വാഴൂര്‍: ജനാധിപത്യ കേരള കോണ്‍ഗ്രസ് ജില്ലാ നേതൃക്യാമ്പ് വാഴൂര്‍ അനുഗ്രഹ റിന്യൂവല്‍ സെന്‍ററില്‍ ആരംഭിച്ചു. ജില്ലാ പ്രസിഡന്‍റ് മാത്യൂസ് ജോര്‍ജിന്‍റെ അധ്യക്ഷതയില്‍ പാര്‍ട്ടി ചെയര്‍മാന്‍ ഡോ. കെ.സി. ജോസഫ് ഉദ്ഘാടനം ചെയ്തു.
മന്ത്രി ആന്‍റണി രാജു, വര്‍ക്കിംഗ് ചെയര്‍മാന്‍ പി.സി. ജോസഫ്, എ.ജെ. ജോസഫ്, കെ.സി. ജോസഫ്, ഫ്രാന്‍സിസ് തോമസ്, ജയിംസ് കുര്യന്‍, പ്രഫ. ജേക്കബ് എം. ഏബ്രഹാം, റോയി വാരിക്കാട്ട്. ജോര്‍ജ് അഗസ്റ്റിന്‍, രാഖി സഖറിയ, വിനു ജോബ്, ജോസുകുട്ടി വെട്ടിക്കാട്, റെജി കുരുവിള, പ്രഫ. സി.എ. അഗസ്റ്റിന്‍ എന്നിവര്‍ പ്രസംഗിച്ചു. അഡ്വ. വി.സി. സെബാസ്റ്റ്യന്‍ ക്ലാസെടുത്തു.
വനംവകുപ്പിലെ ചിലര്‍ സംശയത്തിന്‍റെ നിഴലില്‍: കേരള കോണ്‍ഗ്രസ്-എം
കോട്ടയം: കര്‍ഷകഭൂമി തട്ടിയെടുക്കാന്‍ എത്തുന്നവരുടെ പിണിയാളുകളെപ്പോലെയാണ് വനംവകുപ്പിലെ ചില ഉന്നതര്‍ പ്രവര്‍ത്തിക്കുന്നതെന്ന സംശയിക്കേണ്ടിവരുമെന്ന് കേരള കോണ്‍ഗ്രസ് -എം സംസ്ഥാന ഓഫീസ് ചാര്‍ജ് ജനറല്‍ സെക്രട്ടറി സ്റ്റീഫന്‍ ജോര്‍ജ്. കാര്‍ഷിക മേഖലയിലെ പ്രതിസന്ധികളുടെ പശ്ചാത്തലത്തില്‍ കര്‍ഷക യൂണിയന്‍-എം സംഘടിപ്പിച്ച കര്‍ഷകരക്ഷാ സംഗമം ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. സംസ്ഥാന പ്രസിഡന്‍റ് റെജി കുന്നംകോടിന്‍റെ അധ്യക്ഷതയില്‍ ഫിലിപ്പ് കുഴികുളം, സണ്ണി തെക്കേടം, ജോസഫ് ചാമക്കാല, മാലേത്ത് പ്രതാപചന്ദ്രന്‍, കെ.പി. ജോസഫ്, ഇസഡ് ജേക്കബ്, ജയിംസ് മാലൂര്‍ തുടങ്ങിയവര്‍ പ്രസംഗിച്ചു.