കോട്ടയം: കോട്ടയം മെഡിക്കല്‍ കോളജില്‍ മരുന്നില്ലാത്തതിന്‍റെ പേരില്‍ രോഗികള്‍ക്ക് ചികിത്സ നിഷേധിക്കുന്ന സാഹചര്യം അംഗീകരിക്കാനാവില്ലെന്ന് കേരളാ കോണ്‍ഗ്രസ് എക്‌സിക്യൂട്ടീവ് ചെയര്‍മാന്‍ മോന്‍സ് ജോസഫ് എംഎല്‍എ. കോട്ടയം മെഡിക്കല്‍ കോളജില്‍ വരുന്ന രോഗികള്‍ക്ക് മരുന്ന് ഇല്ലാത്തതിന്‍റെ പേരില്‍ ചികിത്സ നിഷേധിക്കുന്നതില്‍ പ്രതിഷേധിച്ചു കേരളാ കോണ്‍ഗ്രസ് ജില്ലാ കമ്മിറ്റിയുടെ നേതൃത്വത്തില്‍ മെഡിക്കല്‍ കോളജ് കവാടത്തില്‍ നടന്ന പ്രതിഷേധ സമരം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം.
കേരളാ കോണ്‍ഗ്രസ് ജില്ലാ പ്രസിഡന്‍റ് സജി മഞ്ഞക്കടമ്പില്‍ അധ്യക്ഷത വഹിച്ചു. കേരളാ കോണ്‍ഗ്രസ് സീനിയര്‍ സെക്രട്ടറി ഗ്രേസമ്മ മാത്യു, ഉന്നത അധികാര സമിതി അംഗങ്ങളായ പ്രിന്‍സ് ലൂക്കോസ്, വി.ജെ. ലാലി, ജയ്‌സണ്‍ ജോസഫ്, ജില്ലാ പഞ്ചായത്ത് അംഗം റോസമ്മ സോണി, സംസ്ഥാന ഭാരവാഹികളായ കെ.പി. പോള്‍, മൈക്കിള്‍ ജയിംസ്, തോമസ് കണ്ണന്തറ, സ്റ്റീഫന്‍ പാറവേലില്‍, ജോയി ചെട്ടിശേരി, ആപ്പഞ്ചിറ പൊന്നപ്പന്‍, കുര്യന്‍ പി. കുര്യന്‍, സി.വി. തോമസുകുട്ടി, കുഞ്ഞുമോന്‍ ഒഴുകയില്‍, ഷിജു പറയിടുക്കില്‍, നോയല്‍ ലൂക്ക്, സാബു പിടിയേക്കല്‍, ജോയി സി. കാപ്പന്‍, ജോണ്‍ ജോസഫ്, ജോണിച്ചന്‍ പൂമരം, ഷിനു പാലത്തിങ്കല്‍ ജോമോന്‍ ഇരുപ്പക്കാട്ട്, കുര്യന്‍ വട്ടമല, ജോഷി ജോസ്, ജയിംസ് തത്തംകുളം, ജോസഫ് മുടക്കനാട്ട്, ജോസ് പാറേട്ട്, കുഞ്ഞ് കളപ്പുര, ജിപ്‌സണ്‍ ജോയി, ഡിജു സെബാസ്റ്റ്യന്‍, ടോമി നരിക്കുഴി, ടിറ്റോ പയ്യനാടന്‍, ജോസഫ് ബോനിഭയിസ്, പി.എസ്. സൈമണ്‍ തുടങ്ങിയവര്‍ പ്രസംഗിച്ചു.