മൂ​വാ​റ്റു​പു​ഴ: ബ​സ് യാ​ത്ര​യ്ക്കി​ടെ യാ​ത്ര​ക്കാ​ര​ന് ദേ​ഹാ​സ്വാ​സ്ഥ്യം അ​നു​ഭ​വ​പ്പെ​ട്ട​തി​നെത്തുട​ർ​ന്ന് ബ​സ് തി​രി​കെ സ​ഞ്ച​രി​ച്ച് ആ​ശു​പ​ത്രി​യി​ലെ​ത്തി​ച്ചു. ബ​സി​ലു​ണ്ടാ​യി​രു​ന്ന വ​നി​താ ഡോ​ക്ട​ർ പ്രഥമശു​ശ്രൂ​ഷ ന​ൽ​കി​യ​ത് യു​വാ​വി​ന് ജീ​വി​ത​ത്തി​ലേ​ക്കു​ള്ള തി​രി​ച്ചു​വ​ര​വി​ന് വ​ഴി​യൊ​രു​ക്കി.

മൂ​വാ​റ്റു​പു​ഴ​യി​ൽനി​ന്ന് എ​റ​ണാ​കു​ള​ത്തേ​ക്ക് പോ​വു​ക​യാ​യി​രു​ന്ന കെഎ​സ്ആ​ർ​ടി​സി ബ​സ് ഇ​ന്ന​ലെ രാ​വി​ലെ 9.30ഓ​ടെ ക​ടാ​തി​യി​ലെ​ത്തി​യ​പ്പോ​ഴാ​ണ് പു​ത്ത​ൻ​കു​രി​ശ് സ്വ​ദേ​ശി​യാ​യ അ​ശ്വി​ന് ദേ​ഹാ​സ്വ​സ്ഥ്യം അ​നു​ഭ​വ​പ്പെ​ട്ട​ത്.

ഉ​ട​ൻ ത​ന്നെ ബ​സി​ലു​ണ്ടാ​യി​രു​ന്ന തൊ​ടു​പു​ഴ സെ​ന്‍റ്് മേ​രീ​സ് ആ​ശു​പ​ത്രി​യി​ലെ ഡോ. ​അ​പ​ർ​ണ പ്രഥമശു​ശ്രൂ​ഷ ന​ൽ​കി. ഇ​തി​നി​ടെ ക​ണ്ട​ക്ട​ർ പി.​പി. ത​ങ്ക​ച്ച​നോ​ടും ഡ്രൈ​വ​ർ ജോ​ബി വി. ​മാ​ത്യു​വി​നോ​ടും വി​വ​രം ധ​രി​പ്പി​ച്ചു.

ഉ​ട​ൻ ബ​സ് തി​രി​ച്ച് മൂ​വാ​റ്റു​പു​ഴ നെ​ടു​ഞ്ചാ​ലി​ൽ ട്ര​സ്റ്റ് ആ​ശു​പ​ത്രി​യി​ലേ​ക്ക് പാ​ഞ്ഞു. ദേ​ഹാ​സ്വാ​സ്ഥ്യ​മു​ണ്ടാ​യ യു​വാ​വി​നെ സു​ര​ക്ഷി​ത​മാ​യി ആ​ശു​പ​ത്രി​യി​ലെ​ത്തി​ച്ച ശേ​ഷം യാ​ത്ര​ക്കാ​രു​മാ​യി ബ​സ് യാ​ത്ര തു​ട​ർ​ന്നു.

ചി​കി​ത്സ​യി​ൽ തു​ട​രു​ന്ന യു​വാ​വി​ന്‍റെ ആ​രോ​ഗ്യ​നി​ല തൃ​പ്തി​ക​ര​മാ​ണെ​ന്ന് ആ​ശു​പ​ത്രി അ​ധി​കൃ​ത​ർ അ​റി​യി​ച്ചു. ഡോ. ​അ​പ​ർ​ണ​യു​ടെ​യും ബ​സ് ജീ​വ​ന​ക്കാ​രു​ടെ​യും യാ​ത്ര​ക്കാ​രു​ടെ​യും സ​മ​യോ​ചി​ത​മാ​യ ഇ​ട​പെ​ട​ലാ​ണ് യു​വാ​വി​ന് ര​ക്ഷ​യാ​യ​ത്.