM IST
കാ​ല​ടി: ഹി​ന്ദു ആ​ചാ​ര്യ സ​ഭ​യു​ടെ ദേ​ശീ​യ ജ​ന​റ​ൽ സെ​ക്ര​ട്ട​റി ശ​ങ്ക​ര വി​ജേ​ന്ദ്ര​പു​രി താ​മ​സി​ക്കു​ന്ന കാ​ല​ടി പി​രാ​രൂ​രി​ലെ ബ്ര​ഹ്മ​വി​ദ്യ സി​ദ്ധ യോ​ഗ സെ​ന്‍റ​റി​ലേ​ക്ക് ബി​യ​ർ കു​പ്പി​ക​ൾ എ​റി​ഞ്ഞു. പെ​ട്രോ​ൾ ബോം​ബാ​ണ് എ​റി​ഞ്ഞ​തെ​ന്നാ​ണ് സെ​ന്‍റ​ർ അ​ധി​കൃ​ത​ർ പ​റ​യു​ന്ന​ത്.
വ്യാ​ഴാ​ഴ്ച്ച പു​ല​ർ​ച്ചെ നാ​ലോ​ടെ​യാ​ണ് സം​ഭ​വം. ആ​സ​മ​യം ശ​ങ്ക​ര വി​ജേ​ന്ദ്ര​പു​രി സെ​ന്‍റ​റി​ൽ ഉ​ണ്ടാ​യി​രു​ന്നു. എ​ന്തോ പൊ​ട്ടു​ന്ന ശ​ബ്ദം കേ​ട്ടി​രു​ന്നു. വാ​ഹ​ന​ങ്ങ​ൾ പോ​കു​ന്ന​താ​ണെ​ന്നാ​ണ് ക​രു​തി​യ​ത്. രാ​വി​ലെ ജോ​ലി​ക്കാ​ൻ മു​റ്റം വൃ​ത്തി​യാ​ക്കു​മ്പോ​ളാ​ണ് പൊ​ട്ടി​യ ബി​യ​ർ കു​പ്പി​ക​ൾ കാ​ണു​ന്ന​ത്. ത​റ ക​രി​ഞ്ഞും കി​ട​ക്കു​ന്നു​ണ്ടാ​യി​രു​ന്നു. പി​ന്നീ​ട് പോ​ലീ​സി​ൽ വി​വ​ര​മ​റി​യി​ക്കു​ക​യാ​യി​രു​ന്നു. പോ​പ്പു​ല​ർ ഫ്ര​ണ്ട് പ്ര​വ​ർ​ത്ത​ക​രെ അ​റ​സ്റ്റു ചെ​യ്ത​ത​റി​ഞ്ഞ് ആ​ചാ​ര്യ സ​ഭ​യു​ടെ നേ​തൃ​ത്വ​ത്തി​ൽ ആ​ഹ്ളാ​ദ പ്ര​ക​ട​ന​ങ്ങ​ൾ ന​ട​ത്തി​യി​രു​ന്നു. അ​തി​ൽ വി​രോ​ധം ഉ​ണ്ടാ​യ​വ​രാ​ണ് ആ​ക്ര​മ​ണ​ത്തി​നു പി​ന്നി​ലെ​ന്ന് ക​രു​തു​ന്നു​വെ​ന്ന് ശ​ങ്ക​ര വി​ജേ​ന്ദ്ര​പു​രി പ​റ​യു​ന്നു.
2002 മു​ത​ൽ ശ​ങ്ക​ര വി​ജേ​ന്ദ്ര​പു​രി​ക്കു ഭീ​ഷ​ണി ഉ​ണ്ട്. 2021ൽ ​മ​ല​പ്പു​റ​ത്ത് വ​ച്ച് പോ​പ്പു​ല​ർ ഫ്ര​ണ്ട് ത​ട​ഞ്ഞി​രു​ന്നു. ഇ​തു​മാ​യി ബ​ന്ധ​പ്പെ​ട്ട് പോ​പ്പു​ല​ർ ഫ്ര​ണ്ട് പ്ര​വ​ർ​ത്ത​ക​രെ പോ​ലീ​സ് അ​റ​സ്റ്റു ചെ​യ്തി​രു​ന്നു. ത​നി​ക്ക് സു​ര​ക്ഷ ന​ൽ​ക​ണ​മെ​ന്നാ​വ​ശ്യ​പ്പെ​ട്ട് ശ​ങ്ക​ര വി​ജേ​ന്ദ്ര​പു​രി ഡി​ജി​പി​ക്ക് ക​ത്തു ന​ൽ​കി​യി​ട്ടു​ണ്ട്. മ​തം മാ​റി പോ​കു​ന്ന​വ​രെ തി​രി​കെ ഹി​ന്ദു മ​ത​ത്തി​ലേ​ക്കു കൊ​ണ്ടു​വ​രാ​ൻ നേ​തൃ​ത്വം ന​ൽ​കു​ന്ന സം​ഘ​ട​ന​യാ​ണ് ഹി​ന്ദു ആ​ചാ​ര്യ സ​ഭ. ഫോ​റ​ൻ​സി​ക് വി​ഭാ​ഗ​വും വി​ര​ല​ട​യാ​ള വി​ദ​ഗ്ദ​രും സ്ഥ​ല​ത്ത് പ​രി​ശോ​ധ​ന ന​ട​ത്തി. സ​മീ​പ​ത്തെ സി​സി​ടി​വി കാ​മ​റ​ക​ൾ കേ​ന്ദ്രീ​ക​രി​ച്ച് പോ​ലീ​സ് അ​ന്വേ​ഷ​ണം ന​ട​ത്തു​ക​യാ​ണ്.

Copyright @ 2022 , Rashtra Deepika Ltd.