തെങ്ങണ: സംസ്ഥാന സര്‍ക്കാര്‍ അവതരിപ്പിച്ച ജനദ്രോഹ ബഡ്ജറ്റിനെതിരേ മാടപ്പള്ളി മണ്ഡലം കോണ്‍ഗ്രസ് കമ്മിറ്റി തെങ്ങണായില്‍ പ്രതിഷേധ പ്രകടനവും പ്രതികാത്മകമായി ബഡ്ജറ്റ് കോപ്പി കത്തിക്കലും നടത്തി. മണ്ഡലം പ്രസിഡന്‍റ് ബാബു കുരീത്രയുടെ അധ്യക്ഷതയില്‍ ബ്ലോക്ക് കോണ്‍ഗ്രസ് കമ്മിറ്റി പ്രസിഡന്‍റ് ആന്‍റണി കുന്നുംപുറം ഉദ്ഘാടനം ചെയ്തു.
പി.എം. ഷെഫീക്ക്, എന്‍.ആര്‍. ഗോപാലകൃഷ്ണന്‍ നായര്‍, ജോര്‍ജുകുട്ടി കൊഴുപ്പക്കളം, സെലീനാമ്മ തോമസ്, സിനി വര്‍ഗീസ്, ബേബിച്ചന്‍ ഓലിക്കര, ജയിംസ് പഴയചിറ, ജോയിച്ചന്‍ കാലായില്‍, ലൈസാമ്മ മുളവന, ജയശ്രീ പ്രഹ്‌ളാദന്‍, റോസിലിന്‍ ഫിലിപ്പ് തുടങ്ങിയവര്‍ പ്രസംഗിച്ചു.
ബിജെപി
പ്രതിഷേധിച്ചു
കുരിശുംമൂട്: ബജറ്റിലൂടെ ജനങ്ങളുടെമേല്‍ അമിതഭാരം അടിച്ചേല്‍പ്പിച്ച സംസ്ഥാന സര്‍ക്കാരിന്‍റെ നടപടികള്‍ക്കെതിരേ ബിജെപി വാഴപ്പള്ളി ഈസ്റ്റ് ഏരിയ കമ്മിറ്റിയുടെ നേതൃത്വത്തില്‍ കുരിശുംമൂട്ടില്‍ പ്രതിഷേധയോഗം ചേര്‍ന്നു. ഏരിയ പ്രസിഡന്‍റ് അജിത്ത് കുമാര്‍ അധ്യക്ഷത വഹിച്ചു.
ബിജെപി മണ്ഡലം ജനറല്‍ സെക്രട്ടറി ബിജു മങ്ങാട്ടുമഠം ഉദ്ഘാടനം ചെയ്തു. സി. മോനിച്ചന്‍, പി.എം. ജോഷ്വ, ടി.സി. ലക്ഷ്മണന്‍, ജോര്‍ജ് ജോസഫ്, ചിന്തുകുമാര്‍ ചീരംചിറ തുടങ്ങിയവര്‍ പ്രസംഗിച്ചു.