ചെറുവള്ളി: ദേവീക്ഷേത്രത്തിൽ മീനപ്പൂര ഉത്സവത്തിന് ഇന്നു വൈകുന്നേരം 6.30ന് കൊടിയേറും. തന്ത്രി താഴ്മൺമഠം കണ്ഠര് മോഹനര്, മേൽശാന്തി പെരുന്നാട്ടില്ലം മനോജ് നമ്പൂതിരി എന്നിവർ കാർമികത്വം വഹിക്കും. 7.30ന് കലാവേദിയിൽ ഭദ്രദീപം തെളിക്കും. 8.30ന് വീണക്കച്ചേരി. 28നു രാത്രി ഏഴിന് യോഗപ്രദർശനം, എട്ടിന് വയലിൻ, നാദസ്വരം ഫ്യൂഷൻ, 10നു ഗാനോത്സവം. 29നു രാത്രി ഏഴിന് തിരുവാതിര, എട്ടിന് ബാലെ. 30നു രാത്രി ഏഴിന് കഥകളി. 31നു രാത്രി ഏഴിന് തിരുവാതിര, എട്ടിന് വയലിൻകച്ചേരി.
ഏപ്രിൽ ഒന്നിന് രാത്രി 7.30ന് കളരി പ്രദർശനം, 8.30ന് കർണാട്ടിക് ഭജൻസ്. രണ്ടിനു രാത്രി 7.30ന് ഹരികഥ, 10ന് ഭക്തിഗാനമേള. മൂന്നിനു രാവിലെ 8.30ന് ഭജൻസ്, ഉച്ചയ്ക്ക് ഒന്നിന് സോപാനസംഗീതം, രാത്രി ഏഴിന് ശലഭോത്സവം. നാലിന് ഉച്ചയ്ക്ക് 12.15ന് ആറാട്ട് എഴുന്നള്ളിപ്പ്, 5.30ന് ആറാട്ടിനുശേഷം തിരിച്ചെഴുന്നള്ളത്ത്, ആറിന് കഥകളിപ്പദക്കച്ചേരി, 8.30ന് ആറാട്ട് എതിരേൽപ്പ്, 11.30ന് ഗാനമേള. അഞ്ചിന് രാവിലെ 10ന് വിശേഷാൽകലശം, 11ന് സർപ്പപൂജ.
പനമറ്റം: ഭഗവതിക്ഷേത്രത്തിൽ മീനപ്പൂര ഉത്സവം 29 മുതൽ ഏപ്രിൽ നാലുവരെ നടക്കും. 29നു രാവിലെ 7.30ന് ക്ഷേത്രത്തിന്റെ വെബ്സൈറ്റ് മേൽശാന്തി പുന്നശേരി ഇല്ലം വിനോദ് എൻ. നമ്പൂതിരി ഉദ്ഘാടനം ചെയ്യും. രാത്രി 7.15ന് പനമറ്റം ശ്രീഭദ്ര വാദ്യകലാസമിതിയുടെ പഞ്ചാരിമേളം, 8.30ന് പടയണി. 30ന് രാത്രി 8.30ന് തിരുവാതിര, 9.15ന് ഗാനമേള, 31ന് രാത്രി 8.30ന് നടനമാധുരി. ഏപ്രിൽ ഒന്നിന് രാത്രി 8.30ന് സംഗീതസദസ്. രണ്ടിന് 11.30ന് സമൂഹസദ്യ, ഭജനാമൃതം, രാത്രി 8.30ന് ശാസ്ത്രീയനൃത്തം, 9.30ന് തിരുവാതിര. മൂന്നിന് രാത്രി 7.30ന് കുച്ചിപ്പുടി, 8.30ന് വയലിൻ ഫ്യൂഷൻ. നാലിനു പുലർച്ചെ 4.30ന് എണ്ണക്കുടം, 8.30ന് ശ്രീബലി, 9.30ന് കലശാഭിഷേകം, 12ന് കുംഭകുടനൃത്തം, 4.30ന് കാഴ്ചശ്രീബലി, രാത്രി ഒൻപതിന് കഥാപ്രസംഗം, 11ന് എഴുന്നള്ളത്ത്, 12.30ന് പൂരംഇടി.