ഒ​പി ടി​ക്ക​റ്റി​ന്‍റെ മ​റ​വി​ൽ ത​ട്ടി​പ്പ്: പി​ന്നി​ൽ ല​ഹ​രി​സം​ഘ​ങ്ങ​ളെ​ന്നു സൂ​ച​ന
Tuesday, February 7, 2023 10:26 PM IST
തൊ​ടു​പു​ഴ: ജി​ല്ലാ ആ​ശു​പ​ത്രി​യി​ലെ ഒ​പി ടി​ക്ക​റ്റു​ക​ളു​ടെ മ​റ​വി​ൽ മെ​ഡി​ക്ക​ൽ സ്റ്റോ​റു​ക​ളി​ൽ​നി​ന്നു കു​ത്തി​വ​യ്പ് മ​രു​ന്നു​ക​ളും മ​റ്റും വ്യാ​പ​ക​മാ​യി വാ​ങ്ങു​ന്ന​തി​നു പി​ന്നി​ൽ ല​ഹ​രി​സം​ഘ​ങ്ങ​ളെ​ന്നു സൂ​ച​ന. ക​ഴി​ഞ്ഞ ഏ​താ​നും മാ​സ​ങ്ങ​ളാ​യി തു​ട​രു​ന്ന ഈ ​ത​ട്ടി​പ്പി​നാ​യി ആ​ശു​പ​ത്രി​ക​ൾ കേ​ന്ദ്രീ​ക​രി​ച്ചു യു​വാ​ക്ക​ളു​ടെ വ​ൻ സം​ഘം പ്ര​വ​ർ​ത്തി​ക്കു​ന്ന​താ​യാ​ണു സൂ​ച​ന.
ക​ഴി​ഞ്ഞ ദി​വ​സ​വും ഇ​ത്ത​ര​ത്തി​ൽ ന​ഗ​ര​ത്തി​ലെ നീ​തി മെ​ഡി​ക്ക​ൽ സ്റ്റോ​റി​ൽ മ​രു​ന്നു വാ​ങ്ങാ​നെ​ത്തി​യ ആ​ളെ പി​ടി​കൂ​ടാ​ൻ ശ്ര​മി​ച്ചെ​ങ്കി​ലും ഇ​യാ​ൾ ര​ക്ഷ​പ്പെ​ട്ടു. 20 ഡോ​സ് മ​രു​ന്നു വാ​ങ്ങാ​നാ​ണ് ഇ​യാ​ൾ കു​റി​പ്പ​ടി​യു​മാ​യി എ​ത്തി​യ​ത്. ഇ​ത്ര​യും മ​രു​ന്ന് ഒ​ന്നി​ച്ചെ​ഴു​തി​യ​തു ക​ണ്ട മെ​ഡി​ക്ക​ൽ സ്റ്റോ​ർ ജീ​വ​ന​ക്കാ​ർ​ക്ക സം​ശ​യം​തോ​ന്നി ചോ​ദ്യം ചെ​യ്ത​പ്പോ​ഴാ​ണു ഇ​യാ​ൾ ത​ന്ത്ര​പൂ​ർ​വം ര​ക്ഷ​പ്പെ​ട്ട​ത്.
ആ​ശു​പ​ത്രി​യി​ലെ കൗ​ണ്ട​റി​ൽ​നി​ന്നു വ്യാ​ജ​പ്പേ​രി​ൽ ഒ​പി ടി​ക്ക​റ്റ് വാ​ങ്ങി​യ​ശേ​ഷം ഇ​തി​ൽ ആ​വ​ശ്യ​മാ​യ മ​രു​ന്നു​ക​ൾ കു​റി​ച്ചാ​ണു ത​ട്ടി​പ്പു ന​ട​ത്തു​ന്ന​ത്. പ​ല മ​രു​ന്നു​ക​ളും സെ​ഡേ​ഷ​നാ​യി ഉ​പ​യോ​ഗി​ക്കു​ന്ന​വ​യാ​ണ്. മു​ന്പും ഇ​ത്ത​ര​ത്തി​ൽ വ്യാ​ജ​മാ​യി മ​രു​ന്ന് ക​ര​സ്ഥ​മാ​ക്കു​ന്ന​താ​യി ജി​ല്ലാ ആ​ശു​പ​ത്രി അ​ധി​കൃ​ത​രു​ടെ ശ്ര​ദ്ധ​യി​ൽ​പ്പെ​ട്ടി​രു​ന്നു. ഉ​ട​ൻ​ത​ന്നെ തൊ​ടു​പു​ഴ പോ​ലീ​സി​നെ വി​വ​ര​മ​റി​യി​ക്കു​ക​യും പി​ന്നീ​ട് രേ​ഖാ മൂ​ലം പ​രാ​തി ന​ൽ​കു​ക​യും ചെ​യ്തെ​ങ്കി​ലും ആ​രെ​യും പി​ടി​കൂ​ടാ​നാ​യി​ട്ടി​ല്ല.
