കോട്ടയം:ലൂർദ് ഫൊറോന പള്ളിയിൽ മാതാവിന്റെയും വിശുദ്ധ സെബസ്ത്യാനോസിന്റെയും തിരുനാളിനു നാളെ കൊടിയേറും.12ന് തിരുനാൾ സമാപിക്കും. നാളെ വൈകുന്നേരം അഞ്ചിന് ഫൊറോന വികാരി റവ.ഡോ. ഫിലിപ്പ് നെൽപുരപ്പറന്പിൽ തിരുനാൾ കൊടിയേറ്റ് നിർവഹിക്കും. ഫാ. പയസ് പായിക്കാട്ടുമറ്റത്തിൽ, ഫാ. സേവ്യർ വെട്ടിത്താനം, ഫാ.ആന്റണി കിഴക്കേത്തലയ്ക്കൽ എന്നിവർ സഹകാർമികരായിരിക്കും. തുടർന്നുള്ള ദിവസങ്ങളിൽ വൈകുന്നേരം അഞ്ചിന് മധ്യസ്ഥ പ്രാർഥന, വിശുദ്ധ കുർബാന. ഫാ.ആന്റണി കക്കാപറന്പിൽ, ഫാ. ഇൻസൺ അപ്പശേരിൽ, ഫാ. ജോസ് ലിൻ, ഫാ. ജിബു കരപ്പനാശേരി എന്നിവർ കാർമികത്വം വഹിക്കും.
ഒന്പതിന് വൈകുന്നേരം അഞ്ചിന് വിശുദ്ധ കുർബാന, ദിവ്യകാരുണ്യ പ്രദക്ഷിണം ഫാ.ആന്റണി കുറ്റിക്കൽ. പരേതരുടെ അനുസ്മരണ ദിനമായ 10ന് വിശുദ്ധ കുർബാനയ്ക്കും സെമിത്തേരി സന്ദർശനത്തിനും ലൂർദ്ദിലെ മുൻ വൈദികരായ റവ.ഡോ. ജോസ് മണക്കളം, ഫാ. ജോസഫ് ആലുങ്കൽ എന്നിവർ കാർമികത്വം വഹിക്കും. തുടർന്ന് രാത്രി ഏഴിന് കലാസന്ധ്യ.
11ന് വൈകുന്നേരം 4.30ന് വിശുദ്ധ കുർബാന മോൺ. ജയിംസ് പാലയ്ക്കൽ. ആറിന് നഗരപ്രദക്ഷിണം. ഫാ. ഹെന്ട്രി കോയിപ്പറന്പിൽ കാർമികത്വം വഹിക്കും. രാത്രി 8.30ന് ഫ്യൂഷൻ. തിരുനാൾ ദിനമായ12ന് രാവിലെ 6.30ന് വിശുദ്ധ കുർബാന ഫാ. ആന്റണി കിഴക്കേത്തലയ്ക്കൽ. ഒന്പതിന് ഫാ. സിറിയക് വലിയകുന്നുംപുറത്തിന്റെ മുഖ്യകാർമികത്വത്തിൽ റാസ. സന്ദേശം ആർച്ച് പ്രീസ്റ്റ് റവ.ഡോ. മാണി പുതിയിടം. തുടർന്ന് പ്രദക്ഷിണം. വൈകുന്നേരം അഞ്ചിന് വിശുദ്ധ കുർബാന ഫാ. മാർട്ടിൻ പൊന്നിട്ടുശേരി, ഫാ. ജയിംസ് പന്പാറ എന്നിവർ കാർമികത്വം വഹിക്കും. തുടർന്ന് കൊടിയിറക്ക്.
തിരുനാൾ വിജയത്തിനായി ഫൊറോന വികാരി റവ.ഡോ. ഫിലിപ്പ് നെൽപുരപ്പറന്പിൽ, അസിസ്റ്റന്റ് വികാരിമാരായ ഫാ. സേവ്യർ വെട്ടിത്താനം, ഫാ.ആന്റണി കിഴക്കേത്തലയ്ക്കൽ, ലൂർദ് സ്കൂൾ പ്രിൻസിപ്പൽ ഫാ. പയസ് പായിക്കാട്ടുമറ്റത്തിൽ കൈക്കാരൻമാരായ എം.ജെ. ജയിംസ് പുന്നവേലി, തോമസ് ആന്റണി വെട്ടിക്കൽ, എ.എം. ജോസഫ് അയ്ത്തമറ്റം, അലക്സാണ്ടർ മാത്യു തോട്ടുങ്കൽ,കൺവീനർമാരായ ജോർജ് തറപ്പേൽ, ഫ്രാൻസി ജോസഫ് ആര്യാടൻപാക്കൽ, സാജൻ അഗസ്റ്റിൻ ഒറവക്കണ്ടത്തിൽ, ബിജു ജോൺ പറന്പിൽ എന്നിവരുടെ നേതൃത്വത്തിൽ വിവിധ കമ്മിറ്റികൾ പ്രവർത്തിച്ചുവരുന്നു.