‘ബോണ്‍ നത്താലേ’ ക്രിസ്മസ് സന്ദേശറാലി ഇന്നു കോട്ടയത്ത്
1486817
Friday, December 13, 2024 7:24 AM IST
കോട്ടയം: സിറ്റിസണ്‍സ് ഫോറത്തിന്‍റെയും നഗരസഭയുടെയും വിവിധ നഴ്സിംഗ് കോളജുകള്‍, രൂപതകള്‍, വിദ്യാഭ്യാസ സ്ഥാപനങ്ങള്‍ എന്നിവയുടെയും സംയുക്താഭിമുഖ്യത്തില്‍ ഇന്നു കോട്ടയത്ത് ‘ബോണ്‍ നത്താലേ സീസണ്‍-നാല്’ ക്രിസ്മസ് സന്ദേശ റാലി സംഘടിപ്പിക്കും. വൈകുന്നേരം അഞ്ചിന് പോലീസ് പരേഡ് ഗ്രൗണ്ടില്‍ ജില്ലാ പോലീസ് ചീഫ് എ. ഷാഹുല്‍ ഹമീദ് ഫ്ളാഗ് ഓഫ് ചെയ്യും. ക്രിസ്മസ് ദൃശ്യാവിഷ്‌കാര ഫ്ളോട്ടുകള്‍, വിവിധ പരമ്പരാഗത നിശ്ചലദൃശ്യങ്ങള്‍, വാദ്യമേളങ്ങള്‍ എന്നിവ റാലിയില്‍ അണിനിരക്കും.
6.30ന് മാമ്മന്‍ മാപ്പിള ഹാളില്‍ നടക്കുന്ന സമ്മേളനം മന്ത്രി വി.എന്‍. വാസവന്‍ ഉദ്ഘാടനം ചെയ്യും. ആര്‍ച്ച് ബിഷപ് മാര്‍ മാത്യു മൂലക്കാട്ട് അധ്യക്ഷത വഹിക്കും. ഫ്രാന്‍സിസ് ജോര്‍ജ് എംപി, എംഎല്‍എമാരായ തിരുവഞ്ചൂര്‍ രാധാകൃഷ്ണന്‍, മോന്‍സ് ജോസഫ്, ചാണ്ടി ഉമ്മന്‍, കളക്ടര്‍ ജോണ്‍ വി. സാമുവേല്‍,
കോട്ടയം അതിരൂപത വികാരി ജനറാള്‍ ഫാ. മൈക്കിള്‍ വെട്ടിക്കാട്ട്, നഗരസഭാ ചെയര്‍പേഴ്സണ്‍ ബിന്‍സി സെബാസ്റ്റ്യന്‍, സിപിഐ ജില്ലാ സെക്രട്ടറി അഡ്വ.വി.ബി. ബിനു, ബിജെപി ജില്ലാ പ്രസിഡന്‍റ് ജി. ലിജിന്‍ ലാല്‍, കാരിത്താസ് ഹോസ്പിറ്റല്‍ ഡയറക്ടര്‍ റവ.ഡോ. ബിനു കുന്നത്ത്, കെഇ സ്‌കൂള്‍ പ്രിന്‍സിപ്പല്‍ റവ.ഡോ. ജയിംസ് മുല്ലശേരി, ദര്‍ശന സാംസ്‌കാരികകേന്ദ്രം ഡയറക്ടര്‍ ഫാ. എമില്‍ പുള്ളിക്കാട്ടില്‍, സിഎഫ്‌ഐ പ്രസിഡന്‍റ് അഡ്വ.പി.പി. ജോസഫ്, പ്രോഗ്രാം കോ-ഓര്‍ഡിനേറ്റര്‍ മാത്യു കൊല്ലമലക്കരോട്ട് തുടങ്ങിയവര്‍ പ്രസംഗിക്കും.