കടുത്തുരുത്തി ഗവ. പോളിടെക്നിക് രജത ജൂബിലിയാഘോഷങ്ങള് മന്ത്രി വി.എന്. വാസവന് ഉദ്ഘാടനം ചെയ്യും
1533238
Saturday, March 15, 2025 7:13 AM IST
കടുത്തുരുത്തി: കടുത്തുരുത്തി ഗവണ്മെന്റ് പോളിടെക്നിക് കോളജിന്റെ ഒരു വര്ഷം നീണ്ടു നില്ക്കുന്ന രജത ജൂബിലിയാഘോഷങ്ങള് ഇന്ന് മന്ത്രി വി.എന്. വാസവന് ഉദ്ഘാടനം ചെയ്യും. പോളിടെക്നിക് അങ്കണത്തില് രണ്ടിന് നടക്കുന്ന യോഗത്തില് സംഘാടകസമിതി രക്ഷാധികാരി മോന്സ് ജോസഫ് എംഎല്എ അധ്യക്ഷത വഹിക്കും.
മന്ത്രി ഡോ.ആര്. ബിന്ദു ഓണ്ലൈന് സന്ദേശം നല്കുന്ന യോഗത്തില് ഡിജിറ്റല് സാക്ഷരതാ യജ്ഞം ഉദ്ഘാടനം ഫ്രാന്സീസ് ജോര്ജ് എംപിയും അലുംമ്നി അസോസിയേഷന് ഉദ്ഘാടനം ജോസ് കെ.മാണി എംപിയും നിര്വഹിക്കും.
ജില്ലാ പഞ്ചായത്ത് പ്രസിഡന്റ് ഹേമലത പ്രേം സാഗര് മുഖ്യപ്രഭാഷണം നിര്വഹിക്കും. സാങ്കേതിക വിദ്യാഭ്യാസ വകുപ്പ് ഡയറക്ടര് ഡോ. പി.ആര്. ഷാലിജ് രജത ജൂബിലി സന്ദേശം നല്കും. പ്രിന്സിപ്പൽ സി.എം. ഗീത, ജില്ലാ പഞ്ചായത്ത് വൈസ് പ്രസിഡന്റ് ജോസ് പുത്തന്കാല, കടുത്തുരുത്തി ബ്ലോക്ക് പഞ്ചായത്ത് പ്രസിഡന്റ് ജോണ്സണ് കൊട്ടുകാപ്പള്ളി,
പഞ്ചായത്ത് പ്രസിഡന്റ് എന്.ബി. സ്മിത, ജില്ലാ പഞ്ചായത്തംഗം ടി.എസ്. ശരത്, ജനപ്രതിനിധികളായ പി.കെ. സന്ധ്യ, ജിന്സി എലിസബത്ത്, സെലിനാമ്മ ജോര്ജ്, നോബി മുണ്ടയ്ക്കന്, സ്റ്റീഫന് പാറാവേലി, കെ.എന്. സീമ, പി.സോളമന്, അനി ഏബ്രഹാം തുടങ്ങിയവര് പ്രസംഗിക്കും.
യോഗത്തില് അധ്യാപകരെയും വിവിധ മേഖലകളില് പ്രശസ്തരായ പൂര്വവിദ്യാര്ഥികളെയും ആദരിക്കും.