ചങ്ങനാശേരി: ഈശോയുടെ രാജകീയ പ്രവേശനത്തിന്റെ പുണ്യസ്മരണകള് പുതുക്കി ഇന്ന് ക്രൈസ്തവലോകം ഓശാനത്തിരുനാള് ആചരിക്കും. പള്ളികളില് കുരുത്തോല വെഞ്ചരിപ്പ്, പ്രദക്ഷിണം, വിശുദ്ധകുര്ബാന എന്നീ ശുശ്രൂഷകള് നടക്കും. ഓശാന ആചരണത്തോടെ ദേവാലയങ്ങളില് വിശുദ്ധവാര കര്മങ്ങള് ഇന്ന് ആരംഭിക്കും.
മെത്രാപ്പോലീത്തന് പള്ളിയില്
ചങ്ങനാശേരി: ചങ്ങനാശേരി സെന്റ് മേരീസ് മെത്രാപ്പോലീത്തന് പള്ളിയില് ഇന്ന് ഓശാനഞായര് ആചരണം. പാരിഷ്ഹാളില് രാവിലെ 6.30ന് കുരുത്തോല വെഞ്ചരിപ്പ്, പള്ളിയിലേക്കു പ്രദക്ഷിണം. വിശുദ്ധകുര്ബാന, സന്ദേശം. ആര്ച്ച്ബിഷപ് മാര് ജോസഫ് പെരുന്തോട്ടം മുഖ്യകാര്മികനായിരിക്കും. വികാരി ഫാ.ജോസ് കൊച്ചുപറമ്പില് സഹകാര്മികനായിരിക്കും. ഒമ്പതിനും 10.30നും വൈകുന്നേരം അഞ്ചിനും വിശുദ്ധകുര്ബാന.
പാറേല് പള്ളിയില്
ചങ്ങനാശേരി: പാറേല് മരിയന് തീര്ഥാടന കേന്ദ്രത്തില് രാവിലെ 6.30ന് ഓശാനയുടെ തിരുക്കര്മങ്ങള് ആരംഭിക്കും. സപ്ര, ഓലവെഞ്ചരിപ്പ്, ആഘോഷമായ വിശുദ്ധ കുര്ബാന, സന്ദേശം ഫാ. വര്ക്കി സ്രാമ്പിക്കല്. 10നും 4.30 നും വിശുദ്ധ കുര്ബാന.
പെസഹാ വ്യാഴാഴ്ച വൈകുന്നേരം നാലിന് വിശുദ്ധ കുര്ബാന, കാലുകഴുകല് ശുശ്രൂഷ. മുഖ്യ കാര്മികന് വികാരി ഫാ. ജേക്കബ് വാരിക്കാട്ട്, സന്ദേശം ഫാ. തോമസ് കൊറ്റത്തില്. തുടര്ന്ന് 6.15 മുതല് ഏഴുവരെ പൊതുആരാധന.
ദുഃഖവെള്ളി രാവിലെ 5.30 മുതല് ഉച്ചയ്ക്ക് 12.30വരെ ആരാധന. ഉച്ചകഴിഞ്ഞ് രണ്ടിന് ഇടവകയുടെ വിവിധ വാര്ഡുകളില്നിന്നു കുരിശിന്റെ വഴി. 3.30 ന് പീഡാനുഭവ തിരുക്കര്മങ്ങള്, സന്ദേശം -വികാരിജനറാള് മോണ്. വര്ഗീസ് താനമാവുങ്കല്. അഞ്ചിന് നഗരികാണിക്കല്, 5.30ന് നോമ്പ് കഞ്ഞി.
എട്ടിന് വൈകുന്നേരം നാലിന് വലിയ ശനി തിരുക്കര്മങ്ങള്. വിശുദ്ധ കുര്ബാന, വെള്ളം വെഞ്ചരിപ്പ്, പ്രവേശക കൂദാശകള്.
ഉയര്പ്പ് ഞായര് പുലര്ച്ചെ മൂന്നിന് ഉയിര്പ്പ് തിരുനാള് കര്മങ്ങള്. ആഘോഷമായ വിശുദ്ധ കുര്ബാന, സന്ദേശം വികാരി ജനറാള് മോണ്. ജോസഫ് വാണിയപ്പുരയ്ക്കല്, രാവിലെ ആറിനും എട്ടിനും വിശുദ്ധ കുര്ബാന.
