ഓണംതുരുത്ത്: ഓണംതുരുത്ത് ഗവൺമെന്റ് എൽപി സ്കൂളിന്റെ വാർഷികാഘോഷങ്ങൾ നടത്തി. ആഘോഷങ്ങളുടെ ഭാഗമായി പൂർവ വിദ്യാർഥീ സംഗമം, പൂർവ അധ്യാപകരെ ആദരിക്കൽ, പാഠ്യേതര വിഷയങ്ങളിൽ മികവ് തെളിയിച്ച സ്കൂൾ പ്രതിഭകൾക്ക് അനുമോദനം, സർട്ടിഫിക്കറ്റ് വിതരണം, യാത്രയയപ്പ്, കലാസന്ധ്യ എന്നിവ നടന്നു. നീണ്ടൂർ പഞ്ചായത്ത് പ്രസിഡന്റ് വി.കെ. പ്രദീപ് സമ്മേളനം ഉദ്ഘാടനം ചെയ്തു.
പിടിഎ പ്രസിഡന്റ് രഞ്ജിത് രാജ് ആർ. അധ്യക്ഷത വഹിച്ചു. ഏറ്റുമാനൂർ ബ്ലോക്ക് പഞ്ചായത്ത് മെംബർ തോമസ് കോട്ടൂർ എൻഡോവ്മെന്റ് വിതരണം നിർവഹിച്ചു. ആരോഗ്യ വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ പി.ഡി. ബാബു, എം.കെ. ശശി, എം. മുരളി, കെ.എസ്. രാഗിണി, ഹെഡ്മിസ്ട്രസ് എം.ആർ. സതികുമാരി, സ്കൂൾ ലീഡർ അഭിനവ് അഭിലാഷ്, വിദ്യാർഥി പ്രതിനിധി അർജുൻ സുരേഷ്, മാതൃസംഘം ചെയർപേഴ്സൺ സി.വി. കൃഷ്ണേന്ദു, അധ്യാപിക പി.കെ. നസീറ, റ്റീന ജോസഫ് എന്നിവർ പ്രസംഗിച്ചു.
ഓണംതുരുത്ത് ഗവൺമെന്റ് എൽപി സ്കൂളിലെ വാർഷികാഘോഷങ്ങൾ നീണ്ടൂർ പഞ്ചായത്ത് പ്രസിഡന്റ് വി.കെ. പ്രദീപ് ഉദ്ഘാടനം ചെയ്യുന്നു