പോ​കാം... പ​ച്ച​ത്തു​രു​ത്തു​ക​ളി​ലേ​ക്ക്
Tuesday, September 27, 2022 12:03 AM IST
ലീ​മ തോ​മ​സ്

കൊ​ച്ചി: കൊ​ച്ചി​യു​ടെ ടൂ​റി​സ്റ്റ് ഭൂ​പ​ടം എ​ന്നു കേ​ള്‍​ക്കു​മ്പോ​ള്‍ മെ​ട്രോ ന​ഗ​ര​വും ഫോ​ര്‍​ട്ടു​കൊ​ച്ചി​യും മ​ട്ടാ​ഞ്ചേ​രി​യു​മൊ​ക്കെ​യാ​ണ് ആ​ദ്യം മ​ന​സി​ലോ​ടി​യെ​ത്തു​ക. എ​റ​ണാ​കു​ള​ത്തി​നു പു​റ​ത്തു നി​ന്നു വ​രു​ന്ന​വ​ര്‍​ക്ക് ഏ​റ്റ​വും ആ​ക​ര്‍​ഷ​ക​മാ​യി തോ​ന്നു​ന്ന​തും ന​ഗ​രക്കാ​ഴ്ച​ക​ളാ​കും. എ​ന്നാ​ല്‍ ന​ഗ​ര​ത്തി​നു​ള്ളി​ല്‍ സ്ഥി​ര താ​മ​സ​മാ​ക്കി​യ​വ​ര്‍​ക്ക് ഈ ​കെ​ട്ടു​കാ​ഴ്ച​ക​ളേ​ക്കാ​ള്‍ ഊ​ഷ്മ​ള​ത ന​ല്‍​കു​ന്ന​ത് ശാ​ന്ത​ത​യും പ​ച്ച​പ്പും നി​റ​ഞ്ഞു നി​ല്‍​ക്കു​ന്ന ഇ​ട​ങ്ങ​ളാ​വും.
ജി​ല്ല​യ്ക്കു​ള്ളി​ല്‍ ത​ന്നെ ചെ​റു​തും വ​ലു​തു​മാ​യ ഒ​ട്ടേ​റെ വി​നോ​ദ സ​ഞ്ചാ​ര​യി​ട​ങ്ങ​ള്‍ ന​മു​ക്കു​ണ്ട്. അ​വ​യി​ൽ ചി​ല​തി​നെ​ക്കു​റി​ച്ച് അ​റി​യാം.
ഭൂ​ത​ങ്ങ​ള്‍ പ​ണി​തീ​ര്‍​ക്കാ​തെ
അ​ണ​ക്കെ​ട്ട്
എ​റ​ണാ​കു​ളം ജി​ല്ല​യി​ല്‍ പെ​രി​യാ​റി​നു കു​റു​കെ, കോ​ത​മം​ഗ​ലം ത​ട്ടേ​ക്കാ​ട് വ​ഴി​യി​ല്‍ കീ​രം​പാ​റ ക​വ​ല​യി​ല്‍ നി​ന്ന് (ഇ​ട​ത്തോ​ട്ട്) ഇ​ട​മ​ല​യാ​ര്‍ വ​ഴി​യി​ല്‍ മൂ​ന്നു കി​ലോ​മീ​റ്റ​ർ അ​ക​ലെ​യാ​ണ് ഭൂ​ത​ത്താ​ന്‍​കെ​ട്ട് അ​ണ​ക്കെ​ട്ട്. അ​ണ​ക്കെ​ട്ടി​ല്‍ ത​ട​ഞ്ഞു​നി​ര്‍​ത്തി​യി​രി​ക്കു​ന്ന വെ​ള്ള​മാ​ണ് ത​ട്ടേ​ക്കാ​ട് പ്ര​ദേ​ശ​ത്ത് കാ​ണു​ന്ന​ത്. ഐ​തീഹ്യ​വും യ​ാഥാ​ര്‍​ഥ്യ​വും ഒ​ന്നു ത​ന്നെ​യെ​ന്ന് കാ​ഴ്ച​ക്കാ​ര്‍​ക്ക് തോ​ന്നു​മാ​റ് പ്ര​കൃ​തി അ​ദ്ഭു​തം തീ​ര്‍​ത്തി​രി​ക്കു​ന്ന​യി​ടം.
