കൊച്ചി: കേരള പൊതുജനാരോഗ്യ ബിൽ സംബന്ധിച്ച സെലക്ട് കമ്മിറ്റി യോഗം ഇന്നു രാവിലെ 10.30ന് കാക്കനാട് കളക്ടറേറ്റ് കോണ്ഫറൻസ് ഹാളിൽ ചേരും. കമ്മിറ്റി ചെയർപേഴ്സൻ മന്ത്രി വീണാ ജോർജിന്റെ അധ്യക്ഷതയിൽ ചേരുന്ന യോഗത്തിൽ ബന്ധപ്പെട്ട ഉദ്യോഗസ്ഥർ, ജനപ്രതിനിധികൾ, വിവിധ സംഘടനാ പ്രതിനിധികൾ, പൊതുജനങ്ങൾ തുടങ്ങിയവരിൽ നിന്ന് പൊതുജനാരോഗ്യ ബില്ലുമായി ബന്ധപ്പെട്ട അഭിപ്രായങ്ങളും നിർദ്ദേശങ്ങളും സ്വീകരിക്കും.
എംഎൽഎമാരായ എ.പി അനിൽകുമാർ, അനൂപ് ജേക്കബ്, കെ.ബി ഗണേഷ് കുമാർ, ഡോ. എൻ. ജയരാജ്, കെ.പി.എ മജീദ്, മാത്യു ടി. തോമസ്, എ.സി. മൊയ്തീൻ, മോൻസ് ജോസഫ്, കെ.കെ. ശൈലജ, ഡോ.സുജിത് വിജയൻപിള്ള, പി.എസ്. സുപാൽ, കടകംപള്ളി സുരേന്ദ്രൻ, ഇ.കെ. വിജയൻ, പി.സി. വിഷ്ണുനാഥ് എന്നിവരാണ് കമ്മിറ്റിയിലെ അംഗങ്ങൾ.