വൈക്കം: പണിമുടക്കാനുള്ള ജീവനക്കാരുടെ അവകാശം നിഷേധിക്കാനുള്ള കേന്ദ്രസര്ക്കാര് നീക്കം ജനാധിപത്യ വിരുദ്ധമാണെന്ന് സിപിഐ ജില്ലാ സെക്രട്ടറി വി.ബി. ബിനു. ജോയിന്റ് കൗണ്സില് ഓഫ് സ്റ്റേറ്റ് സര്വീസ് ഓര്ഗനൈസേഷന്സ് ജില്ലാ സമ്മേളനത്തിന്റെ പ്രതിനിധി സമ്മേളനം വൈക്കത്ത് ഉദ്ഘാടനം ചെയ്യുകയായിരുന്നു അദ്ദേഹം. വൈക്കം സീതാറാം ഓഡിറ്റോറിയത്തിലെ കെ. ചെല്ലപ്പന് നഗറില് നടന്ന സമ്മേളനത്തില് ജോയിന്റ് കൗൺസിൽ ജില്ലാ പ്രസിഡന്റ് എം. നിയാസ് അധ്യക്ഷത വഹിച്ചു.
സംസ്ഥാന ജനറൽ സെക്രട്ടറി ജയശ്ചന്ദ്രൻ കല്ലിങ്കൽ, ജില്ലാ സെക്രട്ടറി പി.എൻ. ജയപ്രകാശ്, ട്രഷറർ പി.ഡി. മനോജ്, സംസ്ഥാന വൈസ് ചെയർപേഴ്സൺ എം.എസ്. സുഗതകുമാരി, സെക്രട്ടേറിയേറ്റ് അംഗം ഡി. ബിനിൽ, സംസ്ഥാന കമ്മിറ്റി അംഗങ്ങൾ തുടങ്ങിയവർ പ്രസംഗിച്ചു. സർവീസിൽനിന്നു വിരമിച്ച സംസ്ഥാന കൗൺസിൽ അംഗം ആർ. സുരേഷിനു യാത്രയയപ്പ് നൽകി.
വി.സി. ജയന്തിമോളുടെ അധ്യക്ഷതയിൽ ചേർന്ന യാത്രയയപ്പ് സമ്മേളനം സിപിഐ സംസ്ഥാന എക്സിക്യൂട്ടീവ് അംഗം സി.കെ. ശശിധരൻ ഉദ്ഘാടനം ചെയ്തു. സി.കെ. ആശ എംഎൽഎ ഉപഹാരസമർപ്പണം നടത്തി. പ്രീതി പ്രഹ്ളാദ്, എം.കെ. സൗമ്യകുമാരി, എൻ.കെ. രതീഷ് കുമാർ, ഷീല ഇബ്രാഹിം എന്നിവർ പ്രസംഗിച്ചു.
പുതിയ ഭാരവാഹികളായി എ.ഡി അജീഷ് (പ്രസിഡന്റ്) , എ.എം. അഷ്റഫ്, എം.കെ സൗമ്യകുമാരി, ബിജു മുളകുപാടം (വൈസ് പ്രസിഡന്റുമാർ), പി.എൻ. ജയപ്രകാശ് (സെക്രട്ടറി), എ.സി. രാജേഷ്, എൻ.കെ. രതീഷ് കുമാർ, പ്രീതി പ്രഹ്ലാദ് (ജോയിന്റ് സെക്രട്ടറിമാർ), പി.ഡി. മനോജ് (ട്രഷറർ) എന്നിവരെ തെരഞ്ഞെടുത്തു.