മേരി മൗണ്ട് പള്ളി
ചങ്ങനാശേരി: മേരി മൗണ്ട് കത്തോലിക്കാ പള്ളിയിലെ ഓശാനശുശ്രൂഷകളോടനുബന്ധിച്ചുള്ള കുരുത്തോല വെഞ്ചരിപ്പ് രാവിലെ 7.30ന് ക്ലൂണി സ്കൂള് ഓഡിറ്റോറിയത്തില് നടക്കും. തുടര്ന്ന് പള്ളിയില് വിശുദ്ധകുര്ബാന.
കുറുമ്പനാടം ഫൊറോന പള്ളിയില്
കുറുമ്പനാടം: സെന്റ് ആന്റണീസ് ഫൊറോനാ പള്ളിയിലെ കുരുത്തോല വെഞ്ചരിപ്പും കുരുത്തോലവിതരണവും സെന്റ് പീറ്റേഴ്സ് ഹയര്സെക്കന്ഡറി സ്കൂളില് നടക്കും. തുടര്ന്ന് പള്ളിയിലേക്ക് പ്രദക്ഷിണം, വിശുദ്ധകുര്ബാനയ്ക്കും ശുശ്രൂഷകള്ക്കും അതിരൂപത വികാരിജനറാള് മോണ്. ജയിംസ് പാലയ്ക്കല് മുഖ്യകാര്മികത്വം വഹിക്കും. വികാരി ഫാ. ചെറിയാന് കറുകപ്പറമ്പില് സഹകാര്മികനായിരിക്കും. വൈകുന്നേരം 4.30ന് വിശുദ്ധകുര്ബാന.
നാലുകോടി പള്ളിയില്
നാലുകോടി: സെന്റ് തോമസ് പള്ളിയിലെ ഓശാന ശുശ്രൂഷകളോടനുബന്ധിച്ചുള്ള കുരുത്തോല വെഞ്ചരിപ്പ് രാവിലെ ആറിന് നാലുകോടി കുരിശടിയില് നടക്കും. തുടര്ന്ന് പള്ളിയിലേക്ക് പ്രദക്ഷിണം. വൈകുന്നേരം 4.30ന് വിശുദ്ധകുര്ബാന. തുടര്ന്ന് വാര്ഷിക ധ്യാനം.
മാടപ്പള്ളി പള്ളി
മാടപ്പള്ളി: ചെറുപുഷ്പം പള്ളിയില് ഓശാന ഞായര് തിരുക്കര്മങ്ങള് രാവിലെ ആറിന് ആരംഭിക്കും. ഓലവെഞ്ചരിപ്പിനും വിശുദ്ധകുര്ബാനയ്ക്കും വികാരി ഫാ. മാത്യു ചെത്തിപ്പുഴ കാര്മികത്വം വഹിക്കും. 9.30ന് വിശുദ്ധകുര്ബാന.
കുന്നന്താനം പള്ളി
കുന്നന്താനം: സെന്റ് ജോസഫ് പള്ളിയില് ഓശാനതിരുക്കര്മങ്ങള് രാവിലെ ഏഴിന് ആരംഭിക്കും. കുരുത്തോല വെഞ്ചരിപ്പിനും വിശുദ്ധകുര്ബാന യ്ക്കും വികാരി ഫാ. ജോര്ജ് നൂഴായിത്തടം കാര്മികത്വം വഹിക്കും.
നെടുംകുന്നം ഫൊറോന പള്ളിയിൽ
നെടുംകുന്നം: നെടുംകുന്നം സെന്റ് ജോൺ ദി ബാപ്റ്റിസ്റ്റ് ഫൊറോന പള്ളിയിൽ ഇന്നു രാവിലെ 6.30നു കൊച്ചുപള്ളിയിൽ ഓശാന തിരുക്കർമങ്ങൾ, കുരുത്തോല പ്രദക്ഷിണം. തുടർന്ന് വലിയപള്ളിയിൽ വിശുദ്ധ കുർബാന. വികാരി ഫാ. വർഗീസ് കൈതപ്പറമ്പിൽ. സന്ദേശം ഫാ. ജേക്കബ് വട്ടയ്ക്കാട്ട്. 10നും വൈകുന്നേരം 4.30നും വിശുദ്ധ കുർബാന.
ചമ്പക്കര പള്ളിയിൽ
ചമ്പക്കര: ചമ്പക്കര സെന്റ് ജോസഫ്സ് പള്ളിയിൽ രാവിലെ ആറിന് ഓശാന തിരുക്കർമങ്ങൾ, കുരുത്തോല പ്രദക്ഷിണം. വൈകുംന്നേരം അഞ്ചിനു വിശുദ്ധ കുർബാന.