ഇടുക്കി: ഗവ.മെഡിക്കൽ കോളേജിൽ അനാട്ടമി, ഫിസിയോളജി, ബയോകെമിസ്ട്രി, കമ്മ്യൂണിറ്റി മെഡിസിൻ, മൈക്രോ ബയോളജി, പാത്തോളജി, ഫാർമക്കോളജി, അനസ്തേഷ്യോളജി, ജനറൽ മെഡിസിൻ, ജനറൽ സർജറി, ഒഫ്താൽമോളജി, ഇഎൻടി, പൾമണറി മെഡിസിൻ, ഫോറൻസിക് മെഡിസിൻ, ഒ ആന്‍റ് ജി, സൈക്യാട്രി, പീഡിയാട്രിക്സ്, ഡെർമറ്റോളജി, റേഡിയോ ഡയഗനോസിസ്, ഓർത്തോപീഡിക്സ്, എമർജൻസി മെഡിസിൻ എന്നീ വിഭാഗങ്ങളിലേക്ക് സീനിയർ റസിഡന്‍റുമാരുടെ ഒഴിവുണ്ട്. ഒരു വർഷത്തേക്ക് കരാർ അടിസ്ഥാനത്തിലാണ് നിയമനം.
എംബിബിഎസും ബന്ധപ്പെട്ട വിഷയത്തിൽ ബിരുദാനന്തര ബിരുദവുമാണ് യോഗ്യത. ഒരുവർഷത്തെ ഇന്‍റേണ്‍ഷിപ്പ്, ടിസിഎംസി/കെഎസ്എംസി രജിസ്ട്രേഷൻ സർട്ടിഫിക്കറ്റ് എന്നിവ അഭികാമ്യമാണ്. പ്രതിഫലം 70000 രൂപ. യോഗ്യരായ ഉദ്യോഗാർഥികൾ ബന്ധപ്പെട്ട രേഖകളുടെ അസലും(എസ്എസ്എൽസി, പ്ലസ്ടു, എംബിബിഎസ് മാർക്ക് ലിസ്റ്റുകൾ, പിജി മാർക്ക് ലിസ്റ്റ്, എംബിബിഎസ്, പിജി സർട്ടിഫിക്കറ്റ്, ടിസിഎംസി രജിസ്ട്രേഷൻ/കഐസ്എംസി രജിസ്ട്രേഷൻ സർട്ടിഫിക്കറ്റ്) സ്വയം സാക്ഷ്യപ്പെടുത്തിയ പകർപ്പും തിരിച്ചറിയൽ രേഖകളും (ആധാർ/പാൻകാർഡ്) സഹിതം ഇടുക്കി ഗവ മെഡിക്കൽ കോളേജ് പ്രിൻസിപ്പലിന്‍റെ ഓഫീസിൽ അഭിമുഖത്തിനായി ജൂണ്‍ ഒന്നിനു രാവിലെ 11നു ഹാജരാകണം.ഫോണ്: 04862233076.