ഇ​പ്പോ​ഴ​ത്തെ ഭൂ​ത​ത്താ​ന്‍കെ​ട്ട് അ​ണ​ക്കെ​ട്ടി​ല്‍ നി​ന്ന് വ​ന​ത്തി​ലൂ​ടെ ന​ട​ന്ന് ഭൂ​ത​ത്താ​ന്മാ​ര്‍ കെ​ട്ടി​യെ​ന്ന് ക​രു​തു​ന്ന പ്ര​ദേ​ശ​ത്തേ​ക്ക് വ​രാ​വു​ന്ന​താ​ണ്. റോ​ഡി​ന് കു​റു​കെ​യു​ള്ള ക​വാ​ട​ത്തി​ലും ഉ​ദ്യാ​ന​ത്തി​ലും മ​റ്റും ഐ​തീ​ഹ്യ​ത്തി​ന​നു​സ​രി​ച്ച് ഭൂ​ത​ത്താ​ന്‍​ന്മാ​ര്‍ ക​ല്ല് ചു​മ​ക്കു​ന്ന ചി​ത്ര​ങ്ങ​ളും പ്ര​തി​മ​ക​ളും സ്ഥാ​പി​ച്ചി​ട്ടു​ണ്ട്.
സ​ലീം അ​ലി​യു​ടെ പ​ക്ഷി​ക​ള്‍
ത​ട്ടേ​ക്കാ​ടി​ന്‍റെ ഇ​രു​വ​ശ​ങ്ങ​ളി​ലൂ​ടെ​യാ​ണ് പെ​രി​യാ​റി​ന്‍റെ ര​ണ്ട് കൈ​വ​ഴി​ക​ള്‍ ഭൂ​ത​ത്താ​ന്‍കെ​ട്ട് അ​ണ​ക്കെ​ട്ടി​ന്‍റെ സം​ഭ​ര​ണ​പ്ര​ദേ​ശ​ത്ത് വ​ന്നു​ചേ​രു​ന്ന​ത്. വെ​ള്ള​ത്താ​ല്‍ ചു​റ്റ​പ്പെ​ട്ട് കി​ട​ക്കു​ന്ന വ​ന​പ്ര​ദേ​ശ​ത്തോ​ടു​കൂ​ടി​യ ഒ​രു മു​ന​മ്പാ​ണ് ത​ട്ടേ​ക്കാ​ട്. പ​ക്ഷി നി​രീ​ക്ഷ​ക​രേ​യും സ​ഞ്ചാ​രി​ക​ളേ​യും ആ​ക​ര്‍​ഷി​ക്കു​ന്ന ത​ട്ടേ​ക്കാ​ട് ഡോ. ​സ​ലിം അ​ലി​യു​ടെ പ​ക്ഷി സ​ങ്കേ​ത​മെ​ന്ന നി​ല​യി​ല്‍ പ്ര​സി​ദ്ധ​മാ​ണ്.
മം​ഗ​ള​വ​നം
കൊ​ച്ചി ന​ഗ​ര​ത്തി​ന്‍റെ ഹൃ​ദ​യ​ഭാ​ഗ​ത്തു​ള്ള ഒ​രു ദ്വീ​പാ​ണ് മം​ഗ​ള​വ​നം പ​ക്ഷി​സ​ങ്കേ​തം. ക​ണ്ട​ല്‍​ക്കാ​ടു​ക​ളും മ​ര​ങ്ങ​ളും നി​റ​ഞ്ഞ ഇ​വി​ടെ ധാ​രാ​ളം ദേ​ശാ​ട​ന​പ്പ​ക്ഷി​ക​ള്‍ എ​ത്താ​റു​ണ്ട്.​ ‌
ചി​ല​ന്തി​ക​ളും വ​വ്വാ​ലു​ക​ളും ഇ​വി​ടു​ത്തെ പ്ര​ധാ​ന ആ​ക​ര്‍​ഷ​ണീ​യ​ത​യാ​ണ്. 2004ല്‍ ​നി​ല​വി​ല്‍ വ​ന്ന മം​ഗ​ള​വ​നം പ​ക്ഷി സ​ങ്കേ​തം സം​സ്ഥാ​ന വ​നം​വ​കു​പ്പി​നു കീ​ഴി​ലു​ള്ള ഏ​റ്റ​വും ചെ​റി​യ സം​ര​ക്ഷി​ത പ്ര​ദേ​ശ​മാ​ണ്.
