ചങ്ങനാശേരി: സമുദായാചാര്യന്‍ മന്നത്ത് പദ്മനാഭന്‍റെ സമാധിദിനത്തില്‍ പെരുന്നയിലെ സമാധിമണ്ഡപത്തിലേക്ക് പുഷ്പാര്‍ച്ചനയ്ക്കും പ്രാര്‍ഥനകള്‍ക്കുമായി സാമൂഹ്യ സാംസ്‌കാരിക, രാഷ്‌ട്രീയ രംഗത്തെ പ്രമുഖരും സമുദായ അംഗങ്ങളും പ്രവഹിച്ചു.
ഗോവ ഗവര്‍ണര്‍ അഡ്വ.പി.എസ്. ശ്രീധരന്‍പിള്ള, മന്ത്രി കെ.ബി. ഗണേഷ്‌കുമാര്‍, എംപിമാരായ കൊടിക്കുന്നില്‍ സുരേഷ്, ആന്‍റോ ആന്‍റണി, തോമസ് ചാഴികാടന്‍, നിയമസഭാ ചീഫ് വിപ്പ് ഡോ.എന്‍. ജയരാജ്, എംഎല്‍എമാരായ ജോബ് മൈക്കിള്‍, തിരുവഞ്ചൂര്‍ രാധാകൃഷ്ണന്‍, മുന്‍ എംഎല്‍എമാരായ പി.സി. ജോര്‍ജ്, ജോസഫ് എം. പുതുശേരി, മുന്‍ രാജ്യസഭാ ഉപാധ്യക്ഷന്‍ പ്രഫ.പി.ജെ. കുര്യന്‍, മുനിസിപ്പല്‍ ചെയര്‍പേഴ്‌സണ്‍ ബീനാ ജോബി, മാടപ്പള്ളി ബ്ലോക്ക് പഞ്ചായത്ത് പ്രസിഡന്‍റ് എന്‍. രാജു, രാഷ്‌ട്രീയ നേതാക്കളായ ബി. രാധാകൃഷ്ണമേനോന്‍, ബി. ഗോപകുമാര്‍, എന്‍.പി. കൃഷ്ണകുമാര്‍, എം.ബി. രാജഗോപാല്‍, കോണ്‍ഗ്രസ് നേതാക്കളായ രാജീവ് മേച്ചേരി, പി.എന്‍. നൗഷാദ്, ചലച്ചിത്രനടന്‍ കൃഷ്ണപ്രസാദ് തുടങ്ങിയവര്‍ പ്രമുഖരില്‍പ്പെടുന്നു.