വിധികര്‍ത്താക്കള്‍ക്കും മൊബൈല്‍ ജ്വരം; പിടിച്ചുവാങ്ങി സംഘാടകര്‍
1482991
Friday, November 29, 2024 6:25 AM IST
തലയോലപ്പറമ്പ്: കളി കയ്യാംകളിയാകുമെന്നായപ്പോള്‍ വിധികര്‍ത്താക്കളില്‍നിന്നു സംഘാടകര്‍ മൊബൈല്‍ ഫോണ്‍ പിടിച്ചു വാങ്ങി. വിധികര്‍ത്താക്കള്‍ കുശലം പറയുന്നതും ഫോണ്‍ വിളിക്കുന്നതുമൊക്കെ ആദ്യദിവസം തന്നെ പരാതി കേള്‍പ്പിച്ചിരുന്നു.
സംഗതി വിവാദമായതോടെ ഇന്നലെ മത്സരത്തിനു മുമ്പ് എല്ലാ വേദികളിലും വിധികര്‍ത്താക്കളുടെ മൊബൈല്‍ ഫോണുകള്‍ വാങ്ങിവച്ചു. മത്സരഫലപ്രഖ്യാപനത്തിനു ശേഷമാണ് തിരിച്ചു നല്‍കിയത്.
ആദ്യദിനം ഹൈസ്‌കൂള്‍ കോല്‍കളി മത്സരം നടക്കുന്നതിനിടെ വിധികര്‍ത്താക്കളിലൊരാള്‍ ഫോണില്‍ സംസാരിച്ചിരുന്നു. ഇതു മത്സരാര്‍ഥികള്‍ ചോദ്യം ചെയ്യുകയും അധ്യാപകരും രക്ഷിതാക്കളും ഫോണില്‍ ഫോട്ടോയെടുക്കുകയും ചെയ്തിരുന്നു.