ക​ണ്ട​ല്‍ വ​ന​ങ്ങ​ളി​ല്‍ സ്ഥി​തി ചെ​യ്യു​ന്ന കേ​ര​ള​ത്തി​ലെ ഏ​ക പ​ക്ഷി​സ​ങ്കേ​ത​വു​മാ​ണി​ത്.
ആ​ന​പ്രേ​മി​ക​ളെ
ഇ​തി​ലെ ഇ​തി​ലെ...
ആ​ന​പി​ടു​ത്തം നി​രോ​ധി​ക്കു​ന്ന​തി​നു മു​മ്പ് കേ​ര​ള​ത്തി​ലെ ഏ​റ്റ​വും പ്ര​മു​ഖ​മാ​യ കാ​ട്ടാ​ന പ​രി​ശീ​ല​ന കേ​ന്ദ്ര​ങ്ങ​ളി​ല്‍ ഒ​ന്നാ​യി​രു​ന്നു കോ​ട​നാ​ട് ആ​ന പ​രി​ശീ​ല​ന കേ​ന്ദ്രം.
പ​രി​ക്കേ​റ്റ ആ​ന​ക്കു​ട്ടി​ക​ളു​ടെ പു​ന​ര​ധി​വാ​സ കേ​ന്ദ്ര​മാ​യും വ​നം​വ​കു​പ്പി​നു​ള്ള ആ​ന​ക​ളു​ടെ പ​രി​ശീ​ല​ന കേ​ന്ദ്ര​മാ​യും തു​ട​രു​ന്നു.
കോ​ട​നാ​ടി​ന​ടു​ത്ത് ക​പ്പി​ക്കാ​ട്ടി​ലാ​ണ് ഇ​പ്പോ​ൾ കേ​ന്ദ്രം പ്ര​വ​ർ​ത്തി​ക്കു​ന്ന​ത്. രാ​വി​ലെ എ​ട്ടു മു​ത​ല്‍ വൈ​കി​ട്ട് അ​ഞ്ചു വ​രെ​യാ​ണു സ​ന്ദ​ര്‍​ശ​ന സ​മ​യം.
എ​റ​ണാ​കു​ള​ത്തു നി​ന്നും 45 കി​ലോ​മീ​റ്റ​റും കൊ​ച്ചി അ​ന്താ​രാ​ഷ്ട്ര വി​മാ​ന​ത്താ​വ​ള​ത്തി​ല്‍ നി​ന്നും 20 കി​ലോ​മീ​റ്റ​റു​മാ​ണ് കോ​ട​നാ​ട്ടേ​യ്ക്കു​ള്ള ദൂ​രം.
അ​ഭ​യാ​ര​ണ്യം
കോ​ട​നാ​ട് ആ​ന​ക്കൂ​ട്ടി​ൽ നി​ന്നും ര​ണ്ടു കി​ലോ​മീ​റ്റ​ർ മാ​ത്രം ദൂ​രെ ക​പ്രി​ക്കാ​ടാ​ണ് വ​നം വ​കു​പ്പ് വി​ഭാ​വ​നം ചെ​യ്ത മൃ​ഗ​ങ്ങ​ളു​ടെ ഉ​ദ്യാ​നമായ അ​ഭ​യാ​ര​ണ്യം. 321 ഏ​ക്ക​റോളം വരുന്ന സ്ഥ​ല​ത്തെ ശ​ല​ഭോ​ദ്യാ​നം, ഓ​ർ​ക്കി​ഡ് ഗ​വേ​ഷ​ണ കേ​ന്ദ്രം, ര​ക്ത​ച​ന്ദ​ന തോ​ട്ടം, പു​ഴ​യോ​ര​ത്തു​കൂ​ടി​യു​ള്ള ന​ട​പ്പാ​ത എ​ന്നി​വ സ​ന്ദ​ർ​ശ​ക​ർ​ക്ക് പു​ത്ത​നനു​ഭ​വം പകരുന്നു.
