പാലാ: വൈദ്യുതിക്ക് അഞ്ച് ശതമാനവും പെട്രോളിന് രണ്ട് ശതമാനവും ഭൂമിയുടെ ന്യായവില 20 ശതമാനവും വര്‍ധിപ്പിച്ച് സാധാരണക്കാരെ പിണറായി സര്‍ക്കാര്‍ കൊള്ളയടിച്ചിരിക്കുകയാണെന്ന് യുഡിഎഫ് ജില്ലാ ചെയര്‍മാന്‍ സജി മഞ്ഞക്കടമ്പില്‍ ആരോപിച്ചു. സംസ്ഥാന സര്‍ക്കാരിന്‍റെ ബജറ്റിനെതിരേ പ്രതിഷേധിച്ച് യുഡിഎഫ് പാലാ നിയോജകമണ്ഡലം കമ്മിറ്റിയുടെ ആഭിമുഖ്യത്തില്‍ നടത്തിയ പ്രതിഷേധസമരം ഉദ്ഘാടനം ചെയ്യുകയായിരുന്നു അദ്ദേഹം.
യോഗത്തില്‍ പ്രഫ. സതീഷ് ചൊള്ളാനി അധ്യക്ഷത വഹിച്ചു. എ.കെ. ചന്ദ്രമോഹന്‍, ജോര്‍ജ് പുളിങ്കാട്, സന്തോഷ് കാവുകാട്ട്, വി.സി. പ്രിന്‍സ്, ഷോജി ഗോപി, അഡ്വ. എ.എസ്. തോമസ്, സന്തോഷ് മണര്‍കാട്ട്, ടോം നല്ലനിരപ്പേല്‍, എന്‍. സുരേഷ്, ജോഷി വട്ടക്കുന്നേല്‍, മാര്‍ട്ടിന്‍ കോലടി, പ്രേംജിത്ത് ഏര്‍ത്തയില്‍ തുടങ്ങിയവര്‍ പ്രസംഗിച്ചു.
അഭിനന്ദിച്ചു
പാലാ: നിരവധി പദ്ധതികള്‍ക്ക് ബജറ്റില്‍ തുക വകയിരുത്തിയ ധനമന്ത്രിയെ കേരള കോണ്‍ഗ്രസ്-എം നിയോജക മണ്ഡലം സെക്രട്ടേറിയറ്റ് യോഗം അഭിനന്ദിച്ചു. യോഗത്തില്‍ നിയോജക മണ്ഡലം പ്രസിഡന്‍റ് ടോബിൻ കെ. അലക്‌സ് അധ്യക്ഷത വഹിച്ചു. ജോസ് ടോം, ഫിലിപ്പ് കുഴികുളം, ബേബി ഉഴുത്തുവാല്‍, പെണ്ണമ്മ ജോസഫ്, റാണി ജോസ്, ബൈജു പുതിയിടത്തുചാലില്‍, ബെന്നി തെരുവത്ത്, ജയ്‌സണ്‍ മാന്തോട്ടം, ബൈജു കൊല്ലംപറമ്പില്‍, ജോസുകുട്ടി പൂവേലി, ആന്‍റോ പടിഞ്ഞാറേക്കര, ജോര്‍ജ് വേരനാകുന്നേല്‍, രാമചന്ദ്രന്‍ അള്ളുംപുറം, ഡൊമിനിക് എലിപ്പുലിക്കാട്ട് എന്നിവര്‍ പ്രസംഗിച്ചു. എൽഡിഎഫ് ഉന്നയിച്ച പ്രധാന ആവശ്യങ്ങള്‍ അംഗീകരിക്കപ്പെട്ടതായി യോഗം ചൂണ്ടിക്കാട്ടി.