കോട്ടയം: ബീറ്റ് ഫോറസ്റ്റ് ഓഫീസര്‍മാരുടെ സംസ്ഥാനതല സീനിയോറിറ്റി സര്‍വീസ് കാര്യങ്ങളില്‍ നടപ്പിലാക്കേണ്ടതാണെന്ന് കേരള കോണ്‍ഗ്രസ്-എം ചെയര്‍മാന്‍ ജോസ് കെ. മാണി എംപി. കേരള ഫോറസ്റ്റ് സ്റ്റാഫ് ഫ്രണ്ട് (കെഎഫ്എസ്എഫ്) രൂപീകരണ സമ്മേളനം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം.
സംഘടനയുടെ ലോഗോ പ്രകാശനവും അദ്ദേഹം നിര്‍വഹിച്ചു. കേരള എന്‍ജിഒ ഫ്രണ്ട് സംസ്ഥാനപ്രസിഡന്‍റ് ഷിജു വി. കുര്യന്‍റെ അധ്യക്ഷതയില്‍ നടന്ന സംഘടനാ രൂപീകരണ സമ്മേളനത്തില്‍ സജി അലക്‌സ്, ബിനു മുളക്കുഴ, എസ്. അശ്വനികുമാര്‍, അഭിലാഷ് മാത്യു ഇടുക്കി, ബിനോയി ജോസഫ്, പി.എസ്. അനീഷ്, എ. മനോജ് കുമാര്‍, ജയ്‌സണ്‍ മാന്തോട്ടം, സജി ചിറയത്ത്, ആര്‍. ടി. അനീഷ്, സോജന്‍ വര്‍ഗീസ്, ബിന്‍സി ജോസഫ്, കെ. ശ്രീകാന്ത്, ഡെന്നി തോമസ്, കെ. ബോബി, ടി.വി. തോമസ്, രഞ്ജിത് എന്നിവര്‍ പ്രസംഗിച്ചു. സംഘടനയുടെ സംസ്ഥാന ഭാരവാഹികളെയും സെക്രട്ടേറിയറ്റിനെയും ഇന്നു തെരഞ്ഞടുക്കും.