തൊ​ടു​പു​ഴ: വി​ദേ​ശ​ത്ത് ജോ​ലി വാ​ഗ്ദാ​നം ചെ​യ്ത് ഉ​ദ്യോ​ഗാ​ർ​ഥി​ക​ളി​ൽനി​ന്നു കോ​ടി​ക​ൾ ത​ട്ടി​യെ​ടു​ത്ത​താ​യി പ​രാ​തി. ക​രി​ങ്കു​ന്നം സ്വ​ദേ​ശി മ​നു​മോ​ൻ ജോ​സ്, പാ​ലാ പ​യ​പ്പാ​ർ സ്വ​ദേ​ശി ഐ.​വി.​രാ​ജേ​ഷ് എ​ന്നി​വ​ർ​ക്കെ​തി​രേ​യാ​ണ് ഉ​ദ്യോ​ഗാ​ർ​ഥി​ക​ൾ പ​രാ​തി​യു​മാ​യി രം​ഗ​ത്തെ​ത്തി​യ​ത്. വി​വി​ധ രാ​ജ്യ​ങ്ങ​ളി​ൽ ജോ​ലി വാ​ഗ്ദാ​നം ചെ​യ്ത് 125 ഓ​ളം വി​ദ്യാ​ർ​ഥി​ക​ളി​ൽനി​ന്നു നാ​ലു​കോ​ടി​യോ​ളം രൂ​പ ത​ട്ടി​യെ​ടു​ത്ത​താ​യാ​ണ് പ​രാ​തി.

മൂ​വാ​റ്റു​പ്പു​ഴ പേ​ഴ​യ്ക്കാ​പ്പി​ള്ളി സ്വ​ദേ​ശി രാ​ജേ​ഷി​ന്‍റെ നേ​തൃ​ത്വ​ത്തി​ൽ പ്ര​വ​ർ​ത്തി​ക്കു​ന്ന എ​ആ​ർ ക​ണ്‍​സ​ൾ​ട്ട​ൻ​സി എ​ന്ന സ്ഥാ​പ​ന​ത്തി​ലൂ​ടെ​യാ​ണ് ഇ​വ​ർ ത​ട്ടി​പ്പ് ന​ട​ത്തി​യി​രി​ക്കു​ന്ന​തെ​ന്ന് ഉ​ദ്യോ​ഗാ​ർ​ഥി​ക​ൾ പ​റ​ഞ്ഞു. മ​നു ഇ​ട​തു​പാ​ർ​ട്ടി​യു​ടെ ബ്രാ​ഞ്ച് സെ​ക്ര​ട്ട​റി​യാ​ണെ​ന്നും ത​ട്ടി​പ്പി​നി​ര​യാ​യ​വ​ർ പ​റ​ഞ്ഞു.

ഇ​സ്ര​യേ​ൽ, കാ​ന​ഡ, ന്യൂ​സി​ലാ​ൻ​ഡ് തു​ട​ങ്ങി​യ രാ​ജ്യ​ങ്ങ​ളി​ൽ ഉ​യ​ർ​ന്ന ശ​ന്പ​ള​ത്തി​ലു​ള്ള ജോ​ലി വാ​ഗ്ദാ​നം ചെ​യ്താ​ണ് ത​ട്ടി​പ്പ് ന​ട​ത്തി​യ​ത്. ജോ​ലി​യു​ടെ സ്വ​ഭാ​വ​ത്തി​ന​നു​സ​രി​ച്ച് 50,000 മു​ത​ൽ അ​ഞ്ച് ല​ക്ഷം വ​രെ​യാ​ണ് ഉ​ദ്യോ​ഗാ​ർ​ഥി​ക​ളി​ൽനി​ന്ന് ഈ​ടാ​ക്കി​യ​ത്.

പ​ണം ന​ൽ​കി​യ​വ​രു​ടെ വി​ശ്വാ​സം പി​ടി​ച്ചുപ​റ്റാ​നാ​യി ഇ​വ​ർ ത​ന്നെ പോ​ലീ​സ് ക്ലി​യ​റ​ൻ​സ് സ​ർ​ട്ടി​ഫി​ക്ക​റ്റെ​ടു​ക്കും. ബ​ന്ധ​പ്പെ​ട്ട പോ​ലീ​സ് സ്റ്റേ​ഷ​നു​ക​ളി​ൽനി​ന്നു വി​വ​ര​ങ്ങ​ൾ അ​ന്വേ​ഷി​ക്കു​ന്ന​തോ​ടെ ഭൂ​രി​ഭാ​ഗം ഉ​ദ്യോ​ഗാ​ർ​ഥി​ക​ളും ഇ​വ​രു​ടെ വ​ല​യി​ലാ​കും.

തു​ട​ർ​ന്ന് തി​രു​വ​ന​ന്ത​പു​രം കേ​ന്ദ്രീ​ക​രി​ച്ച് ഉ​ദ്യോ​ഗാ​ർ​ഥി​ക​ൾ​ക്കാ​യി മെ​ഡി​ക്ക​ൽ പ​രി​ശോ​ധ​ന​യും ന​ട​ത്തും. 18 ല​ക്ഷ​ത്തോ​ളം രൂ​പ മു​ട​ക്കി വി​ദേ​ശ​ത്തേ​ക്ക് പോ​കു​ന്ന​തി​ന് അ​ഞ്ച് ല​ക്ഷ​മാ​ണ് ഇ​വ​ർ നേ​രി​ട്ട് വാ​ങ്ങു​ന്ന​ത്. ബാ​ക്കി തു​ക​യ്ക്ക് ഇ​വ​ർ ത​ന്നെ വാ​യ്പ ത​ര​പ്പെ​ടു​ത്തിത്ത​രു​മെ​ന്ന് ഉ​ദ്യോ​ഗാ​ർ​ഥി​ക​ളു​ടെ ര​ക്ഷി​താ​ക്ക​ളെ വി​ശ്വ​സി​പ്പി​ക്കും.

