മൂന്നിലവ്: മൂന്നിലവ് പഞ്ചായത്തിൽ 11,01,39,349 രൂപ വരവും 10,94,17,000 രൂപ ചെലവും പ്രതീക്ഷിക്കുന്ന ബജറ്റ് അവതരിപ്പിച്ചു. നികുതിയിനത്തിൽ 24,50,000 രൂപ, നികുതിയിതര വരുമാനം 11,90,000 രൂപ, ജനറൽ പർപ്പസ് ഗ്രാന്‍റ്, വികസനഫണ്ട് മെയിന്‍റനൻസ് ഗ്രാന്‍റ്, ജില്ലാ പഞ്ചായത്ത് വിഹിതം ഉൾപ്പെടെയാണു വരവ് കണക്കാക്കിയിട്ടുള്ളത്.
തനതു വരുമാന മാർഗങ്ങൾ വർധിപ്പിക്കുന്നതിന് ടൂറിസം സാധ്യതകൾ പ്രയോജനപ്പെടുത്തുന്നതിന് ബജറ്റിൽ ഊന്നൽ നലകിയിട്ടുണ്ട്. ടൂറിസം മേഖലയെ എങ്ങനെ പ്രയോജനപ്പെടുത്താമെന്ന് സാധ്യതാപഠനം നടത്തി ഡിപിആർ തയാറാക്കുകയാണ് ആദ്യഘട്ടത്തിൽ ചെയ്യുന്നതെന്ന് പ്രസിഡന്‍റ് പി.എൽ. ജോസഫ് പറഞ്ഞു.