വ​ര്‍ഷ​ങ്ങ​ളാ​യി ത​ക​ര്‍ന്നു കി​ട​ക്കു​ന്ന റോ​ഡ് ന​ന്നാ​ക്കാ​ന്‍ ന​ട​പ​ടി​യി​ല്ല
Tuesday, October 15, 2024 7:28 AM IST
ഞീ​ഴൂ​ര്‍: വ​ര്‍ഷ​ങ്ങ​ളാ​യി ത​ക​ര്‍ന്നു കി​ട​ക്കു​ന്ന റോ​ഡ് ന​ന്നാ​ക്കാ​ന്‍ ന​ട​പ​ടി​യി​ല്ല. പ്ര​തി​ഷേ​ധം ശ​ക്തം. ഞീ​ഴൂ​ര്‍ - അ​റു​നൂ​റ്റി​മം​ഗ​ലം - കീ​ഴൂ​ര്‍ റോ​ഡാ​ണ് പൊ​ട്ടി​പ്പൊളി​ഞ്ഞ് കാ​ല്‍ന​ട യാ​ത്ര പോ​ലും ക​ഴി​യാ​തെ കി​ട​ക്കു​ന്ന​ത്.

അ​ഞ്ച് വ​ര്‍ഷ​ത്തി​ലേ​റേ​യാ​യി റോ​ഡി​ന്‍റെ അ​വ​സ്ഥ ഇ​തു​ത​ന്നെ​യാ​ണെ​ന്ന് നാ​ട്ടു​കാ​ര്‍ പ​റ​യു​ന്നു.
ആ​ല​പ്പു​ഴ - മ​ധു​ര സം​സ്ഥാ​ന പാ​ത​യി​ലേ​ക്ക് എം​സി റോ​ഡി​ലെ കു​റ​വി​ല​ങ്ങാ​ട് നി​ന്നും സ​ഞ്ച​രി​ക്കാ​വു​ന്ന എ​ളു​പ്പ വ​ഴി​യാ​ണി​ത്. അ​റു​നൂ​റ്റി​മം​ഗ​ലം മു​ത​ല്‍ കീ​ഴൂ​ര്‍ വ​രെ​യു​ള്ള റോ​ഡി​ലൂ​ടെ ക​ടു​ത്തു​രു​ത്തി​യി​ലേ​ക്ക് പൈ​പ്പ് ലൈ​ന്‍ ഇ​ടാ​ന്‍ വേ​ണ്ടി കു​ത്തി​പ്പൊ​ളി​ച്ചി​ട്ട​തു മൂ​ലം കാ​ല്‍ന​ട പോ​ലും ക​ഴി​യാ​താ​യി. പൈ​പ്പ് ലൈ​ന്‍ ഇ​ട്ടി​ട്ട് മാ​സ​ങ്ങ​ളാ​യി​ട്ടും റോ​ഡ് ടാ​ര്‍ ചെ​യ്യാ​ന്‍ ന​ട​പ​ടി​യാ​യി​ല്ല.
അ​ടു​ത്തി​ടെ കാ​ള​ക​ളു​മാ​യെ​ത്തി നാ​ട്ടു​കാ​ര്‍ റോ​ഡി​ലെ കു​ഴി​യി​ലെ വെ​ള്ള​ക്കെ​ട്ടി​ല്‍ കാ​ള​ക​ളെ കു​ളി​പ്പി​ച്ചു പ്ര​തി​ഷേധിച്ചി​രു​ന്നു.


റോ​ഡി​ല്‍ ടാ​റിം​ഗ് ഇ​ള​കാ​ത്ത ഒ​രു സ്ഥ​ലം പോ​ലും ഇ​ല്ലെ​ന്ന് നാ​ട്ടു​കാ​ര്‍ പ​റ​യു​ന്നു. കീ​ഴൂ​ര്‍ ഭാ​ഗ​ത്ത് നി​ന്ന് അ​റു​നൂ​റ്റി​മം​ഗ​ല​ത്തേ​ക്ക് സ്‌​കൂ​ള്‍ വാ​ഹ​ന​ങ്ങ​ള്‍ ഉ​ള്‍പ്പെടെ​യു​ള്ള വാ​ഹ​ന​ങ്ങ​ള്‍ സ​ഞ്ച​രി​ക്കു​ന്ന​ത് മു​ഴ​യും​മൂ​ട് വ​ഴി​യാ​ണ്. അ​റു​നൂ​റ്റി​മം​ഗ​ല​ത്ത് നി​ന്ന് ഞീ​ഴൂ​ര്‍ക്കു​ള്ള വ​ഴി​യി​ല്‍ പോ​ട്ടി​ക്ക​വ​ല, ഇ​ന്ദി​ര ജം​ഗ്ഷ​ന്‍, പാ​റ​ശേ​രി, ജൂ​ബി​ലി ജം​ഗ്ഷ​ന്‍ എ​ന്നി​വി​ട​ങ്ങ​ളി​ലെ അ​വ​സ്ഥ​യും പ​രി​താ​പ​ക​ര​മാ​ണ്. ദി​വ​സ​വും സ്‌​കൂ​ള്‍ വാ​ഹ​ന​ങ്ങ​ള്‍ ഉ​ള്‍പ്പെ​ടെ നി​ര​വ​ധി വാ​ഹ​ന​ങ്ങ​ള്‍ സ​ഞ്ച​രി​ക്കു​ന്ന വ​ഴി​യാ​ണി​ത്. നി​ര​വ​ധി ത​വ​ണ ജ​ന​പ്ര​തി​നി​ധി​ക​ളെ​യും അ​ധി​കൃ​ത​രെ​യും സ​മീ​പി​ച്ചെ​ങ്കി​ലും യാ​തൊ​രു ന​ട​പ​ടി​യു​മു​ണ്ടാ​യി​ല്ലെ​ന്ന് നാ​ട്ടു​കാ​ര്‍ പ​റ​യു​ന്നു.