മുത്തോലി: സ്നേഹദീപം ഭവനപദ്ധതിയുടെ പ്രവര്ത്തനങ്ങള് കേരളമാകെ കൈയടിക്കേണ്ട മാതൃകാ പ്രവര്ത്തനമാണെന്ന് ലോകസഞ്ചാരിയും പ്ലാനിംഗ് ബോര്ഡ് മെംബറുമായ സന്തോഷ് ജോര്ജ് കുളങ്ങര. ജില്ലാ പഞ്ചായത്ത് മെംബര് ജോസ്മോന് മുണ്ടയ്ക്കല് നേതൃത്വം നല്കുന്ന സ്നേഹദീപം ഭവനപദ്ധതിപ്രകാരമുള്ള പത്തൊമ്പതാം സ്നേഹവീടിന്റെ താക്കോല് സമര്പ്പണം മുത്തോലി പഞ്ചായത്തിലെ പടിഞ്ഞാറ്റിന്കരയില് നിര്വഹിക്കുകയായിരുന്നു അദ്ദേഹം.
ഫാ. ജോയി കാവുകാട്ട് സൗജന്യമായി നല്കിയ സ്ഥലത്താണ് സ്നേഹദീപം പദ്ധതിപ്രകാരമുള്ള പത്തൊമ്പതാമത്തേതും മുത്തോലി പഞ്ചായത്തിലെ അഞ്ചാമത്തേതുമായ വീടിന്റെ നിര്മാണം പൂര്ത്തീകരിച്ചത്.
യോഗത്തില് പാലാ ഡിവൈഎസ്പി എ.ജെ. തോമസ് അധ്യക്ഷത വഹിച്ചു. പാളയം പള്ളി വികാരി ഫാ. മാത്യു അറയ്ക്കപ്പറമ്പില്, ജില്ലാ പഞ്ചായത്തംഗം ജോസ്മോന് മുണ്ടയ്ക്കല്, സ്നേഹദീപം സൊസൈറ്റി ഭാരവാഹികളായ സന്തോഷ് കാവുകാട്ട്, കെ.സി. മാത്യു കേളപ്പനാല്, സോജന് വാരപ്പറമ്പില്, റെജി തലക്കുളം, ജേക്കബ് മഠത്തില്, സജി ഓലിക്കര, ഷൈബു തോപ്പില്, കുര്യാക്കോസ് മണിക്കൊമ്പില്, പോള് കാവുകാട്ട്, ജോര്ജുകുട്ടി കാവുകാട്ട്, ടോമി ഓലിക്കര, ജോസ് പഴയംപള്ളിയില്, സുനില് മറ്റത്തില്, ബെന്നി കോട്ടേപ്പള്ളി, ഗിരീഷ് കുമാര് ഇലവുങ്കല് എന്നിവര് പ്രസംഗിച്ചു.