ഭി​ന്ന​ശേ​ഷി​യെ ഇ​ടം​കൈ കൊ​ണ്ട് തോ​ൽ​പ്പി​ച്ച് ജാ​ക്സ​ൺ ദേ​ശീ​യ മ​ത്സ​ര​ത്തി​ൽ
Friday, March 31, 2023 10:46 PM IST
എ​രു​മേ​ലി: സ​ർ​ക്കാ​ർ സ​ഹാ​യ​മി​ല്ലാ​തെ സ്പോ​ൺ​സ​ർ​മാ​രെ​യും സു​മ​ന​സു​ക​ളെ​യും കി​ട്ടാ​തെ ഇ​ട​തു​കൈ കൊ​ണ്ട് ദേ​ശീ​യ പാ​രാ ബാ​ഡ്മി​ന്‍റ​ൺ മ​ത്സ​ര​ത്തി​ൽ പ്രീ​ക്വാ​ർ​ട്ട​ർ വ​രെ​യെ​ത്തി ജാ​ക്സ​ൺ. മി​ക​ച്ച പ​രി​ശീ​ല​നം കി​ട്ടി​യാ​ൽ ഇ​നി​യു​മേ​റെ നേ​ടാ​നാ​കു​മെ​ന്ന പ്ര​തീ​ക്ഷ​യി​ലാ​ണ് ജ​ന്മ​നാ വ​ല​തു കൈ​ക്ക് സ്വാ​ധീ​ന​മി​ല്ലാ​ത്ത എ​രു​മേ​ലി പൊ​രി​യ​ന്മ​ല കൊ​ടി​വീ​ട്ടി​ൽ ജാ​ക്സ​ൺ (44).
ക​ഴി​ഞ്ഞ 22 മു​ത​ൽ 26 വ​രെ ഉ​ത്ത​ർ​പ്ര​ദേ​ശി​ൽ ല​ക്നൗ​വി​ൽ ന​ട​ന്ന അ​ഞ്ചാ​മ​ത് നാ​ഷ​ണ​ൽ പാ​രാ ബാ​ഡ്മി​ന്‍റ​ൺ ചാ​മ്പ്യ​ൻ​ഷി​പ്പി​ലാ​ണ് സിം​ഗി​ൾ​സി​ലും ഡ​ബി​ൾ​സി​ലും ജാ​ക്സ​ൺ പ്രീ​ക്വാ​ർ​ട്ട​ർ വ​രെ എ​ത്തി​യ​ത്. മു​മ്പ് 2020ൽ ​ഇ​ടം​കൈ കൊ​ണ്ട് ബാ​ഡ്മി​ന്‍റ​ണി​ൽ ഭി​ന്ന​ശേ​ഷി​ക്കാ​രു​ടെ സം​സ്ഥാ​ന​ത​ല മ​ത്സ​ര​ങ്ങ​ളി​ൽ നേ​ടി​യ​ത് ഒ​ന്നും ര​ണ്ടും സ്ഥാ​ന​ങ്ങ​ളാ​യി​രു​ന്നു. സിം​ഗി​ൾ ഇ​ന​ത്തി​ൽ ഒ​ന്നും ഡ​ബി​ൾ​സി​ൽ ര​ണ്ടാം സ്ഥാ​ന​വും നേ​ടി. ഇ​തേ​തു​ട​ർ​ന്ന് ഒ​ഡീ​ഷ​യി​ൽ ഭി​ന്ന​ശേ​ഷി വി​ഭാ​ഗ​ത്തി​ലെ ദേ​ശീ​യ മ​ത്സ​ര​ത്തി​ൽ കേ​ര​ള​ത്തെ പ്ര​തി​നി​ധീ​ക​രി​ച്ച് പ​ങ്കെ​ടു​ക്കാ​ൻ സെ​ല​ക്‌​ഷ​ൻ ല​ഭി​ച്ചി​രു​ന്നു. പ​ക്ഷേ, സാ​മ്പ​ത്തി​ക​മാ​യി ആ​രും സ​ഹാ​യി​ക്കാ​ൻ ഇ​ല്ലാ​തി​രു​ന്ന​തു​മൂ​ലം ഒ​ഡീ​ഷ​യി​ൽ പോ​യി പ​ങ്കെ​ടു​ക്കാ​ൻ ക​ഴി​ഞ്ഞി​ല്ല. ആ​കെ​യു​ള്ള​ത് മൂ​ന്ന് സെ​ന്‍റ് സ്ഥ​ല​വും ചെ​റി​യ വീ​ടു​മാ​ണ്. ത​യ്യ​ൽ എം​ബ്രോ​യി​ഡ​റി പ​ണി​യാ​ണ് ഏ​ക വ​രു​മാ​നം. ഇ​ത്ത​വ​ണ സം​സ്ഥാ​ന​ത​ല