കോട്ടയം: ലോക പരിസ്ഥിതി ദിനത്തോടനുബന്ധിച്ച് വൃക്ഷവത്ക്കരണത്തിനുള്ള വനം-വന്യജീവി വകുപ്പിന്റെ വൃക്ഷതൈകള് തയാറായതായി വനംവകുപ്പ് സാമൂഹ്യ വനവത്ക്കരണ വിഭാഗം മേധാവി ഇ. പ്രദീപ്കുമാര് അറിയിച്ചു. റമ്പൂട്ടാന്, കറിവേപ്പ്, ഞാവല്, ആര്യവേപ്പ്, മാതളം, പ്ലാവ്, നെല്ലി, വാളന്പുളി, നാരകം, തേക്ക് തൈ, മാവ്, സപ്പോട്ട, ചെറുനാരകം, കണിക്കൊന്ന, കുടംപുളി, ചെമ്പകം, ഇലഞ്ഞി, മുരിങ്ങ, മുള, മുള്ളാത്തി, നീര്മരുത്, പനീര്ചാമ്പ, തേക്ക് സ്റ്റമ്പ്, മണിമരുത്, ബദാം, ഇരുമ്പന്പുളി, അമ്പഴം, അരിനെല്ലി, ഉങ്ങ്, ഈട്ടി, അശോകം, ചന്ദനം, രക്തചന്ദനം, ദന്തപ്പാല, കൂവളം, തമ്പകം, കറുവ, ഇടന, പാച്ചോറ്റി, ആഞ്ഞിലി, പതിമുഖം, മഞ്ചാടി, ചൂരക്കാലി, ചമത, കരിങ്ങാലി, താന്നി, സില്വര് ഓക്ക്, പൂവരശ്, കുന്നിവാക, കാട്ടുങ്ങ്, വേറ്റിവേര്, പൂമരുത്, അകില്, കാറ്റാടി, ലയാങ്ങി, മൈല, പുന്ന, തത്തിരി, ഇലിപ്പ, തെക്കോമ, പൂവം, വേങ്ങ, കുമ്പിള്, ജക്രാന്ത, പെല്റ്റഫോറ എന്നിങ്ങനെ 65 ഇനം തൈകളാണ് ലോക പരിസ്ഥിതി ദിനമായ ജൂണ് അഞ്ചു മുതല് വനമഹോത്സവം അവസാനിക്കുന്ന ജൂലൈ ഏഴു വരെ ലഭ്യതയനുസരിച്ച് വിതരണം ചെയ്യുന്നത്.
വിതരണത്തിന് ഇതിനോടകം ആകെ 20,91,200 തൈകള് തയാറായിട്ടുണ്ട്. അഞ്ചിന് രാവിലെ ഒന്പതരയ്ക്ക് ഓണ്ലൈനായി കേന്ദ്ര സര്ക്കാര് ഉദ്ഘാടനശേഷം വൃക്ഷത്തൈ നടീല്, പരിസ്ഥിതി അവബോധ ബോധവത്കരണം മുതലായ പരിപാടികള് നടക്കും.