ഉപ്പു​ത​റ: കാ​ട്ടി​റ​ച്ചി ക​ട​ത്തി​യെ​ന്നാ​രോ​പി​ച്ച് വ​നം വ​കു​പ്പ് ക​ള്ള​ക്കേ​സി​ൽ കു​ടു​ക്കി ജ​യി​ലി​ല​ട​ച്ച ആ​ദി​വാ​സി യു​വാ​വി​ന് ര​ണ്ടു വ​ർ​ഷ​മാ​യി​ട്ടും നി​തി കി​ട്ടി​യി​ട്ടി​ല്ല. 2022 സെ​പ്റ്റംബ​ർ 20 നാ​ണ് ക​ണ്ണം​പ​ടി മു​ല്ല പു​ത്ത​ൻ​പു​ര​യ്ക്ക​ൽ സ​രു​ൺ സ​ജി​യെ വ​നം വ​കു​പ്പ് ക​ള്ള​ക്കേ​സി​ൽ കു​ടു​ക്കി അ​റ​സ്റ്റ് ചെ​യ്ത​ത്. പ​ട്ടി​ക​ജാ​തി-പ​ട്ടി​ക​വ​ർ​ഗ പീ​ഡ​ന നി​രോ​ധ​ന നി​യ​മ​പ്ര​കാ​രം 60 ദി​വ​സ​ത്തി​നു​ള്ളി​ൽ കു​റ്റ​പ​ത്രം ന​ൽ​ക​ണ​മെ​ന്നാ​ണ് നി​യ​മം.

എ​ന്നാ​ൽ, പ്രോ​സി​ക്യൂ​ഷ​ൻ അ​നു​മ​തി ല​ഭി​ക്കാ​ത്ത​തി​നാ​ൽ ഇ​തു​വ​രെ കോ​ട​തി​യി​ൽ പോ​ലീ​സ് കു​റ്റ​പ​ത്രം ന​ൽ​കി​യി​ല്ല . കു​റ്റ​ക്കാ​രാ​യ വ​നം വ​കു​പ്പ് ഉ​ദ്യോ​ഗ​സ്ഥ​രെ വി​ചാ​ര​ണ ചെ​യ്യാ​ൻ അ​നു​മ​തി തേ​ടി പോ​ലീ​സ് ജ​നു​വ​രി ആ​റി​ന് സ​ർ​ക്കാ​രി​ന് അ​പേ​ക്ഷ ന​ൽ​കി​യി​രു​ന്നു. ഇ​തി​ന്‍റെ അ​ടി​സ്ഥാ​ന​ത്തി​ൽ ആ​ഭ്യ​ന്ത​ര വ​കു​പ്പ് അ​ഡീ​ഷ​ണ​ൽ സെ​ക്ര​ട്ട​റി വ​നം വ​കു​പ്പ് ഭ​ര​ണ​വി​ഭാ​ഗം ക​ൺ​സ​ർ​വേ​റ്റ​ർ​ക്ക് ക​ത്ത് ന​ൽ​കി. ഒ​രാ​ഴ്ച​യ്ക്കു​ള്ളി​ൽ മ​റു​പ​ടി ആ​വ​ശ്യ​പ്പെ​ട്ടാ​ണ് ക​ത്തു ന​ൽ​കി​യ​ത്.