ബാ​ഡ്മി​ന്‍റ​ൺ മ​ത്സ​ര​ത്തി​ൽ മൂ​ന്നാം സ്ഥാ​നം നേ​ടി​യ​തോ​ടെ​യാ​ണ് ദേ​ശീ​യ മ​ത്സ​ര​ത്തി​ലേ​ക്ക് വീ​ണ്ടും സെ​ല​ക്‌​ഷ​ൻ ല​ഭി​ച്ച​ത്. അ​വി​ടെ ഫെ​ദ​ർ ഷ​ട്ടി​ൽ ആ​ണ് ഉ​പ​യോ​ഗി​ക്കു​ന്ന​ത്. അ​തി​നു​ള്ള ബാ​റ്റി​ന് വി​പ​ണി​യി​ൽ പ​തി​നാ​യി​രം രൂ​പ​യോ​ളം വി​ല​യു​ണ്ട്. അ​തി​നും യാ​ത്രാ​ച്ചെ​ല​വി​നും പ​ണ​മി​ല്ലാ​ത്ത​തി​ന്‍റെ വി​ഷ​മ​ത്തി​ൽ എ​ങ്ങ​നെ ദേ​ശീ​യ മ​ത്സ​ര​ത്തി​ൽ പ​ങ്കെ​ടു​ക്കു​മെ​ന്ന സ​ങ്ക​ട​ത്തി​ലാ​യി​രു​ന്നെ​ന്ന് ജാ​ക്സ​ൺ പ​റ​ഞ്ഞു. ഒ​ടു​വി​ൽ സാ​മ്പ​ത്തി​ക ബു​ദ്ധി​മു​ട്ട് വ​ക​വ​യ്ക്കാ​തെ ക​ടം വാ​ങ്ങി​യ ട്രാ​ക്ക് സ്യൂ​ട്ടും ബാ​റ്റു​മാ​യി ല​ക്നൗ​വി​ലെ​ത്തി മ​ത്സ​ര​ത്തി​ൽ പ​ങ്കെ​ടു​ക്കു​ക​യാ​യി​രു​ന്നു. എ​ന്നാ​ൽ എ​തി​രാ​ളി​ക​ൾ മി​ക​ച്ച പ​രി​ശീ​ല​നം നേ​ടി ക​ളി​ച്ച​പ്പോ​ൾ നാ​ട്ടി​ലെ ക​ളി​ക്ക​ള​ങ്ങ​ളി​ൽ ക​ളി​ച്ച അ​നു​ഭ​വ​ങ്ങ​ൾ മാ​ത്ര​മാ​യി​രു​ന്നു ത​നി​ക്കെ​ന്ന് ജാ​ക്സ​ൺ പ​റ​യു​ന്നു.
നാ​ട്ടി​ൽ ഭി​ന്ന​ശേ​ഷി​ക്കാ​ര​ല്ലാ​ത്ത​വ​രു​മാ​യി ക​ളി​ക്കു​ന്ന ജാ​ക്സ​ൺ പ​ല​രു​ടെ​യും പ​രി​ശീ​ല​ക​ൻ കൂ​ടി​യാ​ണ്. ബാ​ഡ്മി​ന്‍റ​ൺ ക​ളി​ക്കു​ന്ന​ത് പ​ത്താം ക്ലാ​സി​ൽ പ​ഠി​ക്കു​മ്പോ​ഴാ​ണ്. ര​ണ്ട് കൈ​ക​ൾ​ക്കും ശേ​ഷി​യു​ള്ള​വ​രേ​ക്കാ​ൾ മി​ക​ച്ച നി​ല​യി​ൽ ക​ളി മാ​റി​യ​തോ​ടെ സ്കൂ​ൾ, പ​ഞ്ചാ​യ​ത്ത്‌, ബ്ലോ​ക്ക്‌, ജി​ല്ലാ ത​ല​ങ്ങ​ളി​ൽ ഒ​ട്ടേ​റെ വി​ജ​യ​ങ്ങ​ൾ തേ​ടി​യെ​ത്തി.
ആ​ല​പ്പു​ഴ സ്വ​ദേ​ശി​യാ​യ ജാക്സ​ൺ 23 വ​ർ​ഷ​മാ​യി എ​രു​മേ​ലി​യി​ലാ​ണ് താ​മ​സം. ഷൈ​മ​യാ​ണ് ഭാ​ര്യ. അ​ല​ൻ, ആ​ൻ മരിയ, ആ​ൻ പ്രി​യ എ​ന്നി​വ​ർ മക്ക​ൾ. ജാ​ക്സ​ണി​ന്‍റെ ഫോ​ൺ: 9495902687.

Copyright @ 2022 , Rashtra Deepika Ltd.