വൈ​ക്കം: വൈ​ക്കം ന​ഗ​ര​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ തെ​രു​വു​നാ​യ ശ​ല്യം രൂ​ക്ഷ​മാ​കു​ന്ന​താ​യി പ​രാ​തി. ക​വ​ര​പ്പാ​ടി​ന​ട, അ​യ്യ​ർ​കു​ള​ങ്ങ​ര, ക​ച്ചേ​രി​ക്ക​വ​ല, കൊ​ച്ചു ക​വ​ല, കോ​വി​ല​ക​ത്തും ക​ട​വ് മാ​ർ​ക്ക​റ്റ്, തോ​ട്ടു വ​ക്കം പ​ടി​ഞ്ഞാ​റെ പാ​ലം, പ​ടി​ഞ്ഞാ​റെ ഗോ​പു​രം, തെ​ക്കേ​ന​ട തു​ട​ങ്ങി​യ സ്ഥ​ല​ങ്ങ​ളി​ലും ഉ​ൾ​പ്ര​ദേ​ശ​ങ്ങ​ളി​ലും കൂ​ട്ട​മാ​യെ​ത്തു​ന്ന നാ​യ്ക്ക​ൾ ജ​ന​ജീ​വി​ത​ത്തി​ന് ക​ടു​ത്ത ഭീ​ഷ​ണി​യാ​കു​ക​യാ​ണ്.

സ്കൂ​ളു​ക​ളി​ലേ​ക്ക് വ​രു​ന്ന വി​ദ്യാ​ർ​ഥി​ക​ൾ പ​ല​പ്പോ​ഴും സ​മീ​പ​വീ​ടു​ക​ളി​ലേ​ക്ക് ഓ​ടി​ക്ക​യ​റി​യാ​ണ് ജീ​വ​ൻ ര​ക്ഷി​ക്കു​ന്ന​ത്. ക​ഴി​ഞ്ഞ ദി​വ​സം ന​ഗ​ര​ത്തി​ൽ പ​ത്ര​വി​ത​ര​ണ​ക്കാ​ര​നാ​യ ജോ​ർ​ജ്, നാ​യ്ക്ക​ൾ കൂ​ട്ട​മാ​യി ഇ​രു​ച​ക്ര വാ​ഹ​ന​ത്തി​ന് നേ​ർ​ക്ക് പാ​ഞ്ഞ​ടു​ത്ത​പ്പോ​ൾ വീ​ണ് ഗു​രു​ത​ര​മാ​യി പ​രി​ക്കേ​റ്റി​രു​ന്നു.​തെ​ക്കേ​ന​ട​യി​ൽ പ്ര​ദേ​ശ​വാ​സി​യാ​യ രാ​ജു ത​ല​നാ​രി​ഴ​യ്ക്കാ​ണ് നാ​യ്ക്ക​ളു​ടെ ആ​ക്ര​മ​ണ​ത്തി​ൽ നി​ന്ന് ര​ക്ഷ​പ്പെ​ട്ട​ത്.

കാ​ളി​യ​മ്മ​ന​ട ക്ഷേ​ത്ര​ത്തി​ലേ​ക്കു വ​ന്ന ന​ഗ​ര​സ​ഭ മു​ൻ​ചെ​യ​ർ പേ​ഴ്സ​ൺ രാ​ധി​കാ ശ്യാം ​കൂ​ട്ട​മാ​യി ആ​ക്ര​മി​ക്കാ​നെ​ത്തി​യ നാ​യ്ക്ക​ളി​ൽ നി​ന്ന് ര​ക്ഷ​പ്പെ​ട്ട് ഓ​ടു​ക​യാ​യി​രു​ന്നു. ഏ​താ​നും മാ​സ​ങ്ങ​ൾ​ക്ക് മു​മ്പാ​ണ് തോ​ട്ടു​വ​ക്ക​ത്ത് ഒ​രു നാ​യ അ​ഞ്ചു​പേ​രെ​യാ​ണ് ക​ടി​ച്ചു പ​രി​ക്കേ​ൽ​പി​ച്ച​ത്. പി​ന്നീ​ട് പ​രി​ശോ​ധ​ന​യി​ൽ ഈ ​നാ​യ്ക്ക് പേ​വി​ഷ​ബാ​ധ​യു​ണ്ടെ​ന്ന് സ്ഥി​രീ​ക​രി​ച്ചി​രു​ന്നു. ക​ഴി​ഞ്ഞ കൗ​ൺ​സി​ലി​ന്‍റെ കാ​ല​ത്ത് ന​ട​പ്പാ​ക്കി​യ എ​ബി​സി പ​ദ്ധ​തി നി​ല​ച്ച​താ​ണ് ന​ഗ​ര​ത്തി​ൽ നാ​യ്ക്ക​ൾ പെ​രു​കാ​ൻ ഇ​ട​യാ​ക്കി​യ​ത്