തിരുവാർപ്പ്: തിരുവാർപ്പ് പഞ്ചായത്ത് ബജറ്റിൽ കാർഷിക മേഖലയ്ക്കും പ്രദേശിക സാമ്പത്തിക വികസനത്തിനും ഊന്നൽ. പഞ്ചായത്ത് പ്രസിഡന്റ് അജയൻ കെ. മേനോന്റെ അധ്യക്ഷയിൽ ചേർന്ന ഭരണ സമിതി യോഗത്തിൽ വൈസ് പ്രസിഡന്റ് രശ്മി പ്രസാദാണ് ബജറ്റ് അവതരിപ്പിച്ചത്.
വിശദമായ ചർച്ചകൾക്കുശേഷം പാസാക്കിയ ബജറ്റിൽ 31,57,58,728 രൂപ വരവും 31,35,11,000 രൂപ ചെലവും 22,47,728 രൂപ നീക്കിയിരുപ്പും പ്രതീക്ഷിക്കുന്നത്.
ഉല്പാദനമേഖലയിൽ 2,31,80,000 രൂപ, സേവന മേഖലയിൽ 11,11,25,000 രൂപ, പശ്ചാത്തല മേഖലയിൽ 2,27,19,000 രൂപ എന്നിങ്ങനെയാണ് ബജറ്റിൽ തുക വകയിരുത്തിയിട്ടുണ്ട്.
കൃഷി, ആരോഗ്യം, ഭവന നിർമാണം, മാലിന്യ സംസ്കരണം, പ്രാദേശിക സാമ്പത്തിക വികസനം തുടങ്ങിയ മേഖലകൾക്ക് ബജറ്റ് കൂടുതൽ ഊന്നൽ നൽകുന്നു.