കോട്ടയം: കടകളിലെ പ്ലാസ്റ്റിക് പരിശോധനയും പിഴ ഈടാക്കലും അവസാനിപ്പിക്കുക, പഞ്ചായത്ത് മുനിസിപ്പൽ ലൈസൻസ് ഫീസ് വർധനയും ഫൈനും പിൻവലിക്കുക, വൈദ്യുതി ചാർജ് വർധന പിൻവലിക്കുക, കെട്ടിടനികുതി വർധന പിൻവലിക്കുക, ജിഎസ്ടി ടെസ്റ്റ് പർച്ചേസ് അവസാനിപ്പിക്കുക, ജിഎസ്ടി ഉദ്യോഗസ്ഥരുടെ കടകളിലെ ഓഡിറ്റ് അവസാനിപ്പിക്കുക, വഴിയോര കച്ചവടം നിരോധിക്കുക എന്നീ ആവശ്യങ്ങൾ ഉന്നയിച്ച് ആറിന് വ്യാപാരി വ്യവസായി ഏകോപന സമിതി ജില്ലാ കമ്മിറ്റിയുടെ ആഭിമുഖ്യത്തിൽ കളക്ടറേറ്റിനു മുന്പിൽ ധർണ നടത്തും.
രാവിലെ 10ന് എംഎൽ റോഡിൽ നിന്നും പ്രകടനമായി കക്ടറേറ്റിനു മുന്പിലെത്തും. തുടർന്നാണ് ധർണ. സംസ്ഥാന വൈസ് പ്രസിഡന്റും ജില്ലാ പ്രസിഡന്റുമായ എം. കെ. തോമസുകുട്ടി ഉദ്ഘാടനം ചെയ്യും. ജനറൽ സെക്രട്ടറി എ.കെ.എൻ.പണിക്കർ, ട്രഷറർ മുജീബ് റഹ്മാൻ, വൈസ് പ്രസിഡന്റുമാരായ വി.സി. ജോസഫ്, കെ.ജെ.മാത്യു, പി.ശിവദാസ്, സെക്രട്ടറിമാരായ ഗിരീഷ് കോനാട്ട്, ടോമിച്ചൻ അയ്യരുകുളങ്ങര, എം.എ.അഗസ്റ്റിൻ, പി.എസ്. കുര്യാച്ചൻ, എബി സി. കുര്യൻ, സജി ജോസഫ് എന്നിവർ പ്രസംഗിക്കും.