പെരുവന്താനം: സെന്റ് ആന്റണീസ് കോളജിന്റെ നേതൃത്വത്തിൽ പെരുവന്താനം, കൊക്കയാർ പഞ്ചായത്തുകളുടെയും പെരുവന്താനം സെന്റ് ജോസഫ് പള്ളിയുടെയും സഹകരണത്തോടെ ന്യൂവിഷൻ കണ്ണാശുപത്രിയും വെച്ചൂച്ചിറ ബഥനി ഹോമിയോ ക്ലിനിക്കുമായി ചേർന്നു സൗജന്യ ക്യാമ്പ് സംഘടിപ്പിക്കും.
നാലിനു രാവിലെ 9.30ന് സെന്റ് ആന്റണീസ് കോളജിൽ നടക്കുന്ന ക്യാമ്പ് വാഴൂർ സോമൻ എംഎൽഎ ഉദ്ഘാടനം ചെയ്യും. ജില്ലാ പഞ്ചായത്ത് പ്രസിഡന്റ് കെ.ടി. ബിനു അധ്യക്ഷത വഹിക്കും. കോളജ് ചെയർമാൻ ബെന്നി തോമസ് ആമുഖ പ്രഭാഷണവും ഫാ. തോമസ് നല്ലൂർകാലായിൽ, സിസ്റ്റർ ഡോ. ഐറിൻ എന്നിവർ അനുഗ്രഹ പ്രഭാഷണവും നടത്തും.
സൗജന്യ നേത്ര പരിശോധനയും ഡയബറ്റിക് റെറ്റിനോപ്പതി സ്ക്രീനിംഗും ക്യാമ്പിലുണ്ടായിരിക്കും. ക്രോണിക് രോഗങ്ങളായ വെരിക്കോസ് വെയിൻ, മൈഗ്രൈൻ, അലർജി, ആസ്മ, അൾസർ തുടങ്ങിയ രോഗങ്ങൾക്ക് സൗജന്യ കൺസൾട്ടേഷനും ഉണ്ടായിരിക്കും. ക്യാമ്പിന് ന്യൂ വിഷൻ ആശുപത്രി ഡോക്ടർമാരും ഹോമിയോ ചികിത്സാ വിദഗ്ത സിസ്റ്റർ ഐറിനും നേത്യത്വം നൽകും. പ്രിൻസിപ്പൽ ഡോ. ആന്റണി ജോസഫ് കല്ലമ്പള്ളി, സെക്രട്ടറി ടിജോമോൻ ജേക്കബ്, വൈസ് പ്രിൻസിപ്പൾമാരായ സുപർണ രാജു, ഇ.എ. റെസ്നിമോൾ, പി.ആർ. രതീഷ്, ബോബി കെ. മാത്യു, അക്ഷയ് മോഹൻദാസ്, ജസ്റ്റിൻ ജോസ്, ബിനു കുര്യൻ എന്നിവർ പ്രസംഗിക്കും. ഫോൺ - 9074086837, 9446121565.