ഉടുന്പന്നൂർ: സെന്റ് ജോർജ് ഹൈസ്കൂളിന്റെ നവീകരിച്ച മന്ദിരത്തിന്റെ വെഞ്ചരിപ്പും വാർഷികവും പ്രതിഭകളെ ആദരിക്കലും യാത്രയയപ്പ് സമ്മേളനവും ഇന്നു നടക്കും. ഉച്ചകഴിഞ്ഞ് രണ്ടിനു കോതമംഗലം ബിഷപ് മാർ ജോർജ് മഠത്തിക്കണ്ടത്തിൽ സ്കൂൾ മന്ദിരത്തിന്റെ വെഞ്ചരിപ്പ് നിർവഹിക്കും.
പൊതുസമ്മേളനത്തിൽ രൂപത വികാരി ജനറൽ മോണ്. പയസ് മലേക്കണ്ടത്തിൽ അധ്യക്ഷത വഹിക്കും.
രൂപത വിദ്യാഭ്യാസ സെക്രട്ടറി ഫാ. മാത്യു മുണ്ടയ്ക്കൽ, ബ്ലോക്ക് പഞ്ചായത്ത് പ്രസിഡന്റ് മാത്യു കെ. ജോണ്, പഞ്ചായത്ത് പ്രസിഡന്റ് എം. ലതീഷ്, സ്കൂൾ മാനേജർ ഫാ. ജോസ് പൊതൂർ, അസിസ്റ്റന്റ് മാനേജർ ഫാ. മാത്യു രാമനാട്ട്, ഹെഡ്മാസ്റ്റർ സോണി മാത്യു, ബ്ലോക്ക് പഞ്ചായത്ത് മെംബർ നൈസി ഡെനിൽ, പഞ്ചായത്ത് മെംബർമാരായ സുലൈഷ സലിം, ജോണ്സണ് കുര്യൻ, ഫാ. ജോർജ് എടത്തല, പിടിഎ പ്രസിഡന്റ് തോമസ് ജോർജ്, എംപിടിഎ പ്രസിഡന്റ് മഞ്ജു സ്മിതേഷ്, വിദ്യാർഥി പ്രതിനിധി റോജിൻ റോയി, അന്നമ്മ കുര്യൻ, ടീഷ കുര്യൻ തുടങ്ങിയവർ പ്രസംഗിക്കും.