ഒ​ൻ​പ​തു മാ​സ​മാ​യി​ട്ടും വ​നം വ​കു​പ്പ് മ​റു​പ​ടി ന​ൽ​കി​യി​ല്ല. കു​റ്റ​പ​ത്രം ന​ൽ​കു​ന്ന​ത് നീ​ട്ടി​ക്കൊ​ണ്ടു പോ​യി കേ​സ് അ​ട്ടി​മ​റി​ക്കാ​ൻ സാ​ധ്യ​ത ഉ​ണ്ടെ​ന്നു കാ​ട്ടി സ​രു​ൺ സ​ജി ജി​ല്ലാ കോ​ട​തി​യി​ൽ ഹ​ർ​ജി ന​ൽ​കി. കാ​ട്ടി​റ​ച്ചി ക​ട​ത്തി എ​ന്നാ​രോ​പി​ച്ച് സ​രു​ൺ സ​ജി​യെ വ​നം വ​കു​പ്പ് ഉ​ദ്യോ​ഗ​സ്ഥ​ർ അ​റ​സ്റ്റ് ചെ​യ്യു​ക​യാ​യി​രു​ന്നു. പു​റ​ത്തി​റ​ങ്ങി​യ സ​രു​ൺ സ​ജി​യു​ടെ അ​പേ​ക്ഷ​പ്ര​കാ​രം സ​ർ​ക്കാ​ർ അ​ന്വേ​ഷ​ണം പ്ര​ഖ്യാ​പി​ച്ചു. വി​ജി​ല​ൻ​സ് ആ​ൻ​ഡ് ഫോ​റ​സ്റ്റ് ഇ​ന്റ​ലി​ജ​ൻ​സ് വി​ഭാ​ഗം ചീ​ഫ് ഫോ​റ​സ്റ്റ് ക​ൺ​സ​ർ​വേ​റ്റ​ർ നീ​തു ല​ക്ഷ്മി​യാ​ണ് അ​ന്വ​ഷ​ണം ന​ട​ത്തി​യ​ത്. കേ​സ് കെ​ട്ടി​ച്ച​മ​ച്ച​താ​ണെ​ന്നും പി​ടി​ച്ചെ​ടു​ത്ത മാം​സം വ​ന്യ​ജീ​വി​യു​ടേ​ത​ല്ലെ​ന്നും അ​ന്വേ​ഷ​ണ​ത്തി​ൽ ക​ണ്ടെ​ത്തി.

ഇ​തോ​ടെ മു​ൻ ഇ​ടു​ക്കി ഡി​എ​ഫ്ഒ ബി.​രാ​ഹു​ൽ, കി​ഴു​കാ​നം സെ​ക്‌ഷൻ ഫോ​റ​സ്റ്റ​ർ ടി.​ അ​നി​ൽ കു​മാ​ർ ഉ​ൾ​പെ​ടെ ഒ​ൻ​പ​തു ഉ​ദ്യോ​ഗ​സ്ഥ​രെ സ​ർ​വീ​സി​ൽ നി​ന്നു സ​സ്പെ​ൻ​ഡ് ചെ​യ്തു. ഇ​തി​നു ശേ​ഷ​മാ​ണ് 13 ഉ​ദ്യോ​ഗ​സ്ഥ​ർ​ക്ക് എ​തി​രെ പ​ട്ടി​ക ജാ​തി പ​ട്ടി​ക വ​ർ​ഗ പീ​ഡ​ന നി​രോ​ധ​ന നി​യ​മ പ്ര​കാ​രം കേ​സെ​ടു​ക്കാ​ൻ ഉ​പ്പു​ത​റ പോ​ലീ​സ് ത​യാറാ​യ​ത്. വ​ള​രെ ഉ​ദാ​സീ​ന​മാ​യാ​ണ് പോ​ലീ​സ്, വ​നം ഉ​ദ്യോ​ഗ​സ്ഥ​ർ​ക്ക് എ​തി​രെ​യു​ള്ള കു​റ്റ​പത്രം ത​യാ​റാ​ക്കി​യ​ത്. എ​ന്നാ​ൽ, കു​റ്റ​പ​ത്രം ന​ൽ​കാ​നോ വി​ചാ​ര​ണ തു​ട​ങ്ങാ​നോ ഇ​തു വ​രെ ക​ഴി​ഞ്ഞി​ട്ടി​ല്ല. ഇ​ത് അ​ന്വേ​ഷ​ണ​ത്തി​ൽ നി​ര​പ​രാ​ധി​യാ​ണെ​ന്ന് വ​നം വ​കു​പ്പു ത​ന്നെ ക​ണ്ടെ​ത്തി​യ സ​രു​ൺ സ​ജി​ക്ക് നീ​തി നി​ഷേ​ധി​ക്കു​ന്ന​തി​ന് തു​ല്യ​മാ​യിരിക്കുകയാണ്.