കൂരോപ്പട: പഞ്ചായത്തിന്‍റെ 2023-24 സാമ്പത്തിക വര്‍ഷത്തേക്കുള്ള വികസന സെമിനാര്‍ നടത്തി.
ജനറല്‍ ഫണ്ട് 1,65,86,000 പട്ടികജാതി വിഭാഗത്തിന് 27,12,000 പട്ടികവര്‍ഗ വിഭാഗത്തിന് 1,14,000 ധനകാര്യ കമ്മീഷന്‍ ഗ്രാന്‍ഡ് 68,67,000 മെയിന്‍റനന്‍സ് ഗ്രാന്‍ഡുകള്‍ 1,52,66,000 എന്നിങ്ങനെ തുക വകയിരുത്തിയുള്ള വികസന പ്രവര്‍ത്തനങ്ങളാണ് നടത്തുന്നത്.
പഞ്ചായത്ത് പ്രസിഡന്‍റ് ഷീല ചെറിയാന്‍ അധ്യക്ഷത വഹിച്ചു. ജില്ലാ പഞ്ചായത്തംഗം ടി.എന്‍. ഗിരീഷ് കുമാര്‍ ഉദ്ഘാടനം നിര്‍വഹിച്ചു.
ജില്ലാ പഞ്ചായത്തംഗം രാധാ വി. നായര്‍, പഞ്ചായത്തംഗം ഷീല മാത്യു, പഞ്ചായത്ത് വൈസ്പ്രസിഡന്‍റ് ഗോപി ഉല്ലാസ് തുടങ്ങിയവര്‍ പ്രസംഗിച്ചു.