രാമപുരം: കേരള അസോസിയേഷന് ഓഫ് പ്രഫഷണല് സോഷ്യല് വര്ക്കേഴ്സ്, രാമപുരം മാര് ആഗസ്തീനോസ് കോളജ്, ജില്ലയിലെ സോഷ്യല് വര്ക്ക് കോളജുകൾ എന്നിവയുടെ ആഭിമുഖ്യത്തില് രാമപുരത്തു നടന്ന ജില്ലാതല സോഷ്യല് വര്ക്ക് ദിനാചരണത്തിന്റെ ഉദ്ഘാടനം ജല-പരിസ്ഥിതി ശാസ്ത്രജ്ഞന് ഡോ. വി. സുഭാഷ് ചന്ദ്രബോസ് നിര്വഹിച്ചു. കോളജ് പ്രിന്സിപ്പല് ഡോ. ജോയി ജേക്കബ് അധ്യക്ഷത വഹിച്ചു.
ക്യാപ്സ് പ്രസിഡന്റ് ഡോ. എം.പി. ആന്റണി, ഇന്ത്യ നെറ്റ്വര്ക്ക് ഓഫ് സോഷ്യല് വര്ക്ക് അസോസിയേഷന് സെക്രട്ടറി ജനറല് ഡോ. ഐപ്പ് വര്ഗീസ്, ചാപ്റ്റര് പ്രസിഡന്റ് സിജു തോമസ്, ജില്ലാ മാസ് മീഡിയ ഓഫീസര് ഡോമി ജോണ്, കുടുംബശ്രീ ജില്ലാ മാനേജര് പ്രശാന്ത് ശിവന്, ക്യാപ്സ് ഭാരവാഹികളായ ജയിംസ് ഫിലിപ്പ് ആലപ്പാട്ട്, സിസ്റ്റര് ശാലിനി സിഎംസി, സജോ ജോയി, പി.ജെ. അനൂപ്, സിസ്റ്റര് റെജി അഗസ്റ്റിന് എംഎംഎസ്, സാറാ അലക്സ്, ജിനു ജോസഫ്, വിദ്യാര്ഥികളായ അര്ജുന് കെ. അജയന്, ജിതിന് ജോസഫ് എന്നിവര് പ്രസംഗിച്ചു.
സോഷ്യല് വര്ക്ക് മേഖലയിലെ മികച്ച ഇടപെടലുകള്ക്ക് ഡോ. ജോളി കെ. ജയിംസ്, സി.ആര്. വിനീഷ്, ഡോ. ജയിംസ് ഫിലിപ്പ് ആലപ്പാട്ട് എന്നിവരെ പുരസ്കാരം നൽകി ആദരിച്ചു.