മ​നോ​ഹ​രി​യാ​ണ് പ​ക്ഷേ....
ആ​ലു​വ- മൂ​ന്നാ​ർ റോ​ഡി​ൽ കു​റു​പ്പം​പ​ടി​യി​ൽ നി​ന്ന് 15 കി​ലോ​മീ​റ്റ​ർ ദൂ​ര​മാ​ണ് പാ​ണി​യേ​ലി പോ​രി​ലേ​ക്ക്. അ​പ​ക​ട​ക​ര​മാ​ണെ​ങ്കി​ലും മ​നോ​ഹ​രി​ത കൊ​ണ്ട് സ​ഞ്ചാ​രി​ക​ളെ മാ​ടി വി​ളി​ക്കു​ന്ന വ​ന​ത്തി​ന്‍റെ​യും ചെ​റുപു​ഴ​ക​ളു​ടെ​യും സ​മ​ന്വ​യം. ഇ​വി​ടെ സാ​ഹ​സി​ക​ത​യ്ക്ക് മു​തി​രാ​തെ ഗൈ​ഡി​ന്‍റെ നി​ർ​ദേ​ശ​ങ്ങ​ള​നു​സ​രി​ച്ചു മാ​ത്രം പ്ര​കൃ​തി സൗ​ന്ദ​ര്യം ആ​സ്വ​ദി​ക്കാം.
ചി​ല ശി​ലാ​യു​ഗ ച​രി​ത്ര​ങ്ങ​ൾ
ഭ​ക്ത​ർ​ക്കും ച​രി​ത്ര വി​ദ്യാ​ർ​ഥിക​ൾ​ക്കും ടൂ​റി​സ്റ്റു​ക​ൾ​ക്കും ഒ​രു​പോ​ലെ ആ​ക​ർ​ഷ​ക​മാ​ണ് ക​ല്ലി​ൽ ഗു​ഹാ​ക്ഷേ​ത്രം. ശി​ലാ​യു​ഗ​ത്തോ​ളം ച​രി​ത്രം ഉ​ണ്ട് ഈ ​ജൈ​ന ക്ഷേ​ത്ര​ത്തി​ന്. വ​ർ​ധ​മാ​ന മ​ഹാ​വീ​ര​ൻ, മ​ഹാ​വീ​ര തീ​ത്ഥ​ങ്ക​ര​ൻ, ഭ​ഗ​വ​തി എ​ന്നി​വ​യാ​യി​രു​ന്നു പ്ര​തി​ഷ്ഠ​ക​ൾ.
ഭീ​മാ​കാ​ര​മാ​യ പാ​റ​ക്ക​ല്ലി​ന് ചു​വ​ട്ടി​ലെ ശ്രീ​കോ​വി​ലാ​ണ് പ്ര​ധാ​ന ആ​ക​ർ​ഷ​ണം.
ആ​ലു​വ -കോ​ത​മം​ഗ​ലം റൂ​ട്ടി​ൽ കു​റു​പ്പം​പ​ടി​യി​ൽ നി​ന്ന് എ​ട്ടു​കി​ലോ​മീ​റ്റ​ർ ദൂ​രെ​യാ​ണ് ഈ ഗു​ഹാ​ക്ഷേ​ത്രം സ്ഥി​തി​ചെ​യ്യു​ന്ന​ത്.

Copyright @ 2022 , Rashtra Deepika Ltd.