വടവാതൂർ: പള്ളം ബ്ലോക്ക് പഞ്ചായത്ത് 2022 -23 വാർഷിക പദ്ധതിയിൽ ഉൾപ്പെടുത്തി ബ്ലോക്ക് പഞ്ചായത്ത് പരിധിയിലുള്ള അങ്കണവാടികൾക്ക് ഉപകരണങ്ങൾ നൽകി. കുട്ടികൾക്ക് ആവശ്യമായ ഫർണിച്ചറുകൾ, കളിപ്പാട്ടങ്ങൾ, അങ്കണവാടിയിലേക്ക് ആവശ്യമായ റാക്കുകൾ, ഗ്യാസ് സ്റ്റൗ, സംഭരണപാത്രങ്ങൾ, പ്രഷർകുക്കറുകൾ, ഫാനുകൾ, അലമാരകൾ, മേശകൾ, ടിവി എന്നിവയാണ് വിതരണം ചെയ്തത്.
പ്രസിഡന്‍റ് പ്രഫ. ടോമിച്ചൻ ജോസഫ് വിതരണ ഉദ്ഘാടനം നിർവഹിച്ചു. ബ്ലോക്ക് പഞ്ചായത്ത് വൈസ് പ്രസിഡന്‍റ് രജനി അനിൽ അധ്യക്ഷത വഹിച്ചു.
റേച്ചൽ കുര്യൻ, ബി. ഉത്തമൻ എന്നിവർ പ്രസംഗിച്ചു. 6,30,000 രൂപയുടെ പദ്ധതിയാണ് നടപ്പിലാക്കിയത്. പബ്ലിക് ലൈബ്രറികൾക്കുള്ള ലാപ്ടോപ്പുകൾ അനിൽ എം. ചാണ്ടി, ധനുജ സുരേന്ദ്രൻ, ലിസമ്മ ബേബി എന്നിവർ വിതരണം ചെയ്തു.