ഒ​രേ ദി​വ​സം രണ്ടു പി​എ​സ്‌സി ​ത​സ്തി​ക​മാ​റ്റ പ​രീ​ക്ഷകൾ ഉ​ദ്യോ​ഗാ​ർ​ഥി​ക​ളെ വെ​ട്ടി​ലാ​ക്കി
Wednesday, September 27, 2023 11:31 PM IST
തൊ​ടു​പു​ഴ: ര​ണ്ടു വ്യ​ത്യ​സ്ത ത​സ്തി​ക​ക​ളി​ലേ​ക്കു ന​ട​ത്തു​ന്ന ത​സ്തി​ക​മാ​റ്റ പ​രീ​ക്ഷ​ക​ൾ ഒ​രേ ദി​വ​സം ന​ട​ത്തി പി​എ​സ്‌​സി ഉ​ദ്യോ​ഗാ​ർ​ഥി​ക​ളെ വെ​ട്ടി​ലാ​ക്കി. ഇ​ത് ഉ​ദ്യോ​ഗാ​ർ​ഥി​ക​ളു​ടെ അ​വ​സ​രം ന​ഷ്ട​പ്പെ​ടു​ത്തു​ന്ന​താ​യാ​ണ് പ​രാ​തി.

എം​എ​ഡ് യോ​ഗ്യ​ത​യു​ള്ള സ​ർ​ക്കാ​ർ സ​ർ​വീ​സി​ലെ ഉ​ദ്യോ​ഗാ​ർ​ഥി​ക​ൾ​ക്കാ​യു​ള്ള ര​ണ്ടു പ​രീ​ക്ഷ​ക​ളാ​ണ് ഒ​രേ ദി​വ​സം ന​ട​ത്താ​ൻ പി​എ​സ്‌​സി തീ​രു​മാ​നി​ച്ചി​രി​ക്കു​ന്ന​ത്.

ല​ക്ച​റ​ർ ഇ​ൻ ഫൗ​ണ്ടേ​ഷ​ൻ​സ് ഓ​ഫ് എ​ഡ്യൂ​ക്കേ​ഷ​ൻ ആ​ന്‍​ഡ് ആ​ക്‌ഷ​ൻ റി​സ​ർ​ച്ച്, ബി​എ​ഡ് ട്രെ​യ്നിം​ഗ് കോ​ള​ജ് അ​സി.​പ്ര​ഫ​സ​ർ ഇ​ൻ ഫി​സി​ക്ക​ൽ സ​യ​ൻ​സ് എ​ന്നീ ത​സ്തി​ക​ക​ളി​ലേ​ക്കു​ള്ള ത​സ്തി​ക​മാ​റ്റ പ​രീ​ക്ഷ​ക​ൾ ഒ​ക്ടോ​ബ​ർ ഏ​ഴി​നു ന​ട​ത്താ​നാ​ണ് തീ​രു​മാ​നി​ച്ചി​രി​ക്കു​ന്ന​ത്.

ഉ​യ​ർ​ന്ന നി​ല​വാ​ര​ത്തി​ലു​ള്ള​തും വ്യ​ത്യ​സ്ത സി​ല​ബ​സി​ലു​​ള്ള​തു​മാ​യ ഈ ​ര​ണ്ടു പ​രീ​ക്ഷ​ക​ളും എ​ഴു​തു​ന്ന ഒ​രേ ഉ​ദ്യോ​ഗാ​ർ​ഥി​ക​ളു​ണ്ട്. പ​രീ​ക്ഷ​ക​ളു​ടെ ഹാ​ൾ ടി​ക്ക​റ്റ് ല​ഭി​ച്ച​പ്പോ​ഴാ​ണ് ര​ണ്ടും ഒ​രേ ദി​വ​സ​മാ​ണെ​ന്ന് ഉ​ദ്യോ​ഗാ​ർ​ഥി​ക​ൾ മ​ന​സി​ലാ​ക്കി​യ​ത്.

ഇ​തോ​ടെ ഒ​രെ​ണ്ണം മാ​റ്റി​വ​യ്ക്ക​ണ​മെ​ന്ന് ആ​വ​ശ്യ​പ്പെ​ട്ട് ഉ​ദ്യോ​ഗാ​ർ​ഥി​ക​ൾ പി​എ​സ്‌​സി​യെ സ​മീ​പി​ച്ചു. എ​ന്നാ​ൽ, ര​ണ്ടു പ​രീ​ക്ഷ​ക​ളും എ​ഴു​തു​ന്ന ഉ​ദ്യോ​ഗാ​ർ​ഥി​ക​ൾ കു​റ​വാ​യ​തി​നാ​ൽ ഷെ​ഡ്യൂ​ൾ മാ​റ്റാ​നാ​വി​ല്ലെ​ന്ന മ​റു​പ​ടി​യാ​ണ് ല​ഭി​ച്ച​ത്. ഇ​തോ​ടെ ഏ​തെ​ങ്കി​ലും ഒ​രു പ​രീ​ക്ഷ ഉ​പേ​ക്ഷി​ക്കേ​ണ്ട ദു​ര​വ​സ്ഥ​യി​ലാ​ണ് ഉ​ദ്യോ​ഗാ​ർ​ഥി​ക​ൾ.