ഒ​പി​യി​ൽ നി​റ​യെ രോ​ഗി​ക​ൾ ക്യൂ​വി​ൽ നി​ൽ​ക്കു​ന്പോ​ഴാ​ണു സം​ഘം ത​ട്ടി​പ്പി​നെ​ത്തു​ന്ന​ത്. കൗ​ണ്ട​റി​ൽ നി​ന്നു ഒ​പി ടി​ക്ക​റ്റ് വാ​ങ്ങി​യ​ശേ​ഷം ഡോ​ക്ട​ർ​മാ​രെ കാ​ണാ​നെ​ന്ന വ്യാ​ജേ​ന രോ​ഗി​ക​ൾ ഇ​രി​ക്കു​ന്ന ഭാ​ഗ​ത്തേ​ക്കു മാ​റി​യ​ശേ​ഷം ഇ​വി​ടെ​നി​ന്നു സ്ഥ​ലം വി​ടും. പി​ന്നീ​ട് ഒ​പി ടി​ക്ക​റ്റി​ൽ ഇ​വ​ർ​ത​ന്നെ ചി​ല മ​രു​ന്നു​ക​ൾ എ​ഴു​തി​ച്ചേ​ർ​ക്കും. ഇ​തു​മാ​യി മെ​ഡി​ക്ക​ൽ സ്റ്റോ​റു​ക​ളി​ലെ​ത്തി മ​രു​ന്ന് വാ​ങ്ങു​ക​യാ​ണ് ചെ​യ്യു​ന്ന​ത്.
ഇ​ത്ത​ര​ത്തി​ൽ മ​രു​ന്ന് ക​ര​സ്ഥ​മാ​ക്കു​ന്ന​തി​നു പി​ന്നി​ൽ ദു​രൂ​ഹ​ത​യു​ണ്ടെ​ന്നാ​ണു ആ​ശു​പ​ത്രി അ​ധി​കൃ​ത​ർ പ​റ​യു​ന്ന​ത്. ല​ഹ​രി​ക്കാ​യോ ല​ഹ​രി​യോ​ടൊ​പ്പം ഉ​പ​യോ​ഗി​ക്കു​ന്ന​തി​നാ​യോ ആ​ണു ഇ​ത്ത​ര​ത്തി​ൽ മ​രു​ന്ന് ശേ​ഖ​രി​ക്കു​ന്ന​തെ​ന്നാ​ണു സം​ശ​യം. ല​ഹ​രി​ക്കാ​യി മ​രു​ന്ന് ഉ​പ​യോ​ഗി​ക്കു​ന്ന​വ​രി​ൽ​നി​ന്നോ മു​ൻ അ​നു​ഭ​വ​ങ്ങ​ളി​ൽ​നി​ന്നോ ആ​കാം ത​ട്ടി​പ്പു​സം​ഘം ആ​ശു​പ​ത്രി കേ​ന്ദ്രീ​ക​രി​ച്ച് ഇ​ത്ത​ര​ത്തി​ൽ ശ്ര​മി​ക്കു​ന്ന​തെ​ന്നാ​ണു വി​ല​യി​രു​ത്ത​ൽ.
വ്യാ​ജ​മാ​യി മ​രു​ന്ന് വാ​ങ്ങാ​നെ​ത്തി​യ സം​ഘം ആ​ശു​പ​ത്രി​യി​ലെ സി​സി​ടി​വി ദൃ​ശ്യ​ങ്ങ​ളി​ൽ പ​തി​ഞ്ഞി​ട്ടു​ണ്ട്. ഇ​ക്കാ​ര്യം പോ​ലീ​സി​നെ അ​റി​യി​ച്ച​താ​യി ആ​ശു​പ​ത്രി സൂ​പ്ര​ണ്ട് പി.​എ​ൻ. അ​ജി പ​റ​ഞ്ഞു. ഇ​തി​നി​ടെ, ന​ഗ​ര​ത്തി​ലെ മെ​ഡി​ക്ക​ൽ സ്റ്റോ​ർ ന​ട​ത്തി​പ്പു​കാ​രോ​ട് ഇ​ക്കാ​ര്യ​ത്തി​ൽ ജാ​ഗ്ര​ത പാ​ലി​ക്ക​ണ​മെ​ന്നും ജി​ല്ലാ ആ​ശു​പ​ത്രി സൂ​പ്ര​ണ്ട് മു​ന്ന​റി​യി​പ്പു ന​ൽ​കി.

Copyright @ 2022 , Rashtra Deepika Ltd.