പി​ന്നീ​ട് വി​വി​ധ രാ​ജ്യ​ങ്ങ​ളി​ലെ വ്യാ​ജ​മാ​യി നി​ർ​മി​ച്ച വ​ർ​ക്ക്മെ​മ്മോ ഇ​വ​ർ​ക്ക് ന​ല്കും. തു​ട​ർ​ന്ന് അ​ഞ്ച് ല​ക്ഷം രൂ​പ കൈ​ക്ക​ലാ​ക്കും. വ്യാ​ജ​മാ​യി നി​ർ​മി​ച്ച വി​സ​യു​ടെ പ​ക​ർ​പ്പും ഉ​ദ്യോ​ഗാ​ർ​ഥി​ക​ൾ​ക്ക് ന​ൽ​കും. വി​ദേ​ശ​ത്തേ​ക്ക് പോ​കാ​ൻ ത​യാ​റാ​യി എ​യ​ർ​പോ​ർ​ട്ടി​ലെ​ത്തി മ​ട​ങ്ങി​യ ഉ​ദ്യോ​ഗാ​ർ​ഥി​ക​ൾ വ​രെ​യു​ണ്ട്.

കേ​ര​ള​ത്തി​ലു​ട​നീ​ളം ഇ​വ​ർ ഇ​ത്ത​ര​ത്തി​ൽ ത​ട്ടി​പ്പു ന​ട​ത്തി​യ​താ​യി ഉ​ദ്യോ​ഗാ​ർ​ഥി​ക​ൾ ന​ട​ത്തി​യ അ​ന്വേ​ഷ​ണ​ത്തി​ൽ വ്യ​ക്ത​മാ​യി​ട്ടു​ണ്ട്.

രാ​ജേ​ഷി​നെ ത​ട്ടി​പ്പു​കേ​സി​ൽ പോ​ലീ​സ് പി​ടി​കൂ​ടു​ക​യും ജ​യി​ൽ​വാ​സം അ​നു​ഭ​വി​ക്കു​ക​യും ചെ​യ്തി​ട്ടു​ണ്ടെ​ന്ന് ത​ട്ടി​പ്പി​നി​ര​യാ​യ​വ​ർ പ​റ​ഞ്ഞു.

പ്ര​തി​ക​ളെ ഇ​പ്പോ​ൾ ഫോ​ണി​ൽ ബ​ന്ധ​പ്പെ​ടാ​നും ക​ഴി​യു​ന്നി​ല്ല. ഇ​വ​ർ ഒ​ളി​വി​ലാ​ണെ​ന്നാ​ണ് വി​വ​രം. പോ​ലീ​സി​ൽ പ​രാ​തി ന​ൽ​കി​യി​ട്ടും ഇ​ക്കാ​ര്യ​ത്തി​ൽ കാ​ര്യ​മാ​യ ന​ട​പ​ടി ഉ​ണ്ടാ​കു​ന്നി​ല്ലെ​ന്നും ഇ​വ​ർ പ​റ​ഞ്ഞു.

ത​ട്ടി​പ്പി​നി​ര​യാ​യ​വ​രെ ഉ​ൾ​പ്പെ​ടു​ത്തി ആ​ക്‌ഷ​ൻ കൗ​ണ്‍​സി​ൽ രൂ​പീ​ക​രി​ച്ചി​ട്ടു​ണ്ട്. ഈ ​മാ​സം 21ന് ​തൊ​ടു​പു​ഴ​യി​ൽ ക​ണ്‍​വ​ൻ​ഷ​നും പോ​ലീ​സ് സ്റ്റേ​ഷ​ൻ മാ​ർ​ച്ചും ന​ട​ത്താ​നാ​ണ് ഇ​വ​രു​ടെ നീ​ക്കം. ഇ​തി​നു മു​ന്നോ​ടി​യാ​യി മു​ഖ്യ​മ​ന്ത്രി​ക്കും ഡി​ജി​പിക്കും പ​രാ​തി ന​ൽ​കും. പ്ര​തി​ക​ളു​ടെ ബാ​ങ്ക് അ​ക്കൗ​ണ്ടു​ക​ൾ മ​ര​വി​പ്പി​ക്ക​ണ​മെ​ന്നും ഇ​വ​രു​ടെ സ്വ​ത്ത് ക​ണ്ടു കെ​ട്ട​ണ​മെ​ന്നും അ​ന്വേ​ഷ​ണം കാ​ര്യ​ക്ഷ​മ​മാ​ക്ക​ണ​മെ​ന്നും ആ​ക്‌ഷ​ൻ കൗ​ണ്‍​സി​ൽ ഭാ​ര​വാ​ഹി​ക​ൾ ആ​വ​ശ്യ​പ്പെ​ട്ടു.

പ​ത്ര​സ​മ്മേ​ള​ന​ത്തി​ൽ ചെ​യ​ർ​മാ​ൻ ഡേ​വീ​സ് രാ​മ​പു​രം, ജ​ന​റ​ർ ക​ണ്‍​വീ​ന​ർ പി.​പി. അ​നി​ൽ​കു​മാ​ർ, ഇ.​സി.​ മ​നു, പി.​ സ​ജീ​വ്, ലാ​ലി ജോ​ണ്‍ എ​ന്നി​വ​ർ പ​ങ്കെ​ടു​ത്തു.