ല​ക്ച​റ​ർ ഇ​ൻ ഫൗ​ണ്ടേ​ഷ​ൻ​സ് ഓ​ഫ് എ​ഡ്യൂ​ക്കേ​ഷ​ൻ ആ​ൻ​ഡ് ആ​ക്‌​ഷ​ൻ റി​സ​ർ​ച്ച് ത​സ്തി​ക​യി​ലേ​ക്ക് ഒ​ക്ടോ​ബ​ർ ഏ​ഴി​നു ത​ന്നെ ഡ​യ​റ​ക്ട് റി​ക്രൂ​ട്ട്മെ​ന്‍റ് പ​രീ​ക്ഷ​യും ന​ട​ക്കു​ന്നു​ണ്ട്.

അ​തി​നാ​ൽ ഈ ​പ​രീ​ക്ഷ മാ​റ്റു​ക​യെ​ന്ന​ത് ശ്ര​മ​ക​ര​മാ​ണ്. എ​ന്നാ​ൽ ബി​എ​ഡ് ട്രെ​യി​നിം​ഗ് കോ​ള​ജ് അ​സി. പ്ര​ഫ​സ​ർ ഇ​ൻ ഫി​സി​ക്ക​ൽ സ​യ​ൻ​സ് ത​സ്തി​ക​യി​ലേ​ക്ക് സം​സ്ഥാ​ന ത​ല​ത്തി​ൽ എ​ട്ട് ഉ​ദ്യോ​ഗാ​ർ​ഥി​ക​ൾ മാ​ത്ര​മാ​ണു​ള്ള​ത്. അ​തി​നാ​ൽ ഈ ​പ​രീ​ക്ഷ മ​റ്റൊ​രു ദി​വ​സ​ത്തേ​ക്ക് മാ​റ്റി​വ​യ്ക്ക​ണ​മെ​ന്നാ​യി​രു​ന്നു ഉ​ദ്യോ​ഗാ​ർ​ഥി​ക​ളു​ടെ ആ​വ​ശ്യം. എ​ന്നാ​ൽ ഈ ​ആ​വ​ശ്യം പി​എ​സ്‌​സി പ​രി​ഗ​ണി​ച്ചി​ല്ല.

രാ​വി​ലെ​യും ഉ​ച്ച​ക​ഴി​ഞ്ഞു​മാ​യാ​ണ് പ​രീ​ക്ഷ​ക​ൾ ന​ട​ക്കു​ന്ന​തെ​ങ്കി​ലും പ​ല ഉ​ദ്യോ​ഗാ​ർ​ഥി​ക​ൾ​ക്കും പ​രീ​ക്ഷാ കേ​ന്ദ്ര​ങ്ങ​ൾ വെ​വ്വേ​റെ​യാ​ണ്. പ​രാ​തി​യു​മാ​യി പി​എ​സ്‌​സി​യെ സ​മീ​പി​ച്ച​വ​ർ​ക്കു ര​ണ്ട് പ​രീ​ക്ഷ​യും ഒ​രേ കേ​ന്ദ്ര​ത്തി​ലാ​ക്കി ന​ൽ​കാ​മെ​ന്ന് അ​റി​യി​ച്ചി​രു​ന്നു.

എ​ന്നാ​ൽ വ്യ​ത്യ​സ്ത സി​ല​ബ​സു​ക​ളെ അ​ടി​സ്ഥാ​ന​പ്പെ​ടു​ത്തി ഉ​ന്ന​ത നി​ല​വാ​ര​മു​ള്ള വി​വ​ര​ണാ​ത്മ​ക രീ​തി​യി​ലു​ള്ള പ​രീ​ക്ഷ ഒ​രു ദി​വ​സം ത​ന്നെ ര​ണ്ടെ​ണ്ണം എ​ഴു​തേ​ണ്ടി​വ​രു​ന്ന​ത് പ്ര​യാ​സ​മാ​ണെ​ന്ന് ഉ​ദ്യോ​ഗാ​ർ​ഥി​ക​ൾ പ​റ​യു​ന്നു.

Copyright @ 2022 , Rashtra Deepika Ltd.